Curso 2016-17

PROCEDEMENTO DE ADMISIÓN DE ALUMNADO PARA O CURSO 2019/2020.

 

 

Calendario do procedemento de admisión e matrícula

 Os prazos previstos na normativa vixente son os que se indican a continuación:

1. Reserva de praza no centro de orixe: 1-15 de febreiro.

2. Presentación da solicitude de admisión: 1-20 de marzo.

 Publicación das listaxes provisionais de persoas admitidas e non admitidas: antes do 25 de abril.

Publicación das listaxes definitivas de persoas admitidas e non admitidas: antes do 15 de maio.

3. Formalización da matrícula en educación infantil e primaria: 20-30 de xuño.

 Se non se formaliza a matricula, pérdese a vacante adxudicada e pérdese a praza escolar do centro educativo no que estaba matriculado o alumno/a anteriormente.

 As familias poden consultar o estado de tramitación das súas solicitudes:

-A través da aplicación “admisiónalumnado” (htpp: www.edu.xunta.es/admisionalumnado

-Utilizando o código de solicitude e o número de DNI da persoa solicitante.

 Prazo de presentación da solicitude de admisión.

 O prazo de presentación das solicitudes de admisión será do 1 ao 20 de marzo, ambos os dous inclusive.

 Documentación.

1. A SOLICITUDE: será única e terá carácter vinculante.

O impreso será facilitado gratuitamente nos correspondentes centros docentes e poderá descargarse da páxina web da consellería.

Irá dirixida á dirección dos centros públicos e presentarase no centro indicado en primeiro lugar.

Cada solicitude poderá conter unha relación de ata seis centros, por orde de preferencia.

A solicitude debe cubrirse totalmente, sen enmendas ou correcións.

A solicitude terá que estar asinada por calquera dos/titulares da patria potestade ou representantes legais. No caso de separación ou divorcio será necesaria a firma de ambos os dous  proxenitores, agás que a patria potestade estea atribuída, con carácter exclusivo, a un deles

2. A solicitude de admisión deberá ir acompañada da documentación acreditativa do requisito de idade: Fotocopia do LIBRO DE FAMILIA/DNI (presentar o orixinal para poder compulsar a copia).

3. No caso de separación ou divorcio será necesario presentar, xunto coa solicitude de admisión, a fotocopia da RESOLUCIÓN XUDICIAL correspondente para a súa comprobación polo centro educativo (presentar o orixinal para poder compulsar a copia).

4. No caso de denegar a comprobación de datos por parte da administración, achegaránse fotocopias dos DNIs do solicitante e dos membros computables da unidade familiar.

Se houbera máis demandas de solicitudes que vacantes ofertadas, haberá que presentar a DOCUMENTACIÓN ACREDITATIVA DOS CRITERIOS DE

BAREMO (10 días hábiles contados a partires dos 2 días seguintes ao remate do prazo para presentar as solicitudes de admisión):

-Irmáns no centro - Renda da unidade familiar -Familia numerosa

-Traballar no centro - Discapacidade -Familia monoparental

-Proximidade do domicilio familiar ao centro / Proximidade do lugar de traballo ao centro

-Criterio aprobado polo Consello Escolar do Centro: domicilio na parroquia de Santa Cristina da Ramallosa (1 punto).

Normativa reguladora.

 Decreto 254/2012, do 13 de decembro, polo que se regula a admisión de alumnado en centros docentes sustentados con fondos públicos que imparten ensinanzas de 2º ciclo de educación infantil, de educación primaria, de educación secundaria obrigatoria e de bacharelato, reguladas na Lei orgánica 2/2006, do 3 de maio, de educación.

- ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación. 

- ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de  educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Postos escolares vacantes .

As vacantes existentes no centro, para o curso 2019/2020 son as seguintes:

4º de Educación Infantil (3 anos): 22, máis 3 reservadas para alumnado con neae.

5º de Educación Infantil (4 anos): 1

6º de Educación Infantil (5 anos): 12

Servizos ofertados.

A EEI O Areal conta con tres aulas do segundo ciclo de Educación Infantil:

4º de E. I. – nenos/as de 3 anos

5º de E. I. – nenos/as de 4 anos

6º de E. I. – nenos/as de 5 anos

O equipo docente está composto por:

- 4 mestras especialistas en Educación Infantil,

- 1 mestra especialista en Lingua Inglesa

- 1 mestra especialista en Audición e Linguaxe

- 1 mestra de relixión católica, ven 3 horas á semana desde o CEIP de Fontes-Bahíña.

