Escolares, Complementarias, 1º Curso, 2º Curso, 3º Curso, 4º Curso, 5º Curso, 6º Curso, Ed. física, Idioma extranxeiro

EFTIC-PLATEGA-2013

UNIDADE DIDÁCTICA DE XOGOS POPULARES

     Esta unidade didáctica, que trata o tema dos xogos populares, está destinada ao alumnado de 3º ciclo de Educación Primaria (5º e 6º).

     Conta cun total de seis sesións, destinadas a dar a coñecer diferentes xogos populares da nosa terra, e tamén doutras zonas e provincias do noso país.

 

1ª Sesión: Nesta primeira sesión, e de xeito introdutorio, falamos cos rapaces e rapazas da cantidade de xogos populares que temos na nosa terra. Facemos unha breve tormenta de ideas para que eles digan os que conocen. Despois de esto poñemoslle este vídeo, que lle amosa diferentes xogos practicados por nenos e nenas neutros centros. Son xogos que eles seguramente practicaron algunha vez, pero que non reconocen como xogos populares ou tradicionais (pano, zancos, corro da pataca, o truco…).

     Por último, propoñemos que nas seguintes sesións imos traballar algúns destes xogos, e preguntamos si fai falta traer algún material da casa ou no centro dispoñemos de todo o necesario para poder achegarnos a eles. Ao mellor, tamén sería necesario contactar con algunha organización que nos pondera proporcionar determinados aparellos que ao mellor é máis complicado ter nos centros (a chave, o xogo da ra…).

 

2ª Sesión: Nesta sesión, imos traballar dous dos xogos máis practicados dentro dos populares, e que teñen gran aceptación entre os nenos e nenas. Os vídeos que se lle mostrarán servirán de apoio para ensinarlle cómo se xoga e para que tamén vexan que son practicados neutros lugares e por outro tipo de xente. En primeiro lugar, mostraremos os bolos celta, explicando en qué consiste, materiais empregados, sistema de puntuación, modo de lanzamentos, etc…

     Na segunda parte da sesión, o protagonista será o xogo da rá, tamén cun vídeo que amosa a maneira de xogar e lanzar (dun xeito práctico), para posteriormente facelo os propios nenos e nenas. A partires deste momento, todo o alumnado repartirase nestes dous xogos, establecendo quendas de participación.

 

3ª Sesión: Agora coñeceremos outros dous xogos populares moi arraigados na nosa terra. En primeiro lugar, e seguindo un pouco a estructura da sesión anterior, coñeceremos o aro, coas súas diferentes modalidades de xogo, especialmente o seu transporte.

     En segundo lugar, o alumnado coñecerá o xogo da chave, primeiro con un vídeo no que se amosan diferentes lanzamentos, e despois na propia aula.

     Ao igual que na sesión anterior, o alumnado repartirase nestes dous xogos para facer todo tipo de competicións, de xeito individual ou por pequenos equipos. Se teñen algunha dificultade co aro, o mestre ou mesmo algún alumno ensinará a técnica aos que por primeira vez entren en contacto con este xogo.

 

4ª Sesión: Nesta sesión faremos outro pequeño percorrido polos xogos populares tanto da nosa terra como de fora, vendo como aparte de seren practicados en multitude de sitios, tamén son practicados por persoas de todas as idades, todas elas co único obxectivo de divertirse, pasar un bo rato e manter a tradición do xogo popular para que pase de xeración en xeración. Despois de visualizar este vídeo, o alumnado reunirase en grupos e xogará a diferentes xogos populares propostos por eles mesmos.

 

5ª Sesión: Nesta sesión os nenos comprobarán que os xogos populares poden ser practicados en centros educativos, pero tamén en diferentes espazos públicos, como os parques de moitas vilas de Galiza (Gondomar e Chantada como exemplos), que organizan de cando en vez xornadas para fomentar e exaltar o xogo popular, para que toda a xente o coñeza, e para que os máis pequenos disfruten dos xogos máis antigos. Ejemplos de todo isto témolos neste vídeo, no que despois de visionalo, os alumnos practicarán en grupos os xogos que máis lle chamaran a atención.

 

6ª Sesión: Esta derradeira sesión estará destinada a facerlle ver ao alumnado que noutros lugares de España tamén é moi habitual a práctica de xogos populares, moitos deles propios de esas determinadas zonas. Neste caso, imos visionar este video, no que se presentan xogos de Castela a Mancha. Os nenos, logo de visionalo, poderán practicar en pequenos grupos os diferentes xogos, facendo especial fincapé os que ainda non viran nesta unidade didáctica.

EFTIC-PLATEGA-2013

XOGOS POPULARES E TRADICIONAIS

Dende a área de Educación Física, elaboramos esta montaxe, na que podedes ver aos vosos compañeiros/as xogar a diferentes xogos populares e tradicionais. Foi unha experiencia moi positiva, e aprendimos todos moitas cousas.

