Complementarias
FESTIVAL DE NADAL
Este ano tivemos un Festival de Nadal do máis animado. Comezamos cun texto de Manuel Rivas “Madonna” lido por Alba e UxÍa e continuamos con panxoliñas, un pouco diferentes e máis “rockeiras” para animarnos. Tamén os alumnos e alumnas de 2º e 3º tocaron coa frauta e a compaña do profe Javi unhas panxoliñas.
VISITA AO BELÉN DE "O CEBREIRO"
Hoxe o alumnado de Infantil e Primaria visitamos o Belén de "O Cebreiro" que a pesar de telo moi cerquiña moitos e moitas de nós aínda nos o viramos. Gustounos moito, especialmente porque o que ten de especial este belén é que está feito con materiais típicos da zona, o que o convirte en único.
ULTIMA SAÍDA DO 2013 Á CIDADE DE A CORUÑA: PATINAXE E VISITA AO MUNCYT
Por terceira vez neste ano pisamos terras herculinas na primeira saída de todo o centro antes das vacacións de Nadal. Empezamos a visita patinando; este ano a pista era máis pequena pero iso non foi impedimento e acabamos patinando profes e rapaces/rapazas, ata Teo con só 3 aniños, que o fixo moi pero que moi ben.
DÍA INTERNACIONAL CONTRA A VIOLENCIA DE XÉNERO: proxección de PERSÉPOLIS co alumnado de ESO
Este venres pola tarde vimos a película Persépolis sobre unha familia iraní dende os ollos de Marjane, unha nena iraní que vive a revolución Islámica con 9-10 anos e recorda a súa vida, loitas, triunfos,... con 24 anos a punto de abandonar por segunda vez Irán.
Aquí tedes o enlace para vela en youTube:
QUE CELEBRAMOS? BINGO!!! O MAGOSTO
Este xoves 14 de novembro, pouco despois do San Martiño, celebramos o Magosto con novidades.
UN DÍA DE MEDO NO CPI UXIO NOVONEIRA
Como xa avisamos con antelación, o martes tivemos un día de Halloween-Samaín moi pero que moi emocionante e cargado de sorpresas e actividades. O escenario foi a biblioteca do centro, totalmente ambientada e decorado co traballo que todo o alumnado e algún profesor/a realizamos. Tiñamos ata caixas cheas de arañas e ollos pringosos!
CALENDARIO DE ACTIVIDADES COMPLEMENTARIAS PARA A VINDEIRA SEMANA
A próxima semana celebraremos no colexio o Samaín/Halloween e o Magosto.
O martes 12 de outubro teremos unha tarde de sustos, medos e tradicións coas actidades que as profesoras de Tecnoloxía, Lingua Galega e Lingua Inglesa prepararon para esta tarde.
MÁIS PREPARATORIOS PARA O 25 DE NOVEMBRO
No taboleiro da entrada do centro colocamos un panel para recopilar novas en torno á violencia de xénero e á loita pola igualdade no que poden participar tanto docentes como o alumnado de todo o centro.
Ademais os alumnos e alumnas de 6º realizaron este cartel en contra da violencia.
EMPEZANDO A BUSCAR RECURSOS PARA O HALLOWEEN E O SAMAIN
Xa se acercan estas conmemoracións e no centro xa estamos a buscar ideas, xogos, etc.
- « primeira
- ‹ anterior
- …
- 27
- 28
- 29
- 30
- 31
- 32
- 33
- 34
- 35
- seguinte ›
- última »