ENDL

A vindeira semana dará comezo a semana do Entroido, que culminará nunha festa particular en cada escola.

Como todos os anos faremos caso dos mandadiños do Meco.

Queredes saber que toca este luns?

Shhhh!

Estade moi atentos ao que nos conta...

Este ano quixemos darlle luz á nosa contorna e as nenas e nenos xunto coas súas familias elaboraron adornos de nadal respectuosos co medio natural.

Quedaron preciosos, sodes uns artistas e os patios tiveron unha luz especial. Graciñas!!

Este ano celebramos o Día Internacional para a Eliminación da Violencia contra a Muller visibilizando o papel da muller nas artes e reflexionando sobre a súa falta de protagonismo nas galerías dos museos.

Cada nena e neno localizou unha muller artista na familia, investigou sobre ela, e presentou a súa obra na aula ao resto de compañeiras e compañeiros.

Houbo un interesante traballo de investigación e aprendizaxe primeiro na casa coa familia e despois na aula sobre as mulleres na arte.

Para finalizar todo o alumnado creou unha obra conxunta e grupal baseada en cada unha das obras individuales das súas mulleres artistas a cal foi exposta no Pazo da Cultura de Carballo.

Grazas a toda a comunidade educativa por este fermoso traballo conxunto!!