Seguindo co proxecto do mar, este xoves recibimos a visita de Lena que é MARISCADORA, para aprender con ela cousiñas da súa profesión. Explicounos como pon a vestimenta, as ferramentas que usa e en que consiste o seu traballo. Pertence a confraría de Cedeira, e vimos un vídeo onde a entrevistaron, xunto coas súas compañeiras, mentres estaban mariscando.  Para rematar, vivimos a experiencia de buscar berberechos que traía agochados na area.

Graciñas a familia de Julia, por facer isto posible.  

Continuando co noso PROXECTO DA AUGA, as mestras prepararon tres experimentos diferentes:

Experimento 1. Que obxectos flotan e cales non?

Experimento 2. Probamos que pasaba se metíamos un ovo en agua doce e salgada. En cal flotará?

Experimento 3. Auga, un bote de cristal, colonia e unha vela. Que pasará?

As nenas e nenos da escola, foron rotando por todos eles e pasárono xenial!

Comezou o noso proxecto!

Grazas á colaboración das familias, puidemos observar a través do microscopio diferentes mostras de agua: de mar, de río, de charcos, da choiva etc.

Foi unha experiencia moi enriquecedora!

Comeza unha nova etapa para os peques de 3 anos, ao premer na seguinte imaxe podedes ver nun vídeo algunhas das cousiñas que foron facendo ao longo deste tempo. Pouco a pouco fóronse familiarizando cos espazos, mestres, materiais e rutinas de aula, ademais de compartir moi bos momentos cos novos amiguiños e amiguiñas. 

Cada día é unha nova aventura que intentaremos desfrutar ao máximo!

Para comezar o proxecto anual do centro. "Mar aberto" Bufiña trouxonos a cada un unha mensaxe motivadora nunha botella. A mensaxe era da familia para o neno/a para darlle ánimos para ter un bo curso. As botellas estaban agochadas pola clase e tivemos que atopalas. Unha vez atopamos a nosa decorámola con area, cunchiñas e pegatinas mariñas. Xa temos forza para coller o curso con ganas!!!

Aos poucos días apareceu unha carta de Bufiña en cada clase, onde nos pedía axuda  para  rescatar uns animais que estaban enterrados no areeiro do patio e  levalos á zona de recuperación para que quedaran libres de novo. Non dubidamos nin un segundo en cumplir coa misión que nos propuxo a nosa mascota. Ao premer na seguinte imaxe podedes ver nun vídeo o ben que o fixemos. 

    Como fixemos moi ben o rescate dos animais mariños, Bufiña díxonos que xa podíamos dar un paso máis e ir a limpar unha praia e alá nos fomos a Valdoviño a limpar a praia da Frouxeira. Viñemos moi satisfeitos porque evitamos que moito lixo fose parar ao mar!!

E con esta familia damos por rematada esta actividade que sempre resulta tan exitosa, moitas grazas a todos os que adicastedes un ratiño para  poder compartir tan bos momentos mergullándonos en diferentes aventuras a través dos contos.

                                                                                        ESPERÁMOSVOS O VINDEIRO CURSO!!                              

Que afortunados somos de poder contar con familias, como as que nos visitaron ao longo destas semanas, achegándonos a historias tan bonitas e contadas con tanto agarimo. GRAZAS!

 Xa case estamos chegando ao remate desta actividade tan exitosa, pero aínda seguimos recibindo bonitas familias que comparten historias  con todos nós. 

                                                                                                                 GRACIÑAS!!            

Aquí tedes o noso video para convidar aos nosos compis das outras escolas do CRA a que veñan visitar a nosa zona. Este traballo,  facendo de reporteiros e reporteiras, está enmarcado dentro do proxecto de centro: Pasiño a pasiño imos polo bo camiño. Durante o 2º trimestre traballaronse os mapas, distancias e tamén seguimos coas camiñatas, que está previsto que veñan os nenos e nenas do Val e Sedes a facer unha camiñata con nos pola nosa zona,  igual que nos fomos a Sedes no 1º trimestre.

Quedou moi chulo!! De aquí a que contraten os nosos peques para o programa Aquí Narón (se o houbera) non queda nada!!!!

O pasado mércores 15 fixemos unha saída a Coruña, á DOMUS, xunto coas outras escolas do CRA, en continuidade co noso proxecto de centro sobre a sáude e os hábitos saudables.

Visitamos o museo con moitísima actividades interactivas, merendamos nas súas instalacións cunhas vistas increíbles para finalmente volver ás escolas moi felices por toda esta experiencia.