IV Xornadas de Orientación Académica e Profesional

O Departamento de Orientación do CPI Virxe da Saleta organiza as IV Xornadas de Orientación Académica e Profesional. Están convidados a asistir todo o alumnado da ESO e as súas familias. Terán lugar os vindeiros 9 e 10 de abril a partires das 15:30 na aula de música do CPI. A xornada do día 9 tratará sobre Formación Profesional e Mundo Laboral e contará coa participación dos seguintes relatores: D. José Manuel Torres González, propietario da funeraria Saleta e Seguros Mapfre; D.  Marcos Mosquera Otero, técnico Superior en Imaxe e Son e reporteiro da Sexta “España en directo”; Dna. Estefanía Hermida Hermida, CS Administrativo e actualmente estudante de Empresariais, exalumna do CPI Virxe da Saleta; Juan Manuel Muñoz Vázquez, cociñeiro do restaurante Ateneo e D. Diego Vázquez González, técnico en electromecánica do vehículo e propietario do taller Dilux.

A segunda xornada céntrase no Bacharelato e Universidade e nela participarán: Dna. Fátima Fernández Fernández, licenciada en Xornalismo e exalumna do CPI Virxe da Saleta; Dna. Lucía Rodríguez Rodríguez, Licenciada en Farmacia e Exalumna do CPI Virxe da Saleta; Dna. Maite Fernández Pérez, Diplomada en Traballo Social e Traballadora Social do Concello de Piñor; Dna. Lucía Formoso Ojea, Diplomada en Logopedia e Máster en intervención logopédica na infancia e na adolescencia, traballadora da unidade de atención temperá da comarca do Deza; D. Francisco Otero Janeiro, Licenciado en Arquitectura e Profesor de Educación Secundaria da especialidade de dibuxo no IES Ramón Mª Aller Ulloa de Lalín; D. Antonio Nogueira Meije, Licenciado en Filoloxía clásica e Profesor Titular da Academia Postal e Dna. Anna Bosak, Licenciada en Español e Ciencias Políticas e Lectora de inglés no CPI Virxe da Saleta.

Adiviñas e refráns das froitas

Conto Contigo - A Galiña Roxa

Velaquí un primeiro exemplo do proxecto CONTO CONTIGO. Alumnado da ESO que, no marco dunha unidade didáctica que desenvolve as Competencias Básicas, realizan unha lectra dramatizada para o alumnado de Educación Infantil do centro. Trátase da Galiña Roxa, conto editado por Kalandraka, que Andrea, Alba, Carlota e Yuli poñen en escena utilizando recursos teatrais e poñendo en práctica a súa Competencia Lingüística diante dun público ben esixente. A actividade levouse a cabo o día da muller, 8 de marzo de 2013. O conto foi escollido por contar a historia dunha galiña traballadora e ao mesmo tempo nai, que se esforza por levar adiante as súas tarefas a pesares da pouca colaboración dos outros animais.

Cien-Cea

CIEN-CEA

Aquí tedes o blog de aula de Bioloxía e Ciencias Naturais onde o alumnado de ESO e a profesora Conchi publican os seus artigos. Atoparedes todo tipo de información sobre traballos escolares e contidos que amplían información sobre o traballado na aula.

Conto Contigo

 

Trátase dun proxecto piloto para o curso 2012-2013 proposto polo seminario “As compentencias básicas como eixo vertebrador do proceso comunicativo”.
Os alumnos de educación secundaria, preferentemente de 2º ESO de forma voluntaria farán unha lectura dramatizada de contos aos alumnos de infantil e primaria.
Durante 15-20 minutos lerán contos en galego e castelán. A actividade levarase a cabo os mércores, xoves ou venres de 16:00 a 16-30 horas, durante o recreo de mediodía dos alumnos de secundaria e coincidindo coa hora de ler dos de infantil e primaria unha vez ao mes, coincidindo con algunha celebración escolar.
O calendario é o seguinte: 
Xoves 14 febreiro San Valentín    Conto contigo para o amor Literatura de temática amorosa
(cartas, poemas, contos...)
Venres 8 de marzo Día da muller Conto contigo para a igualdade Contos para a igualdade
Mércores 24 de abril Semana do día do libro Conto contigo para ler Clásicos universais
Xoves 16 de maio Día das letras galegas     O galego conta contigo    Clásicos galegos
5 de xuño Día do medio ambiente O planeta conta contigo Contos de temática ambiental

Concurso: Adiviña o timbre escolar

CONCURSO: ADIVIÑA O TIMBRE ESCOLAR
- NOME DO AUTOR
- NOME DO INTÉRPRETE
- TÍTULO DA OBRA

Escribe aquí as respostas, deposítaas na furna da entrada do centro ou mándaas a ticscea@gmail.com cos teus datos persoais. A finais de febrero sortearemos 3 CDs entre todos os que acerten cada unha das preguntas.

Que viva o entroido

Preparados para a alegría?

Distribuir contido