Información xeral
Radio Maré - A radio da biblioteca xa ten nome
 |
A radio da biblioteca xa ten nome! Radio Maré Escoitade o audio para ver a descrición e concepción do nome, enmarcado no noso proxecto Plambe 'Linguas nas Ondas' e na idea de teren unha radio nas ondas. Mil grazas a todas e todos os que participastes coas vosas achegas a esta radio do centro. Pouco a pouco seguimos creando escola! |
A EOI de Vilagarcía obtén o selo de centro eTwinning
|
Estamos de noraboa! A EOI de Vilagarcía acaba de recibir o selo de centro eTwinning. Aquí podedes consultar a listaxe de centros recoñecidos nesta edición 2021-2022. Agardamos que este recoñecemento anime á nosa comunidade docente a seguir innovando nas aulas. Como sabedes, eTwinning é unha rede de centros escolares de Europa, e ofrece ós equipos educativos a posibilidade de comunicarse, cooperar, desenvolver proxectos e traballar de maneira colaborativa, á vez que fomenta o sentirse parte da comunidade europea. eTwinning é un proxecto cofinanciado por Erasmus+, o programa europeo para a educación, formación, xuventude e deporte. Podedes ver no apartado de Internacionalización da nosa web o que o noso centro leva feito con eTwinning nos pasados cursos. Hoxe damos un pasiño máis. Seguimos avanzando cara a internacionalización da nosa Escola. Grazas a tódalas persoas que o fan posible.
|
 |
Exóticas
 |
Galileo, Homero, Platón, Newton, Kapuściński, Kant, Cervantes, Fleming, Aristóteles, Lorca, Marx, Pulitzer, Tesla, Kant… e poderiamos seguir enumerando a homes que ateigan os libros de historia… Agora ben.. esta historia, sen mulleres, está incompleta. E para enchela de científicas, pensadoras, mestras, artistas… de mulleres, en definitiva, desde este novo espazo animámosvos a redescubrir connosco, neste e en vindeiros episodios, algunhas das figuras femininas máis relevantes desa historia que as silenciou e as desterrou ás sombras. Hoxe, comezamos nós. EXÓTICAS Episodio 5 - Ángela Ruíz Robles Colaboración entre o IES San Clemente de Santiago de Compostela e a Radio Maré da EOI de Vilagarcía de Arousa |
Frases pola igualdade - 8M - Día Internacional da Muller
FRASES POLA IGUALDADE
Lanzamos a vertente lingüística das nosas accións para conmemorar o Día Internacional da Muller
Con motivo de conmemorar este 8 de marzo de 2021, animamos ao alumnado da nosa Escola Oficial de Idiomas a que participe nesta actividade interactiva, coa finalidade de pór en práctica as súas destrezas lingüísticas na lingua de ensino, (alemán, francés, inglés, italiano e portugués), e en galego, en colaboración co EDLG.
A actividade é autoexplicativa, e só hai que seguir os botóns que se atopan en diferentes puntos da imaxe máis abaixo.
A finalidade é a creación de frases curtas ou slogans sobre igualdade. As frases se introducen nun formulario e serán revisadas e seleccionadas polo equipo de culturais da Escola, e, como resultado da selección, serán serigrafiadas en camisetas que se entregarán ás persoas inscritas e participantes na I Andaina 'Sendas cara a igualdade'.
A actividade está aberta desde hoxe, día 8 de marzo, até o 26 de marzo.
Lede as bases para máis información.
Participade!
»
Gañadora do primeiro concurso do Tupper da Radio da Biblioteca
|
Xa temos a primeira persoa gañadora da serie de concursos do programa Tupper da Radio da Biblioteca, producido íntegramente polo alumnado. Parabéns á gañadora! E ás persoas organizadoras! E aos demais, aínda tendes tempo para enviar as vosas propostas para o concurso do segundo programa do Tupper: Que nome lle daremos á nosa Radio da Biblioteca? Para vos inspirar, mirade o novo apartado da web da Biblioteca, onde podedes ver o noso proxecto de mellora Plambe 'Linguas nas Ondas', facendo alusión ás ondas do mar de Arousa e ás ondas da difusión das linguas na radio. Un proxecto precioso que agardamos vos inspire na busca do nome. Grazas a tod@s pola vosa impliación. |
 |
I Andaina 'Sendas cara a igualdade' - 8M - Día Internacional da Muller
CONVIDÁMOSTE A CAMIÑAR POR UNHA BOA CAUSA!
