Skip to Content

ROSALÍA DE CASTRO NO CPI VIRXE DA CELA

A poeta galega máis universal, Rosalía de Castro, estaría de aniversario este sábado, día 24 de febreiro, unha xornada a celebrar festexando a nosa autora. Así, no marco deste evento, quixemos celebrar o Día de Rosalía intentando vencellar lectura e competencia dixital realizando un pequeno vídeo no que destacamos a actualidade reivindicativa que a obra de Rosalía segue a ter nos tempos actuais xa que, dende sempre, ela asumiu a voz do seu pobo, voz que guiou permanentemente a súa obra e o seu pensamento.

 

Coa lectura do manifesto  “Abride a fiestra” escrito por María Reimóndez os alumnos e alumnas de 1º de ESO homenaxean así a Rosalía.
 

             

Tamén a partir do lema deste ano, #AbrideAFiestra,  penduramos na parte interior dos vidros e en distintos paneis diversos debuxos iconográficos de Rosalía para lles dar luz desde as fiestras e tentar facelos visíbeis socialmente. 
 
 
Ademais realizamos chapas que repartimos entre a comunidade educativa e fixemos unha mostra expositiva da obra rosaliana que podedes consultar na nosa biblioteca.
 
 
 

 

 


E como non podía faltar a música, os nenos e nenas de 2º de Educación Primaria continuando co Proxecta Donas de sí, homenaxean a Rosalía no seu día, no seguinte vídeo co poema "Adiós ríos, adiós fontes".


Entroido no CPI Virxe da Cela

Este ano o Entroido estivo dedicado maioritariamente ao mar, aínda que tamén houbo outras actuacións moi divertidas que para iso é o Entroido. a continuación podesdes ver unha selección de imaxes e vídeos do que foi este día:

Mural cedido pola familia Walter Dobson para decorar o festival de Entroido. Dende aquí queremos agradecer a súa colaboración co centro.

 

 

 
 

 

 

 

Suspensión do transporte escolar: hoxe mércores 7 de febreiro de 2018

AVISO

Debido ás inclemencias meteorolóxicas queda suspendido o servizo de transporte escolar así como a xornada escolar no día de hoxe mércores 7 de febreiro de 2018

30 de xaneiro, Día da Paz

 
     Comezamos esta xornada conmemorativa da Paz e da Non Violencia (martes 30 de xaneiro de 2018) coa visita do alumnado de 4º da ESO do CPI Virxe da Cela a todas as aulas do noso cole, repartindo entre profes e nenos/as os tradicionais adhesivos “Paz 18” e os folios vermellos que recollían o Manifesto Pola Paz, así como o símbolo da Paz. 
      Estas follas serían utilizadas pola tarde para recrear este impresionante círculo vermello “O Reto do Botón da Paz”, un pequeno xesto moi visual que pretende frear o conflito entre as grandes potencias EEUU e Corea do Norte. Esta acción foi o broche final a un acto no que todos os alumnos/as e profesores/as do centro reivindicamos o dereito á Paz Mundial a través da lectura dun manifesto e de varias poesías de poetas galegos: 
        Poema 1.- “Cantarola dos nenos”, de Xosé neira Vilas 
        Poema 2.- “O neno xabarín”, de Xosé Lois García 
       Poema 3.- “Ventos”, de Antonio García Teijeiro 
      Poema 4.-“Teño un corazón senlleiro”, de Celso Emilio Ferreiro 
   
 

                    
   
    Dentro desta conmemoración tamén levamos a cabo un pequeno mural entre toda a comunidade educativa titulado: Choiva de desexos
    Cada alumno e alumna preparou unha pinga de auga na que debuxou e/ou escribiu o seu desexo de paz para unilo á choiva do Virxe da Cela:

 

 
Outra actividade que tamén se levou a cabo foi un programa de radio, feito polo alumnado de 1º de ESO.  Premendo no seguinte enlace poideredes escoitalo:
 

      En resumo, esta xornada que estivemos a conmemorar baséase no principio de que todos –sen distinción de raza, ideoloxía, nacionalidade, lingua ou relixión- somos iguais, cidadáns da mesma terra e en consecuencia estamos e sentimos a chamada a ser máis humanos, a vivir a non-violencia e a traballar pola paz.

