Para este curso 2023/2024 o encargado de comedor, ademais da directora, é Juan Canal Rodríguez, que é o responsable de elaborar os menús, organizar as quendas de profesorado para vixilancia do comedor, así como do bo funcionamento do mesmo.
Continúa a implantacion do decreto 132/2013 do 1 de agosto que regula o cumprimento de taxas para os usuarios de comedor. Así, segundo as circunstancias económicas e familiares e o ter asignado ou non este centro, son criterios para que un alumno teña gratuidade total ou abone 1 €, 2.50 € ou 4.50 € por día de comedor.
Resultado: a maioría non ten que abonar nada; algúns 1 euro, outros 2,50 e uns 10 alumnos teñen que pagar 4,50. Comen todos os alumnos agás 2 que van xantar á casa.
Con respecto ó alumnado procedente do Barco, no primeiro curso tocalles abonar a cuota de 4,50 a partir do segundo ano, irá en función da renta.
Os menús están a disposición de toda a comunidade educativa, soamente teñen que pedilos para consultalos.
Tamén estarán expostos na páxina web do centro.
Desde o centro tratamos de que estes menús sexan o máis equilibrados e naturais posible. Empregando para a elaboración dos mesmos, produtos de temporada e de calidade.
Queremos que os nosos alumnos/as se acostumen a comer e probar un pouco de todo, de aí a variedade e tamén o novidoso dalgúns pratos.
