EOI de Ribadeo

A preinscrición é un proceso previo ao de matrícula e non garantiza unha praza na escola. Só os alumnos que aparezan nas listas de admitidos despois de facer a preinscrición, e formalicen posteriormente en prazo e forma a súa matrícula serán alumnos oficiais da escola para o curso 2024-2025. A preinscrición é gratuita.

Quen ten que facer preinscrición?

Todo aquel que se matricule por primeira vez na escola terá que facer a preinscrición en liña.

Tamén deberán facer a preinscrición:

• As persoas que solicitan o acceso directo por titulación.
• As persoas que se incorporan a ensinanza prsencial tras superar as probas de certificación por libre.
• As persoas con traslado de expediente.
• O antigo alumnado que non estivera matriculado no curso 2023-2024.

Para acceder directamente á aplicación de preinscrición para o curso 2024/2025 prema no seguinte enlace: https://www.eoidigital.com/preinsxunta/alumnos/index.php

Prazos de preinscrición.

Prazo do 24 de xuño ata as 23.59 horas do 5 de xullo. 

Lista de admitidos.

Feita a preinscrición, para poderse matricular, os alumnos deberán comprobar a súa inclusión nas listas de admitidos.

• Importante:

Consulta a tua admisión a partir do día 9 DE XULLO 2024 e formaliza a túa matrícula nesta ligazón:

https://www.eoidigital.com/preinsxunta/alumnos/index.php