Skip to Content

Gozando da Lusofonía

Na primeira semana de maio celebrouse en Ourense a IV edición do evento Portugués Perto que organiza a Vicerreitoria do Campus de Ourense- Universidade de Vigo en colaboración coa Pró- Academia Galega de Língua Portuguesa (Pró-AGLP) e a Associaçom Galega da Língua (AGAL).

O alumnado da ESO asistiu ao concerto de Alberto Mvundi e Xurxo Souto. Velaquí a crónica escrita pola nosa alumna Carlota Feijoo sobre esta experiencia.

O venres visitamos o Auditorio de Ourense co fin de asistir a un concerto de Alberto Mvundi. Comezamos cunha introdución moi entretida e  interesante da man de Xurxo Souto, e unha vez acabada a súa intervención, pasamos a gozar da música do angolano, co cal tamén tocaban  a  súa muller e o seu  fillo. Unha música marabillosa e alegre, acompañada dun montón de instrumentos.

Divertímonos, cantamos, e ata na última canción, animámonos a bailar! Para rematar, puidemos degustar unha chea de doces típicos de  Portugal, Angola, Cabo Verde, Brasil, Mozambique...  e tamén da nosa terra, entre os que había Pan de Cea.

Todos eles moi apetitosos!

Un gran concerto, con moi boa música, e coa que viaxamos polos países de fala portuguesa.



blog | by Dr. Radut