Probas de avaliación individualizada de 3º de primaria

CAL É A SÚA FINALIDADE?

A avaliación individualizada de terceiro curso de educación primaria ten como finalidade comprobar o grao de dominio das destrezas, capacidades e habilidades do alumnado en expresión e comprensión oral e escrita, cálculo e resolución de problemas en relación coa adquisición da competencia en comunicación lingüística e da competencia matemática.

Esta avaliación ten carácter informativo e orientador para os alumnos e alumnas e familias, equipos docentes, centros e Administración educativa.

QUE COMPETENCIAS SE AVALÍAN?

 -Competencia en comunicación lingüística

-Competencia matemática.

EN QUE CONSISTEN AS PROBAS?

Estarán constituídas por:

-Cadernos  de alumnado para cada unha das competencias

-Cuestionarios  de contexto para o alumnado e as súas familias

Feira do libro

Tagged:  

Estase a celebrar unha nova edición da Feira do Libro no CPI Tino Grandío. Os fondos recadados serán destinados á excursión a Cantabria, os días 19, 20 e 21 de xuño.

 

Recital de poemas de Rosalía de Castro

No Tino Grandío continuamos coa celebración das nosas letras. Nesta ocasión, o alumnado de ESO ofreceunos un fermoso recitado con versos da nosa poeta máis universal: Rosalía de Castro. Grazas a tod@s.

Contacontos

Festexamos as nosas letras de moitas maneiras. Nesta ocasión, tivemos a sorte de contar ca presenza dunha extraordinaria contacontos: Fátima Fernández. Nenos e nenas, dende infantil ata primaria, ficaron enfeitizados polas historias que percorreron o territorio da nosa biblioteca.

Festexamos as nosas letras con Mini e Mero

Este ano escollemos unha maneira especial de celebra-las nosas letras. Para iso, contamos coa colaboración de Mini e Mero que nos ofreceron un fermoso concerto nun tamén fermoso escenario: O Mosteiro de Ferreira de Pallares.

Grazas aos que fixeron posible este inesquecible día.

E para compartilo con tod@s, deixamos un breve video, resumo das moitas sensacións vividas.

 

You are missing some Flash content that should appear here! Perhaps your browser cannot display it, or maybe it did not initialize correctly.

navega con rumbo

Tagged:  

No CPI Tino Grandío, reflexionamos sobre o uso asisado da internet, dentro do programa: "Navega con Rumbo"

Distribuir contido