EEI O Areal

Como xa sabedes, cada 17 de maio celébrase o día das Letras Galegas. Ese foi o día no que se publicou o libro de poemas Cantares Gallegos, de Rosalía de Castro. Agora, cada ano nese día, homenaxéase a un escritor ou escritora en lingua galega.

Este ano o homenaxeado é Ricardo Carvalho Calero.

Debido á situación excepcional que estamos a vivir, non podemos realizar as actividades que cada ano desenvolvemos na escola co gallo deste día. Pero queremos achegarvos igualmente unha serie de recursos que vos poden axudar na casa a coñecer un pouco a vida e obra de Ricardo:

https://drive.google.com/file/d/1PIrlDQ6Xo5mT8Mpw855V9m_69jcKORn0/view?usp=sharing

Ademais destas actividades, en breve poderedes ver na nosa web unha adaptación do conto “As pitas baixo a choiva”, de Ricarllo Carvalho Calero, realizado polas mestras da escola. Ademais animarémosvos a que realicedes algunha actividade relacionada co audioconto.

E para rematar, publicaremos nas nosas plataformas as fermosas pegadas en galego que nos estades a enviar estes días. Como xa vos adiantamos, queremos achegalas ao maior número de persoas posible, xa que nos permiten espallar o noso agradecemento infinito, a través da nosa lingua, a toda esa xente que nos axuda nestes difíciles momentos.

Hoxe é o día mundial da Danza, deixámosvos na seguinte ligazón unha proposta do Pazo da Cultura de Pontevedra.

Tedes novidades no blogue da biblioteca "Os tesouros de Tontón". Podedes acceder facendo click na imaxe do borde esquerdo da web.

Dende a Biblioteca de Baiona achégannos a seguinte información para participar nunha iniciativa polo día do libro.

"Estimad@s lectores/as, hoxe 23 abril, como ben sabedes, é a data promovida pola Unesco para conmemorar o Día Mundial do Libro e Dereitos de autor, xa que ese día, do ano 1616, faleceron: Cervantes, Shakespeare e Inca Garcilaso de la Vega.

En Baiona organizamos para celebralo, un concurso de relato curto.

Como tod@s estamos sufrindo o confinamento, imos aproveitar o tempo e o igual que outros escritores:

Cervantes no seu encarceramento en Arxel, Óscar Wilde en Londres ou como Unamuno ou Miguel Hernández que dende a cárcel de Torrijos (Madrid) escribiu «Nanas da Cebola», animarvos a agudizar o enxeño e a participar neste concurso de relato curto "O enxeño engaiolado", convocado pola Concellería de Cultura e o Arquivo Histórico e Biblioteca Pública Municipal de Baiona, para este ano 2020.

Anímadevos a participar, un cordial saúdo."

BASES DO CONCURSO:

1. Poderán participar neste concurso persoasmaiores de 16 anos.

2. As obras presentadas serán relatos breves, de entre 1500 e 4500 palabras, en galegooucastelán, e terán como tema, central ou colateral, a biblioteca, o libro ou a lectura.

3. Presentaránse a dobreespazo, en Arial 12.

4. Os orixinais enviaranse por correo electrónico (biblioteca@baiona.org), en formato PDF e asinadosbaixo pseudónimo.

5. Os datos correspondentesao pseudónimo (nome e apelidos, DNI e número de teléfono) enviaransenun segundo arquivoaomesmo correo electrónico (biblioteca@baiona.org).

6. O prazo de admisión de obras comenzará o día 24 de abril de 2020, e rematará o 24 de xuño de 2020.

7. As obras non poderán ter sido premiadas en ningún outro concurso nacional o internacional, serán orixinais e inéditas.

8. Valorarase tanto a calidade literaria como as dotes creativas do autor ou autora.

9. O xurado estará composto por especialistas no ámbito bibliotecario e literario.

10. Concederanse 3 premios, consistentes en cheques-libraría por valor de 100, 200 e 300€. Canxeables en librarías de Baiona ata o 31 de decembro de 2020. Cada premio deberasecanxearde xeito íntegro na libraría que o gañador escolla.

1º Premio: 300 €

2º Premio: 200 €

3º Premio: 100 €

11. As obras gañadoraspublicaranse na páxina Web do Concello de Baiona.

12. O fallo do xuradofarase público no Concello de Baiona e na  Bibliotecao día 30 de xuño de 2020. Ese mesmo día comunicarase a forma de entrega dos premios.