- 1 orientadora, ven un día á semana desde o CEP de Sabarís.

O horario escolar é de xornada continuada de mañá: de 9:00 h. a 14:00 h.

A EEI O Areal comparte o transporte escolar co CEP de Sabarís.

A ANPA da escola organiza as actividades extraescolares, durante a tarde.

A zona de influencia da EEI O Areal é a parroquia de Santa Cristina da Ramallosa, en Baiona, ata a curva do manco.

A EEI O Areal está adscrita  ao CEP de Sabarís.

Fin de Curso

Aquí van algunhas fotos do "Festival de Fin de Curso", moitísimas grazas pola vosa participación e un aplauso a todos os nenos e nenas do Areal xa que quedou demostrado que son uns grandes artistas!!

(fotos AQUI)

 

Tamén fomos xogar e merendar  a Indiana Bill, pasámolo xenial!!

 

(fotos AQUÍ)

Contacontos

No mes de Xuño tamén tivemos contacontos,

aquí queda a proba!!

Dende o cole queremos mandarlle un agradecemento xigante a todas as familias que poideron participar neste obradoiro dos venres, xa que crearon un momento moi especial na zona da biblio así como un recordo que os seus nenos tarde esquecerán!

 

Videos do Festival

Hoxe foi un día moi especial para todos, por fin chegou o ansiado festival de fin de curso!

Mentras recopilamos as fotos velaquí quedan os videos que proxectamos para que vaiades abrindo boca.

Festa

A derradeira semana de cole está sendo moi intensa!

Hoxe tocou unha festiña tendo coma protagonistas os nenos e nenas que cumpliron anos este derradeiro trimestre e os que cumplirán no verán.

As fotos...AQUI

Praia Ladeira

As néboas coas que amanecemos hoxe non impediron que disfrutáramos dun ratiño de praia.

Mirade, mirade! AQUÍ

 

"Areas da Ladeira"

Nas últimas semanas estivemos a traballar arreo para poder publicar a nosa primeira edición da revista dixital "Areas da Ladeira". É unha recompilación dalgúns dos traballos, festas e saídas que fixemos ao longo do curso na nosa escola.
Podedes visualizala de forma online ou podedes descargala en formato pdf para lela con máis calma.
 
Agardamos que vos guste!
 Para facilitarvos a descarga facede click AQUÍ!
 
 
 

Axudas para os libros de Primaria

Familias!

Fai uns días publicouse na páxina da Xunta a "Convocatoria do fondo solidario de libros de texto e axudas para libros de texto e material escolar" pero, isto que significa? 

Pois que todos os nenos e nenas do Areal que pasan para primaria, xunto con aqueles que están cursando xa primaria ou secundaria teñen a posibilidade de optar as axudas tanto para libros de texto coma para materiais.

 

Os plazos son os seguintes:

Prazo de presentación: do 24 de maio ao 23 de xuño de 2017

- Axudas para libros de texto: para Educación Primaria (1º e 2º)

      Data de recollida do cheque: a partir do 14 de xullo de 2017

- Axudas para Material Escolar: para Educación Primaria e ESO (rendas iguales ou inferiores a 5.400 €)

     Data de recollida do cheque: a partir do 14 de xullo de 2017 

 

No seguinte enlace atoparedes máis información, o impreso de solicitude...

https://www.edu.xunta.gal/portal/fondolibros

Día do Medio Ambiente

Esta mañá as sirenas soaron con forza no Areal pero, tranquilos!! non pasou nada grave!!

Era a do coche do Seprona da Garda Civil que viñeron a falarnos de cousas tan importantes como:  o coidado dos animais, o coidado dos montes, dos incendios, da importancia da reciclaxe e do dano que lle podemos facer a natureza coas nosas basuras... e tamén nos ensinaron todo o que empregan eles para vixiar a toda esa xente que lle fai dano ós animais, o monte, o mar... e ó medio ambiente en xeral.

Moitas grazas pola visita!! 

premede AQUÍ  para ver todas as fotos

Horto

Menuda xornada a de hoxe!!

1º fomos o viveiro de Sabarís. Ensináronnos árbores, plantas e ata animais, que ben o pasamos! Grazas Suso por tratarnos tan ben e grazas o viviero de Sabarís por regalarnos tantas flores para o cole!! 

Fotos AQUÍ

2º Ademáis, como traballamos como balas, deunos tempo a recoller a colleita do "Horto der Tontón" e hoxe todos os pequenos do Areal poideron levar para casa leitugas e acelgas.  

Saboreadeas ben que é a primeira colleita deste ano!!