“Monfero en clave feminina”.Proxecto anual de investigación, 2º Eso

Dentro da materia de Igualdade de Xénero e en colaboración co Departamento de Orientación e O Concello de Monfero, o alumnado que cursa a materia de Igualdade de Xénero, vai a realizar ao longo do ano, para concluílo e presentalo no último trimestre ao Concello e á propia comunidade educativa, un proxecto de investigación, que a parte de constituír o 50% da nota global da materia, acerca a realidade e o papel da muller no concello onde residen: Monfero. O proxecto ten como obxectivos os sinalados anteriormente na materia pero ademais, mostrar e visibilizar a realidade das mulleres no entorno real dos alumnos e alumnas: os seus roles, as súas actividades de vida diaria, profesións, educación e formación, aspiracións, papel na familia, a valoración pola súa familia, parella, xefas e xefes, contorna, os estereotipos predominantes, as posibles situacións de trato e violencia, de discriminación ou non, etc. E propoñer ademais o final da investigación como obxectivo e conclusión, melloras ou posibles alternativas, solucións ou reforzos, a aqueles aspectos que se detectaran como discriminativos, inxustos ou nocivos, resaltando tamén os positivos, a través dunha charla- exposición- presentación ao propio concello, no Centro escolar, con asistencia das familias e comunidade educativa, das conclusións acadadas polos propios alumnos e alumnas tras a súa investigación de campo.
 
 
 
O traballo, que se vai estruturar en  3 bloques ou fases que coinciden cos tres trimestres do curso:
- 1º bloque: de investigación de campo (información varia: estatísticas e enquisas, etc. no centro, casa, contorna, concello).
- 2º bloque: volcado de datos e análise da información
- 3º bloque: elaboración de conclusións e propostas de mellora e presentación final.
 
Reunión no Concello de Monfero
 
Dentro do traballo do 1º bloque, entra a nosa visita o Concello de Monfero, e a entrevista  a Maica, (traballora social do Concello)que ademais  de atender pacientemente e amablemente as  nosas preguntas e aportarnos moita información, nos facilitou  o II Plan de Igualdade de Oportunidades entre homes e mulleres, para poder traballar sobre el, e que nos facilita un amplo coñecemento sobre a realidade da temática que tratamos en relación o noso concello. Tamén pasou a saudar e deixarse entrevistar  o Alcalde do Concello de Monfero, (, feita polos alumnos da materia de Igualdade de Xénero, de 2º de ESO: Daniela, Hector Bouzeta e David Castrillón.
Os nosos alumnos/a exerceron de pequenos repororteiros, con actidude critica e responsable, facendo non só pregreguntas axeitadas, se non tamén aportacións e opinións moi positivas e interesantes., que nos fixeron sentir moi orgullosas, sendo a experiencia moi positiva en canto a o seu comportamento e a opinión que nos transmitiron, sobre todo por coñecer de primeira man a realidade na súa contorna e de primeira man, a situación das mulleres. 

PROXECTO CIBERMANAGERS PARA A IGUALDADE

 
O Departamento de Orientación e a Profesora da materia de Igualdade de Xénero, dentro do Progama “ 365 días de Igualdade” do Plan Proxecta avalado pola Consellería de Igualdade da Xunta de Galicia, pon en marcha o proxecto “Cibermanagers”, baseado na aprendizaxe servizo solidario ,  a través do departamento de psicoloxía de PantallasAmigas*( Entidade sen ánimo de lucro, co obxectivo de fomentar o uso seguro e saudable das tecnoloxías e o fomento da cidadanía dixital responsable na infancia e na adolescencia, así como en todas as persoas involucradas na súa educación.). motivadas ademais,  polo alto índice de machismo na nosa sociedade e o incremento do mesmo entre os adolescentes
É un proxecto intensivo que se realiza ao longo dunha semana e que consta de catro fases desenvoltas polo equipo de PantallasAmigas:
 


Fase 1. Formación xeral para os grupos de 2º e 3º de ESO durante dúas horas consecutivas (Luns 29 de xaneiro, 2ª e 3ª hora todo o alumnado de 2º e 3º ESO).

