Compartimos con vós o noso tributo a Ricardo Carvalho Calero no día das letras galegas!

Están as programacións por cursos.

Algúns dos alumnos e alumnas de 5º de Primaria comparten algúns dos seus libros preferidos con vós.

Porque tódolos días son bos para ler! 

Este ano celebramos o día do libro dende casa. Queremos compartir con vós algúns deses relatos que nos fan soñar.

Xa queda menos para vernos!

O centro permanecerá pechado, en principio, ata o día 27 de marzo incluído.

O período de matrícula amplíase unha semana máis despois de que remate o estado de alarma.

Teléfono de contacto: 982 82 81 68

Mail: cpi.poeta.uxionovoneyra@edu.xunta.gal

Hoxe, conmemorando o día Internacional da Muller, que tivo lugar o pasado 8 de marzo, tivemos a visita de dúas Mulleres Emprendedoras do Courel: Adriana, de Casa Caselo, e Chiña de Delicias do Souto. Faláronnos dos seus comezos e das súas dificultades e valentía á hora de botar a andar as súas ideas de negocio, pero tamén de todo canto lle aportou e lle segue a aportar a aposta que fixeron polo Courel. Ademais responderon a tódalas preguntas que lles realizaron as rapazas e rapaces do cole. Moitas grazas ás dúas!!!

A pasada semana as nenas e nenos do cole recibiron un par de visitas moi interesantes. Dentro do programa A Ponte da USC, viñeron a falarlles das Paisaxes que se atopan no Courel cos cambios que se foron producindo ó longo dos anos e das causas dos Lumes e da importancia da súa prevención. Deixámosvos algunhas fotos!

A vindeira semana celebramos a "semana da prensa"! Participa cunha imaxe ou vídeo do teu lugar favorito do Courel!

E por fin chegou o Entroido! o venres 21 de febreiro, o noso cole converteuse nun poboado castrexo con algúns romanos e romanas infiltradx!

Pola mañá, acompañounos a Asociación de Recreación Histórica A Castronela, de Friol. Con eles fixemos bolsiñas de coiro e colgantes para completar o noso traxe. Ademais, ensináronnos como facer queixo e despois, perfeccionamos a nosa técnica de tiro con arco.

Xa pola tarde, disfrutamos co contacontos Celso Fernández Sanmartín.