881 86 70 49
Formalización matrícula curso 2023 - 2024
O prazo para formalizar matrícula para o curso 2023 - 2024 do alumnado que inicia escolarización en 4º de Educación Infantil abrangue do 20 ao 30 de xuño.
Documentación:
- Impreso oficial (Anexo III -1) que se pode recoller no centro.
- Certificado médico.
- Fotocopia tarxeta sanitaria.
- Fotocopia DNI de ambos proxenitores.
- Impreso lingua materna e de relixión (recóllense no centro).
- 1 foto carné.
- Impreso de autorización de imaxe e saídas (recóllese no centro).
- Outra documentación, de ser o caso: sentenza, convenio regulador...
- Informe NEAE, de ser o caso.
Horario do centro de 9:00 a 14:00
Cole de maiores
Ante os nervios dunha nova etapa que está por comezar, primaria, onte por fin puidemos visitar o que será o noso novo cole en setembro.
Non podemos máis que sentirnos orgullosas dos nosos pequenos e pequenas que rematan etapa con nós.
Botarémolos moito de menos e sempre terán un oquiño no noso corazón.
Moitas grazas ao Ramón Artaza por darnos a oportunidade de disfrutar desta xornada.
Vila de Muros
Ola familias!
Como ben sabedes, fai pouco que fomos de visita guiada pola nosa vila. No día de hoxe tivemos o privilexio de visitar o hotel Miraflores de man da familia de Pablo e o Otantus hotel grazas á familia de Domi. Queremos agradecervos que nos acollerades e nos fixerades a xornada de hoxe tan amena. Por aquí vos deixamos unhas fotos para que curioseedes, pero xa vos anticipamos que cousas como o jacuzzi ou as tumbonas no xardín deixáronnos enamorados.
AXUDAS PARA LIBROS, MATERIAL ESCOLAR E FONDO DE LIBROS PARA O CURSO 2023/2024
Infórmase que está aberto o prazo de solicitude de axudas para adquirir libros de texto e material escolar destinadas ao alumnado matriculado en educación primaria no vindeiro curso escolar.
PRAZO DE SOLICITUDE: Ata o 21 de xuño.
Tedes toda a información na páxina web do CEIP Ramón de Artaza recollida na seguinte ligazón.
Así mesmo, recordámosvos que o prazo para formalizar matrícula abrangue do 20 ao 30 de xuño.