Fase 2: Capacitación do grupo de voluntarios e voluntarias. Dos cursos 2º e 3º ESO elixirase un grupo de voluntarios e voluntarias que recibirán 6 horas de formación específica en materia de xénero, así como de habilidades para a xestión de grupos e solución de conflitos. (Martes, 30 xaneiro 4ª e 5ª hora, mércores, 31 xaneiro 5ª e 6ª hora e xoves, 1 de febreiro a 4ª e 5ª hora. Só alumnado voluntario de 2º e 3º ESO, o resto quedará co profe na aula).
 

 Fase 3: Servizo en 5º e 6º de Educación Primaria: o grupo de voluntarios e voluntarias, acudirá ás clases dos seus compañeiros/as máis novos ao longo de dúas clases consecutivas a realizar unha formación teórico-práctica previamente preparada. (venres 2 de febreiro a 1ª e 2ª hora. Alumnado voluntario de 2º e 3º ESO e alumnado de 5º e 6º de Primaria).

Fase 4: Sesión teórica para as familias do centro educativo. O alumnado de 5º e 6º de Primaria realizará unha sesión conxunta coas súas familias, dirixida polo equipo de PantallasAmigas e o equipo de voluntarios e voluntarias (Aún sen data).

Actuación de Xoan Curiel e Jara

O luns 18 de decembro tivemos a visita de Xoan Curiel e Jara que nos fixeron un percorrido por diferentes estilos musicais. Xoan co ukelele e a guitarra aprendeunos a diferenciar o blues, reggae, rock ou a bossa nova e Jara iniciounos nas distintas formas de tocar a pandeireta, con ela escoitamos a muiñeira, a jota ou a rumba. Despois tocaron xuntos unhas pezas e algúns compañeiros axudáronlles no escenario a preparar a coreografía. Pasámolo fenomenal!!!

 

 

 

 

 

Curso de Reanimación Cardiopulmonar (RCP)

A intervención rápida ante unha parada cardio-respiratoria é vital para que os equipos de emerxencia poidan actuar e salvar vidas, e moitas veces, nós como parte  presencial e activa desa intervención, necesitamos coñecer como actuar correctamente.

  Por esta razón e continuando coa programación iniciada o curso pasado, organizouse dende o departamento de  Educación Física o Martes 9 de Xaneiro nunha xornada de formación de 2 horas e media de duración, en colaboración co CHUAC unha charla dirixida a todo o alumnado da ESO e 5º e 6º de educación primaria, dentro do “Programa de Divulgación en Doazón e Transplantes”.

 Na primeira sesión, impartida por Alejandro, enfermeiro do CHUAC e membro do equipo de Coordinación e Transplantes, vimos os aspectos básicos da Doazón de órganos.

 

 Na segunda sesión, despois das pautas básicas teóricas sobre a RCP (Reanimación Cardiopulmonar) ensinou ao alumnado a realizar a manobra de forma práctica.

 Toda unha experiencia que continuaremos dentro de este trimestre, coa formación básica para alumnado, dentro do Plan deportivo de centro a través do D. de E. física e dentro da programación da asignatura..

 

FELICITACIÓN DE NADAL

A COMUNIDADE EDUCATIVA CO CPI PLURILINGÜE VIRXE DA CELA DESÉXAVOS A TODOS UN BO NADAL E PRÓSPERO ANO 2018, CHEO DE NOVOS PROXECTOS E ILUSIÓNS.

