Skip to Content

Escolares

De excursión científica a Ourense

O pasado 25 de febreiro o alumnado da ESO visitou a exposición da Fundación La Caixa: Neolítico, de nómadas a sedentarios. Aproveitando a visita á cidade foron visitar o IES Otero Pedrayo. Aquí vos deixamos unha galería de imaxes.

 

Os instrumentos de percusión de metal

Vimos de pasar un entroido moi musical onde o alumnado do noso centro tivo oportunidade de vivir dende dentro unha experiencia moi similar á do carnaval do Brasil. Construímos uns tambores con latas e unhas maracas con botellas de plástico. Descubrimos os sons agochados nos obxectos cotiáns. E na aula de música a experiencia continúa nas clases de infantil, explorando os instrumentos escolares de pequena percusión. Hoxe foi a quenda dos instrumentos de metal coas súas particularidades, como a do prato, o campión da duración; a pandeireta, que é de dúas familias; os cascabeis, co seu son que nos lembra ás panxoliñas de nadal ou o agogó, que nos lembrou ao ritmo de "quero pan con marmelada". Velaquí unha composición fotográfica.

Reciclar, Reciclarei

Quen dixo que a reciclaxe está rifada coa beleza? Pódese ser eco e tamén cool. Por se tedes algunha dúbida mirade como o noso alumnado da ESO marca tendencia. Os resíduos poden ser algo bonito. Deseño e medioambiente van da man coa actividade Reciclar, reciclarei.

#500 préstamos na biblioteca

Aló polo mes de outubro informámosvos dende esta web e dende as nosas redes sociais twitter e facebook que o equipo da biblioteca puña en marcha unha iniciativa de fomento do préstamo chamada Cestas Literarias. Cada usuario que levou un libro para casa neste trimestre optaba mediante unha rifa ao sorteo dunha cesta de libros. Este xoves sortearemos aos gañadores. De momento deixámosvos unha foto das cestas e a nova de que acadamos o número 500 nos préstamos da nosa biblioteca escolar.

 

MIAR. Escoitando o espazo

 

Comezamos o proxecto MIAR este curso no CPI co impulso e axuda do grupo de Radioafeccionados ourensán cacharreo.es. Despois da visita que realizaron o curso apsado ao noso centro para construir a radio galena plantexáronos para este curso esta nova idea de contruir un radiotelescopio. Un equipo de 14 alumnos e 4 profes comprometémonos a levalo adiante planificando, deseñando, contruíndo e documentando o proceso. Ímosvos manter informados dende a web do centro e tamén dende o blog do proxecto MIAR. Trátase dunha iniciativa pioneira en Galicia ao ser a primeira vez que, seguindo as pautas do BIG EAR de Ohio, se constrúe un radiotelescopio destas características. Ao equipo de profes Maite, Valentín, David e Conchi súmase o grupo de alumnos formado por: Documentación gráfica: Pamela, Irene, Sandra e Victoria. Documentación de blog: Inés e Guillermo. Deseño: Aarón, Iván, Diego, Alejandro e Florindo. Construcción: Anxo, Santiago e Christian. Relaccións públicas: Irene e Sandra. Todos eles alumnos de 3º e 4º da ESO.

Estamos moi ilusionados e agardamos contaxiarvos o entudiasmo que temos por empezar xa a traballar e… ¡ter éxito! ¡MANS Á OBRA!

O Violoncello

Comezamos a semana cun violoncello na aula. Belén López Bouzo visitou o noso centro para ensinarnos as características deste instrumento de corda fretada. A caixa de resonancia, as cordas, o arco, a pica e sobre todo a técnica para tocar. Estivemos ben atentos á súa explicación. Tamén puidemos practicar algúns de nós a tocalo. Foi ben interesante, pero sen dúbida o que máis nos gusta é ver a un profe intentalo. Aí é cando abrimos ben os ollos. Ademais de todo isto puidemos escoitar un anaquiño do Preludio da Suite para Cello nº 1 de Bach e outro do Himno da Alegría da 9ª de Beethoven.

 

Comprar, tirar, comprar. Unha reflexión dende as aulas

Chega o tempo do nadal. O momento de xuntarse coa familia, cos amigos. Pero tamén o momento do ano no que máis compras realizamos. Dende a aula de segundo da ESO achégannos unha reflexión crítica sobre esta cuestión que seguro que nos axudará a comprender mellor o noso papel como consumidores na sociedade. “Estamos hipnotizados polas grandes empresas que sacan produtos novos continuamente” Hugo Luna “Mellor arranxar que comprar” Miguel Ángel Lozano “As empresas buscan que gastemos” Hugo Listón “A obsolescencia programada obríganos a comprar produtos peores” Álex Garriga “Cando acabamos de comprar algo, xa non vale” Laura Fernández “ A xente gasta sen saber por que en obxectos cunha corta vida” Nieves Calviño “A nosa tecnoloxía e os nosos avances vanse ir a piques debido á obsolescencia programada” Andrea Álvarez “Obsolescencia programada: beneficio para as multinacionais e prexuízos para os consumidores. Mercamos peor calidade con menos duración" Paula Vázquez “Compramos una cosa tras otra y, en muchos casos, sin necesidad” Mario Rodríguez “As empresas aprovéitanse das nosas debilidades e necesidades” Álex Pico “Los productos nos tienta a comprar y cuando no sirve, las tiramos y compramos unos nuevos” Patricia Payo “As empresas só se centran nos beneficios e esquécense da ecoloxía” Santiago Otero “Con tanto consumo imos acabar cos recursos do planeta” Fernando Otero “Os produtos créanse para que fallen; nós compramos, tiramos e volvemos a comprar; e os recursos naturais vanse esgotando” Carlota Álvarez “As empresas empeoraron os obxectos que ao principio eran moi duradeiros” Moisés Caride “É posible un crecemento infinito nun planeta finito?” Maite

http://www.rtve.es/alacarta/videos/el-documental/documental-comprar-tira...

Plan Proxecta: Nós comemos froita, e tí?

Un ano máis o noso Centro vai participar no Plan Proxecta: desenvolvendo o proxecto “Froita na escola” no que participa o alumnado de Educación Infantil. Damos así continuídade ao programa xa desenvolvido no curso anterior, poñendo como obxectivo a promoción dunha alimentación saudable tendo como referencia a froita.

Probando diferentes froitas comprobarán os seus beneficios dende un enfoque globalizador onde estarán presentes as TICs, a música e o inglés. Trataremos de implicar ás familias na comprensión da importancia que ten a froita na alimentación.

Unha cuestión de educación

“Unha cuestión de educación” é o traballo dos alumnos de ética de 4º de ES0 durante o curso pasado. Tratase duha curta feita pola técnica do stop-motion, un proceso artesanal que consiste en dar vida a bonecos inanimados. O resultado final é espectacular, digno de moitos profesionais. Gracias a iso, tivemos unha mención no festival de Ourense, aínda que a maior satisfacción foi a de levar a cabo un traballo de tanta calidade e que os compañeiros de todas as idades do centro o admirasen.

Panadeiriños

Panadeiros somos. Amasamos, botamos a fariña, enfornamos e sobre todo, o que máis nos gusta, gozamos do seu recendo recén saidiño do forno, e ao chegar a casa comémolo. Gracias ao Marcos, o pai de María de 6º de Infantil, e a toda a súa familia por ensinarnos cousas tan interesantes. Alucinamos no Forno da Burata. É de 1853, así que ten 160 anos. E aínda conserva a chave orixinal!.

Distribuir contido


by Dr. Radut