Skip to Content

Listaxes definitivas alumnado admitido CRA Oroso curso 21-22

Mar, 25/05/2021 - 10:54 — admin

Publicada a listaxe definitiva do alumnado admitido no CRA de Oroso para o curso 21-22. Todo o alumnado que solicitou praza foi admitido/a. 

Por Protección de Datos, estas listaxes so poden ser consultadas polas persoas interesadas no interior de cada unha das escolas unitarias do noso CRA. 

Si algunha familia quixera comprobar a listaxe de alumnado admitido, debe de chamar á escola na que realizou a solicitude de admisión para solicitar cita previa. Os teléfonos das escolas son:

Deixebre - 628 07 16 52

Senra - 676 56 50 69

Trasmonte - 628 07 16 03

Vilacide - 628 07 12 49

O horario para realizar a consulta non pode coincidir co horario lectivo das escolas (9:30 a 14:30).

A formalización da matrícula farase do 20 ao 30 de xuño. Para esta formalización de matrícula avisarase con antelación a cada familia.

Documentación presentación axudas libros e material escolar - Alumnado Primaria 21-22

Mar, 25/05/2021 - 10:41 — admin

Publícanse como arquivos adxuntos os documentos relativos á solicitude de axudas para libros e material escolar para o alumnado que o vindeiro curso 21-22 curse Educación Primaria.

 

O prazo de presentación é do 21 de maio ao 22 de xuño de 2021 (ambos inclusive).

 

No caso do alumnado que vaia a continuar a súa escolarización no CEIP Sigüeiro e figure como admitido nas listaxes publicadas por ese centro, deberá presentar a solicitude no CEIP Sigüeiro.

 

O alumnado que o vindeiro curso continúe a súa escolarización no CRA de Oroso presentará a solicitude na escola onde estea escolarizado.

 

As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros/), ou a través da sede electrónica da Xunta de Galicia: https://sede.xunta.gal. (procedemento ED330B).

  

Opcionalmente, poderanse presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

 

Convocatoria axudas libros de texto e material - Alumnado Primaria 21-22

Xov, 20/05/2021 - 10:51 — admin

Publicación da convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2021/22.

Estas axudas son so para alumnado que curse Educación Primaria no curso 21-22.

O prazo de presentación de solicitudes é ata o 22 de xuño.

Nos vindeiros días entregarase nas escolas a documentación para realizar a solicitude así como un resumo da convocatoria.

Pódese acceder á convocatoria no enlace: 

https://www.edu.xunta.gal/portal/node/34002

 

Admisión alumnado curso 21-22

Xov, 29/04/2021 - 11:18 — admin

Todo o alumnado que presentou solicitude de admisión no CRA de Oroso para comezar a súa escolarización no curso 21-22 nas escolas de Deixebre, Senra, Trasmonte e Vilacide está admitido. 

Debido á Lei de Protección de Datos non se pode publicar a listaxe de alumnado admitido, pero as familias que realizaron a solicitude de admisión poderían comprobar a listaxe na escola na que realizaron a solicitude de admisión si así o desexan. 

Si algunha familia quixera comprobar a listaxe de alumnado admitido, debe de chamar á escola na que realizaou a solicitude de admisión para solicitar cita previa. Os teléfonos das escolas son:

  • Deixebre - 628 07 16 52
  • Senra - 676 56 50 69
  • Trasmonte - 628 07 16 03
  • Vilacide - 628 07 12 49

O horario para realizar a consulta non pode coincidir co horario lectivo das escolas (9:30 a 14:30).

Avaliación 2º trimestre curso 20-21

Mér, 24/03/2021 - 13:41 — admin

O xoves 25 de marzo publicaranse a través da aplicación abalarMóbil as cualificacións do alumnado do 2º trimestre deste curso escolar. O venres 26 de marzo entregaranse os boletíns de notas impresos en cada unha das escolas. 

Como novidade deste trimestre, a Consellería publicou unha nova Orde para detallar e actualizar o dereito á información por parte das familias sobre a avaliación do alumnado. En caso de querer aclarar calquera aspecto relacionado coas cualificacións do alumnado, a familia do alumno/a pode dirixirse ao mestre/a correspondente.

Pódese consultar a Orde nesta ligazón:

http://www.edu.xunta.gal/portal/node/33404

Saúdos e boas vacacións!!

Inicio procedemento admisión curso 21-22

Ven, 26/02/2021 - 16:20 — admin

Para o alumnado que comeza a súa escolarización no curso 21-22, a vindeira semana comeza o prazo de solicitudes de admisión.

O prazo de presentación de solicitudes será do 1 ao 22 de marzo.

Xunto coa solicitude de admisión (achégase como anexo a esta publicación) hai que presentar un documento acreditativo de idade (DNI ou libro de familia). Esta documentación pode presentarse no centro educativo ou a través da sede electrónica. Para máis información pódese consultar a aplicación Admisionalumnado: https://www.edu.xunta.es/admisionalumnado/

Para calquera información relacionada coa admisión ou para a recollida ou entrega de documentación é imprescindible concertar cita previa por teléfono (628 07 14 38) en horario de 9:30 a 14:30 ou por correo electrónico (cra.oroso@edu.xunta.gal). 

Para as familias interesadas, publicamos un video de presentación, e nos vindeiros días seguiremos publicando máis materiais en Youtube e Instagram, esperemos que vos gusten!!!

Youtube:  https://www.youtube.com/channel/UCWnsHPC34LndMwb7ZbT_XNw

Instagram:  https://www.instagram.com/craoroso/?hl=es

 

 

Modificación Calendario Escolar 20-21

Xov, 25/02/2021 - 11:51 — admin

Publícase como arquivo adxunto o calendario escolar do curso 20-21 coas modificacións producidas dende o inicio de curso. Inclúense dous festivos que non estaban recollidos no calendario publicado en setembro de 2020:

  • 19 de Marzo: Este festivo foi incluido no calendario laboral do 2021 a finais do ano 2020.
  • 14 de Maio: Este día é o solicitado polos centros escolares do Concello de Oroso como día non lectivo no curso 20-21.

 

Inicio do procedemento de admisión de alumnado en centros docentes sostidos con fondos públicos para o curso 2021/2022

Ven, 08/01/2021 - 13:46 — admin

O alumnado do CRA de Oroso que cambie de centro educativo no curso 21-22 e vaia continuar a súa escolarización no centro adscrito (CEIP Sigüeiro) ten que realizar a solicitude de reserva de praza. O  prazo de solicitudes abranguerá do 11 de xaneiro ao 8 de febreiro do 2021, ambos incluídos.

O impreso de solicitude pode recollerse nas escolas do CRA ou descargarse (está publicado como adxunto a esta nova). Haberá que entregalo na escola de referencia do/a alumno/a.

Este procedemento tamén poderá facerse na aplicación Admisionalumnado. 

http://www.edu.xunta.gal/portal/node/32849

 

 

Máscaras alumnado Infantil e Primaria CRA Oroso 20-21

Xov, 10/12/2020 - 12:05 — admin

No arquivo adxunto detállanse as características técnicas das máscaras entregadas ao alumnado do noso centro, que cumpren todas as características establecidas pola Consellería de Educación na convocatoria da Orde de 6 de novembro de 2020.

Estas máscaras son de uso exclusivo para a xornada escolar (9:30-14:30).

Cada máscara pódese usar 25 veces.

 

Día das persoas con discapacidade

Mér, 02/12/2020 - 23:43 — admin

Distribuir contido


by Dr. Radut