 
 

 

 

DECORACIÓN DE NADAL NO COMEDOR ESCOLAR

Xa temos decorado o comedor cos traballos que fixeron os nenos, nenas e familias do CPI Virxe da Cela. Neste vídeo podedes ver o resultado final así como cada un dos traballos:

 

 

MOITAS GRAZAS A TODOS POLA VOSA CONTRIBUCIÓN¡¡¡

CELEBRACIÓN ACTIVIDADES DÍA UNIVERSAL DA INFANCIA E DÍA INTERNACIONAL CONTRA A VIOLENCÍA DE XÉNERO

Na semana do 20 ao 25 de Novembro, pola celebración do “Día Universal da Infancía” (20 Novembro) e “Día Internacional contra a violencia de Xénero” (25 de Novembro), os departamentos de Orientación, E.Física, e Relixión e a materia de Identidade de Xénero, xunto coa colaboración do resto dos departamentos e profesorado en xeral, realizamos  unha serie de actividades en semanas previastendo o seu remate o Venres, 24 de Novembro, como xornada de celebración e colofón das mesmas, con a “II Carreira Solidaria Save the Children”.

 

-          Durante as semanas do 30 de Outubro o 10 de Novembro os alumnos que elaboraron unha frase- slogan en contra da violencia de xénero ou a favor da igualdade de xénero

-          Os días 13-14 de Novembro nos recreos,  cada clase co seu titor, pasou pola aula de “ Usos múltiples 3”, para realizar o “Photocoll de grupo, para o mural e as chapas que elaboramos posteriormente (as chapas as venderon para a excursión da neve os alumnos de Secundaria) e do que se encargaron os alumnos de Identidade de Xénero de 2º de Eso con axuda das profes.

-          O día 23- 24 de Novembro fixemos a maquetación das fotos (Departamento Orientación, Relixión e E.Física e Plástica ) e elaboración das chapas (os mesmos departamentos cos alumnos de Identidade de Xénero de 2º de Eso). Tamén fixemos os murais coas fotos e carteis e pegámolas no centro entre alumnado e profes.

-          Día 24 de Novembro: no  recreo, en Infantil, e Primaria se fixeron contacontos relacionados con o tema da violencia de xénero ou identidade de xénero ou os dereitos da infancia,, lidos polos alumnos/as de 2º de ESO da materia de Igualdade de Xénero, na biblioteca, así como o Programa de radio con actividades sobre este tema.

.

-          De 12:35-14:15 “Carreira Solidaria Save the Children, polos Dereitos dos Nenos/as e pola Igualdade de Xénero”, con participación de todo o centro, profes, persoal e nais/pais, en colaboración co responsable de Deportes do Axuntamento.

 

                                   

Nesta carreira solidaria recadamos 502,35€ para Save the Children 

Como celebramos varias conmemoraciones, a estructura da carreira foi  a seguinte:

* Como celebración do “Día Universal dos dereitos da Infancia”, os nenos /as de Primaria, correron acompañando a un neno/nena de infantil.

* Dentro do Programa TEI ( titoría entre iguais), os nenos de 3º e 5º-6º Primaria correron xuntos titor- titorando; e os de 1º e 3º e 4º Secundaria igualmente titor- tirorando.

* Como celebración do “Día Internacional contra a violencía de Xénero”, os alumnos/as de 3º correron rapaza-rapaz xuntos.

* E os profes, persoal, nais, pais...etc e resto, poden facelo acompañando a cada clase ou xuntos.

O final, cada alumna/o tivo o seu diploma de participación pola súa colaboración e aportación solidaria, e un agasallo para cada clase.

 

GRAZAS  POLA VOSA COLABORACIÓN MAIORITARÍA E EXTRAORDINARIA E POR FACER DESTES TEMAS UNHA CELEBRACIÓN SOLIDARIA, PARTICIPATIVA E IMPORTANTE¡¡¡

Distribuir contido


by Dr. Radut