Skip to Content

Paisaxe e sustentabilidade 18/19

Entroido - Marzo 2019

01/03/2019 09:00
01/03/2019 14:00

Vivimos un entroido moi chulo. Durante toda a semana o "meco" foi mandándonos vir vestidos ao colexio con algo na cabeza, algo no pescozo, un zapato de cada cor, algo do revés... O día da festa chegou todo o mundo á escola de Novás (algúns incluso en tractor). Despois de prepararnos e vestirnos comezou o desfile. Cada colexio disfrazouse de algo relacionado co entorno: a escola de Pías vestíuse de Xabarín, a de Novás e Marzán de insectos, a de Fornelos de persoaxes da película "O Bosque Animado" , a de Couso de Porco Teixo e a de Tabagón de árbores.

Desfrutamos dun mercadillo impresionante organizado pola ANPA no que as familias donaron previamente produtos naturais e artesanais para poñelos á venda ese día. Os cartos recaudados van destinados a actividades para as nenas e nenos do CRA.

Tamén houbo unha rifa solidaria de dúas cestas con produtos de alimentación para recaudar fondos para as actividades destinadas ás nenas e nenos do CRA.

Ademais entregáronse os premios do concurso de fotografía de cociña en familia do CRA.

E todo isto culminado cun rato de baile e merenda. Foi un gran día.

Visita ó estaleiro da Guarda - Febreiro 2019

13/02/2019 09:00
13/02/2019 14:00

Os alumnos e alumnas da escola de Pías e Fornelos tiveron a oportunidade de visitar ó estaleiro da Guarda onde poideron coñecer o proceso de construcción dos barcos e incluso entrar nun barco en proceso de construcción. 

Ó rematar a visita deron un paseo pola beira do Miño, onde aproveitaron para xogar e merendar nas praias.  

Reducimos, reutilizamos e reciclamos - Xaneiro 2019

29/01/2019 09:00
29/01/2019 14:00

Os nenos e nenas da escola de Couso levamos a cabo diferentes actividades para aprender a coidar o medio ambiente. 

Por unha banda, en canto á reciclaxe, aprenderon a seleccionar e separar os residuos en candanseu contedor. Por outra, tentan reducir e reutilizar aqueles materiais que empregan no seu día a día.

A partir disto, realizaron unha serie de actividades como son a escoita de cancións, construcción de palabras con material de refugallo, ou a saída para levar o lixo ós contedores.

Actividade de psicorobótica - Xaneiro 2019

08/01/2019 09:00
25/01/2019 14:00

En tódalas aulas do CRA fixemos unha actividade de psicorobótica na que traballamos a psicomotricidade por medio da robótica cun robot chamado "Movi" que dipón de varios xogos para que as nenas e os nenos se movan e se divirtan. Algúns destes xogos son:

- "O semáforo", no que Movi ordena moverse coa luz verde e parar coa vermella.

- "Os animais". Movidice o abecedario parando nalgunhas letras e imitando a diferentes animais.

- "Movi dice" e "paso a paso", no que o robot da diferentes ordes ós nenos como: da un salto, toca os xeonllos, tres pasos atras, un xiro...

Esta actividade está dentro da área de Educación física.

Obradoiros de compostaxe - Decembro 2018

01/12/2018 09:00

O noso CRA adheriuse este curso escolar ó PROGRAMA EDUCATIVO REVITALIZA, “Apúntate á compostaxe” promovido pola Deputación de Pontevedra. Pareceunos unha actividade moi importante para concienciar ao noso alumnado e profesorado sobre un dos problemas ambientais aos que diariamente nos temos que enfrontar. Neste programa estanse a desenvolver actividades encamiñadas ao alumnado e profesorado do centro como son: xornadas profesorado, xogo sobre residuos, compostaxe infantil, poñendo en marcha os composteiros, a actividade "Quen vive aí?" e a exposición na biblioteca do centro todo o mes de Decembro.

Día internacional da discapacidade - Decembro 2018

03/12/2018 09:00
03/12/2018 14:00

O 3 de Decembro celebramos no CRA o día internacional da discapacidade. Para elo empregamos o libro "A árbore da escola" e cada unha das aulas transcribiu unha páxina do libro a diferentes formas de comunicación (empregando diferentes lenguaxes, pictogramas, sons...). Para rematar, cada colexio prantou unha árbore no patio.

Visita a un Muiño en Couso - Outubro 2018

25/10/2018 09:00
25/10/2018 14:00

Hoxe as escolas de Tabagón, Couso e Novás foron visitar un muíño na zona de Couso. Quedamos todos os nenos e nenas na escola de Couso e fomos andando ata a zona na que estaba o muíño.

Como o muíño era pequeno fixemos pequenos grupos e mentres un entraba os outros aprendíamos diferentes cousas sobre as árbores que nos rodeaban. Demoslle a cada grupo unha folla de unha das árbores que alí había e eles tiñan que buscar onde se atopaba esa árbore. Os nenos e nenas pasarono xenial e todos conseguiron atopar todas as árbores que lles plantexaron.

Mentres, o grupo que entraba no muíño aprendía como se fai a fariña de millo, viron como se moia e poideron tocar a fariña que se iba facendo. Ademais baixamos a zona de abaixo por onde caía a auga e facía xirar a roda.

 

Visita Museo do Mar e Fundación Sales - Outubro 2018

23/10/2018 09:00
23/10/2018 17:00

Os nenos e nenas de primaria do CRA fomos de excursión a Vigo para visitar o museo do mar e a Fundación Sales.

Pola mañan fomos ó museo, onde merendamos no xardín e fixemos algunhas actividades de reciclaxe, observamos peixes e fomos a unha exposición de animais mortos disecados. ó rematar fomos comer á praia de Samil e pola tarde fomos á Fundación Sales, onde os monitores e monitoras nos explicaron moitísimas cousas sobre as prantas e as árbores.

Ó rematar volvimos para casa moi cansos pero moi ledos, xa que pasamos un día xenial!!!

Coñecemos as diferentes árbores - Setembro 2018

18/09/2018 09:00
18/09/2018 14:00

No novo curso que comezamos propuxémonos coñecer máis o entorno que nos rodea, e imos poñer en marcha un proxecto con esa temática.

Por iso, e para comezar, decidimos facer unha saída para coñecer as diferentes árbores que nos rodean, aprender o seu nome, como son as súas follas... e para elo, Xoel e seu pai ofrecéronse voluntarios para explicarnos todo con moito detalle. Unha vez que voltamos para a aula e xa sabíamos algunha cousa sobre as diferentes árbores, Xoel e seu pai fixeronnos unha exposición sobre o trigo, o carballo, o piñeiro e o castiñeiro, onde os nenos e nenas poideron facer moitas preguntas e aprender cousas que non sabían.

Distribuir contido


by Dr. Radut