Información xeral

Oscars Ballot 2024

 Os OSCAR xa están de novo aquí. Se estás a estudiar inglés con nós, participa na enquisa e podes gañar un dos dous bonos anuais para o Cine Clube ÁDEGA que sorteamos. Vota (só unha vez!) ata o 8 de marzo. 

Presentación da obra "Fago o que podo" de Afra Torrado

Depois da presentación faremos un pequeno taller de banda deseñada.

Agardámoste!!

Enquisa de sondaxe para a oferta educativa 2024-2025

A riqueza da nosa EOI é o noso alumnado, por iso queremos afondar na súa visibilización na contorna e elaborar de cara ao vindeiro curso escolar 2024-2025 unha oferta educativa o máis axustada posible ás necesidades do noso alumnado potencial, tanto público en xeral coma colectivos profesionais.

Para isto lanzamos esta enquisa de sondaxe que é anónima e estará aberta até o vindeiro 29 de febreiro de 2024. Participa e fainos saber cales son as túas preferencias de cara ao vindeiro curso.

Contamos contigo. Grazas!

Enquisa sondaxe oferta educativa

Ligazón á enquisa: https://forms.gle/dzBwMMcaE2cAvqaj7

Entrevista a Afra Torrado, autora e alumna da EOI de Vilagarcía

A autora e alumna Afra Torrado (@odarrot) presentou a súa primeira obra de banda deseñada "Fago o que podo" editada no selo galego Rodolfo e Priscila (@rodepris), para o programa G24.gal da CRTVG desde a nosa Biblioteca. Esperamos en breve porder facer algunha colaboración máis con Afra desde a Biblioteca. 

Consulta aquí a entrevista: https://www.g24.gal/-/-afra-torrado-busca-a-sua-identidade-desde-a-banda-desenada

 

Matrícula aberta: Curso de Competencia Xeral Nivel B2 para o público en xeral - Inglés - 60h

Por mor do limitado número de participantes inscritos para realizar o CALC B2 de Inglés, o CFR de Pontevedra ten que proceder a cancelarnos esa formación.

Por iso, desde o centro decidimos ofrecer un Curso de Competencia Xeral Nivel B2 para o público en xeral - Inglés 60 horas

Horario: Luns e xoves de 17.30h a 19.30h

Data de comezo: Luns 5 de febreiro

Para matricularse, as persoas candidatas deben acreditar ter superado o nivel de certificación inmediatamente anterior ou acreditar acceso directo. Ver titulacións.

O prazo de matrícula ábrese agora pola tarde e vai até o luns 5 de febreiro. O alumnado debe estar inscrito antes de asistir a clase por primeira vez.

A matrícula tramítase na secretaría do centro, onde se poden recoller os impresos a partir desta tarde, luns 29 de xaneiro.

 

4º Certame Radiofónico "Mulleres na Sombra"

O IES de San Clemente de Santiago convoca o seguinte Certame Radiofónico en colaboración coa nosa Escola.

Escolle unha científica, actriz, escritora, etc. pouco coñecida e grava un audio (preferentemente con voz feminina) falando dela e a súa importancia. Esta gravación publicarase na canle "Exóticas" de Radio Maré e participarás no certame con varios premios.

Prazo de entrega: ata o 15 de abril de 2024 ás 23:59h.

ANÍMATE A PARTICIPAR!!

Consulta as bases no seguinte enlace: https://www.iessanclemente.net/2024/01/09/4o-certame-radiofonico-mulleres-na-sombra/

Distribuir contido