Quen somos: EQUIPO DE DINAMIZACIÓN LINGÜÍSTICA

Somos un grupo de membros da comunidade educativa (profesores, alumnos e PAS) que temos o compromiso de promover a extensión e a diversidade da lingua galega, de desactivar os estigmas e prexuízos sociolingüísticos nun proceso voluntario e participativo ao que calquera pode unirse.

Queremos potenciar o uso do galego mediante a dinamización a través da lectura, escritura e actividades culturais e lúdicas diversas que promovan a oralidade e participación activa. 

Se queres participar e asistir ás diversas actividades que organizamos, podes ver toda a información no apartado do web da Escola:  http://www.edu.xunta.gal/centros/eoicoruna/    (abaixo á esquerda ENDL/EDLG), e tamén podes estar ao día visitando o no noso taboleiro do vestíbulo da EOI. 

E tamén podes facerte amigo noso no perfil do FACEBOOK ou seguir a nosa páxina e recibirás información actualizada sobre eventos relacionados culturais e de lecer en galego: @ENDL da EOI da Coruña

Anímate a formar parte do equipo!

Sempre estamos abertos á participación de calquera membro da comunidade educativa da Escola. Únete ao equipo e mergúllate na lingua e cultura galega e/ou axuda a outros, fai amigos, charla, aprende, ensina, divírtete!

Se queres formar parte e aportar ideas ou facer suxestións, podes deixar unha mensaxe na conserxaría para o EDLG ou contactar connosco a través do enderezo electrónico: endl.corunha@gmail.com

Actualizado curso 2016/17