Andaina aberta a alumnado, profesorado e persoal non docente da EOI de Vilagarcía no curso 2020-2021. Na andaina poderán participar tamén exalumnado e persoas pertencentes á comunidade educativa da EOI de Vilagarcía, así como doutras EOIs de Galicia, de centros de ensino da contorna, e outras institucións relevantes, e calquera pesoa do público en xeral que teña interese en participar.
Para facela, deberedes inscribirvos de xeito individual a través deste formulario, até o xoves 4 de marzo, data trala cal recibiredes o dorsal nos vosos correos electrónicos. De non poder imprimilo, indicádeo no formulario, para recollelo impreso na conserxería da EOI.
Poderedes realizar a andaina entre o luns 8 e o venres 26 de marzo, podendo realizar calquera distancia na localidade que desexedes, sempre tendo en conta as restricións en materia sanitaria que prevalezan no voso lugar de participación. Con esta proposta deslocalizada evitarase a concentración de persoas no mesmo punto.
Para difundir a iniciativa sacade unha fotografía na que apareza o voso dorsal, tomada ó inicio do recorrido, durante o mesmo e/ou unha vez rematado, e compartídea seguindo as instrucións das bases, que podedes consultar aquí.
Coas vosas imaxes, poderedes entrar no sorteo dos obsequios por categorías: unha camiseta da EOI Vilagarcía serigrafiada con frases sobre a igualdade, resultado da actividade ‘Frases sobre a igualdade’, polo Día Internacional da Muller. A actividade de ‘Frases sobre a igualdade’ se publicará proximamente e estará aberta á participación do alumnado tamén desde o día 8 de marzo até o 26 de marzo.
As categorías de participación para o obsequio da andaina son as seguintes:
- Fotografía máis orixinal relacionada coa temática da igualdade.
- Fotografía enviada desde a localidade máis lonxana á EOI Vilagarcía.
- Fotografía con maior distancia camiñada: alumnado da EOI Vilagarcía.
- Fotografía con maior distancia camiñada: profesorado da EOI Vilagarcía.
- Fotografía con maior distancia camiñada: persoal non docente da EOI Vilagarcía.
- Fotografía con maior distancia camiñada: público en xeral
Animádevos a participar!
E difundide! É unha actividade aberta a tod@s!
»
Día Mundial da Radio 13 de febreiro 3/3
|
Como colofón da nosa serie de entrevistas, hoxe, no Día Mundial da Radio, traemos a derradeira entrevista realizada por Arousa Si Radio Salnés no noso ciclo de entrevistas desta semna. Hoxe con Austin Moore. Austin é un californiano afincado en Vilagarcía desde fai máis dun lustro. Foi exalumno da escola e agora traballa como auxiliar de lingua inglesa na nosa escola, grazas ao Programa de Auxiliares de Conversa da Consellería. Que levou a Austin a vir a Vilagarcía? E a matricularse na Escola? Cambiaría a súa percepción do centro agora que é máis docente que alumno? Escoitádeo e subscribídeos! go.ivoox.com/rf/65387108 |
 |
Día Mundial da Radio 13 de febreiro 2/3
 |
Seguimos na semana do Día Mundial da Radio, na que tres persoas da comunidade educativa nos contarán, grazas a Arousa Si Radio Salnés, a súa experiencia na Escola Oficial de Idiomas de Vilagarcía. Hoxe traémosvos a segunda entrevista, con Mar Durán García, alumna de moitos anos na EOI e locutora colaboradora no programa da radio da biblioteca 'O Tupper'. Mar é unha alumna que pasou por moitas das linguas que ensinamos na EOI e segue a día de hoxe matriculada. Como credes que foi e está sendo a súa experiencia? Que a motiva a seguir participando na Escola despois de tantos anos? Subscribídeos! |
Día Mundial da Radio 13 de febreiro 1/3
| Nesta semana do Día Mundial da Radio, tres persoas da comunidade educativa nos contarán, grazas a Arousa Si Radio Salnés, a súa experiencia na Escola Oficial de Idiomas de Vilagarcía.
Hoxe a primeira entrevista foi con José Manuel Pérez, representante do alumnado no Consello escolar. Qué nos terá que contar? Subscribídeos! |
 |
