Skip to Content

PROGRAMA DE CONCILIACIÓN NADAL 2019

Pola presente infórmase que hoxe xoves 14 de novembro de 2019 ábrese o prazo para o Programa de conciliación Nadal 2019. Podédesvos anotar ate o 25 deste mes.

As bases poden recollerse no rexistro do Concello de Baiona ou na paxina web do Concello.

A actividade terá lugar no CPI Cova Terreña nas seguintes datas:

23 – 24 – 26 – 27 – 30 – 31 de decembro 2019

2 – 3 – 7 de xaneiro 2020

O horario é de 9:00 a 14:00 horas. (Por necesidade das persoas proxenitoras, poderán acceder ó programa de 8:00 a 9:00 horas e saír de 14:00 a 15:00 horas, sempre que quede sinalado na solicitude).

O prezo público a pagar polos usuarios/as é de 25 euros.

20 DE NOVEMBRO

Onte conmemoramos na escola o día da Infancia. Entre todos/as elaboramos os dereitos dos nen@s e falamos da importancia de telos e respetalos.

ACTIVIDADES DO CONCELLO

Este venres 22 de novembro, ás 18:00 horas tedes unha actividade no concello de Baiona da man de Ana Carreira, que leva o título "Eu non quero".

E o sábado 23 deste mesmo mes, ásl 16:00 horas Os Bolechas visitan Baiona.

MAGOSTO NO AREAL

Hoxe celebramos o Magosto na escola. Primeiro merendamos e degustamos as castañas e despois fixemos unha xincana de xogos populares relacionados coa temática.

Pasámolo estupendamente! Coma sempre, podedes ver máis fotos na aula virtual do centro.

XXI CROSS ESCOLAR DO VALMIÑOR 2019

Como todos os anos, tedes no taboleiro da escola, a lista para anotarvos ó XXI Cross Escolar do Val Miñor 2019. A carreira será o 15 de decembro.

Tedes ata o día 11 de decembro para inscribirvos.

CONTACONTOS NA BIBLIOTECA

O vindeiro venres 8 de novembro ás 18:00 horas tedes para os nenos e nenas, unha sesión de contacontos na biblioteca de Baiona.

Animádevos a asistir!

RESIDUOS E COMPOSTAXE

Queridas familias,

Deixámosvos a presentación do formador da charla sobre compostaxe do pasado martes, na aula virtual do centro.

Grazas pola vosa asistencia.

NOVEMBRO LILA

A concellería de Igualdade de Baiona, promove a asistencia para o vindeiro sábado 2 de novembro ás 18:00 horas, a unha actividade no Xardín do Museo da navegación, da man de Miriam Ferradáns e Mónica Sueiro.

SAMAÍN

Queridas familias, xa podedes ver na aula virtual do cole, as fotos máis terroríficas do momento!

Esperamos que vos guste este gran grupo de meigas, pantasmas, vampiros, arañas... e demais familia! hahaha

RECEITA BISCOITO DE CENORIA

Como sabedes, estamos a traballar no noso proxecto do horto ecolóxico. Esta semana tocou a cenoria, por iso e co motivo do Samaín, elaboramos un delicioso biscoito de cenoria que degustaremos mañá na festa da escola. Ademais aproveitamos para repasar todos os conceptos de cociña e ingredientes en inglés.

 

Como sempre, podedes ver todo o proceso, nas imaxes colgadas na aula virtual.

Distribuir contido


by Dr. Radut