Skip to Content

MURO DA ESCOLA

Onte comezaron a pintar o muro da escola co motivo do proxecto de igualdade. Como vedes implicáronse familias cos seus nenos/as. Isto parece que vai collendo forma!

 

Grazas ós participantes! Non deixedes de animarvos a colaborar nos proxectos e actividades da escola.

CONTACONTOS DE IGUALDADE

O pasado venres desfrutamos dunha sesión de contacontos a través do proxecto de igualdade no que está inmerso a AMPA do cole e a propia escola. Os nenos e nenas dende idades temperás deben ir concienciándose da importancia do respecto, da tolerancia e da igualdade.

 

Aproveitamos dende esta entrada da web, para agradecer ás familias que asistiron a charla informativa dentro deste mesmo proxecto. Realmente foi moi interesante e abriunos os ollos ós que pesamos que estamos actuando do xeito correcto. Foi unha mágoa que a asistencia fora tan baixa! Non deixedes de participar nas actividades que se promoven dende a escola.

 

Se queredes ver mais fotos podedes entrar na aula virtual do centro.

A FESTA DA SALSA DE TOMATE

O pasado venres aprendemos a facer a receita salsa de tomate. Primeiro recollemos os tomates da nosa horta. Despois pelamos os tomates, os cortamos e por último coa axuda das mestras, os cociñamos xunto cos demais ingredientes (cebola, sal, azucre e aceite de oliva).

Este foi o resultado final. Esperamos que vos guste!

Para ver todas as fotografías do proceso, podedes entrar na aula virtual da escola.

A FESTA DA PATACA

O pasado 4 de outubro pasámolo xenial na escola. Celebramos a festa da pataca!!! Como tódolos anos,  apañámolas do noso horto e logo preparámolas para poder degustalas. Foi unha mañá de moito traballo pero pagou a pena. Aquí tedes unha pequena mostra de todo o proceso nas diferentes aulas.

Para ver todas as fotos, podedes acceder como xa sabedes, a aula virtual co contrasinal.

SESIÓN DE FORMACIÓN SOBRE COMPOSTAXE

O vindeiro 5 de novembro ás 16:30 horas, terá lugar na escola, unha sesión de formación sobre a compostaxe.

A sesión será impartida por un especialista no tema que pertence o programa revitiliza da deputación de pontevedra.

Animámosvos a que asistades xa que este ano estamos moi comprometidos co medio porque como xa sabedes, temos o proxecto anual do horto ecolóxico.

Para apuntarvos, haberá una lista no taboleiro da escola.

APÚNTATE Á COMPOSTAXE!

Como xa sabedes na escola temos dous composteiros para producir o noso propio abono. Pedimos a vosa colaboración para que nos axudedes a enchelos. Por iso poñemos unha datas fixas para que nos traiades (se é posible) os restos que producides na vosa casa e que para nós son moi útiles.

  • Os nenos/as de 6º de infantil poderán traelos todos os martes (ás 9:00 horas).
  • Os nenos/as de 5º de infantil poderán traelos todos os xoves (ás 9:00 horas).
  •  e os nenos/as de 4º de infantil poderán traelos todos os mércores (ás 9:00 horas).

É moi importante que respetedes os días de entrega por cursos porque é cando teñen a sesión de horto e poden ir levalos ao composteiro.

Os restos deben vir en bolsas de plástico ben pechadas e teñen que vir picados en anacos. Por exemplo, se botades unha cenoria,  evitar botala enteira (debedes picala en varios anacos).

Moi importante:

As bolsas deben conter só restos de froita e verdura, pousos de café, cáscaras de ovo lavadas e machacadas e/ou anacos de pan.

 

Se queredes saber máis sobre a compostaxe podedes visitar o seguinte enlace:

https://www.youtube.com/playlist?list=PLI8kT8CUmE5nttollolzU1roWSLRSWPtt

NORMAS DE CONVIVENCIA DO CENTRO

COMPROMISO "CAMIÑO A CAMIÑO SEN BOLSAS DE PLÁSTICO"

Achegámosvos información sobre o programa municipal de educación medioambiental do Concello de Vigo, onde ofrécense diferentes cursos de formación, charlas, sendas, voluntariado, etc.

Animádevos a participar!

 

Deixámosvos o link con toda a información: http://hoxe.vigo.org/movemonos/mabiente_camino.php?lang=cas#/

OBRADOIRO DE IGUALDADE NA BIBLIOTECA MUNICIPAL.

A violencia de xénero é a parte visible dunha situación de desigualdade. Que facer antes de chegar a este extremo? Cómo nos pode axudar a literatura para erradicala? Este obradoiro incidirá nos referentes que lle estamos aportando ás nosas crianzas para cambiar os roles e propoñer un cambio de actitudes que nos conduzan cara a sororidade, equidade e o respecto en todos os ámbitos da vida.

 

A actividade levarase a cabo na Biblioteca de Baiona o vindeiro martes oito de outubro, dirixida a mocidade de catro a sete anos.

 

NON FALTES!!!

 

BIBLIOTECA DE TONTÓN

FAMILIAS DE CINCO ANOS, XA ESTÁ A LISTA DISPOÑIBLE NO TABOLEIRO DE ANUNCIOS PARA ANOTARSE OS VENRES A LECTURA DUN CONTO NA BIBLIOTECA DE TONTÓN!

ANIMÁDEMOS A PARTICIPAR, É UN MOMENTO MOI ESPECIAL PARA COMPARTIR COS VOSOS FILLOS/AS.

Distribuir contido


by Dr. Radut