blogue de : Jacqueline

Nesta última semana de cole celebramos os aniversarios das nenas e nenos que cumpren en verán: Vera, Julia e Yago. Ademais, tivemos moita sorte porque os protagonistas do día agasalláronnos cuns bizcochos e galletas deliciosos!! Moitas grazas!

Parabéns!!!

Ola a todos e todas!!

Como xa sabedes, o pasado 16 de maio celebramos o día das Letras Galegas en Berdillo xunto cos todos os nenos e nenas das outras escolas do CRA. Pasámolo moi ben desfrutando da música en galego de Pablo Díaz e tomando uns churros con chocolate na hora do aperitivo. Ademais, para finalizar a xornada os pequenos e pequenas puideron gozar dun tempo de libre expansión con diferentes tipos de xogos tradicionais e elementos naturais. 

Esta semana tivemos unha visita na aula que lles fixo moita ilusión as pequenos e pequenas, pois veu a Policía Local a contarnos como desenvolven o seu traballo e darnos consellos sobre seguridade vial como usar casco e chaleco reflectante, respectar os semáforos e sinais de tráfico, usar o cinturón no coche... 

E aínda que ese día chovía tivemos sorte, pois parou un pouquiño e aproveitamos para saír ao patio a ver o coche da policía. Foi moi emocionante escoitar a alarma, falar polo altavoz, ver as luces...