Skip to Content

Benvid@s ao CPI Mosteiro Meis

blog deCPI de Mosteiro-Meis

Esquema de actuación para prevención de contaxios

Ven., 21/01/2022 - 13:10 — CPI de Mosteiro-Meis

 

 

Prema na imaxe para máis información

Nova información sobre o seguro opcional para os ordenadores do alumnado

Mér., 22/09/2021 - 08:39 — CPI de Mosteiro-Meis

 

Durante este curso 2021-2022 a tramitación do seguro opcional non será xestionada polo Soporte Premium, senón pola empresa Plexus. Se desexan contratalo, poden facelo a través do teléfono  881 505 136 ou na páxina web de Plexus.

Ademais, nesa páxina poden atopar un manual sobre esta cuestión, que tamén lles achegamos como anexo a esta publicación.

Información para as familias sobre o proxecto E-Dixgal

Mér., 15/09/2021 - 10:50 — CPI de Mosteiro-Meis

Neste curso 2021-2022 o CPI de Mosteiro-Meis terá implantado o proxecto E-Dixgal en 5º e 6º de Educación Primaria e nos catro cursos da Educación Secundaria Obrigatoria. Isto implica que o alumnado destes niveis dispoñerá dun ordenador persoal e do acceso a contidos dixitais na contorna virtual de aprendizaxe EVA E-Dixgal.

Toda a información referente ao proxecto está dispoñible neste enderezo web. É moi importante que as familias consulten o apartado "Información para as familias", do que cómpre destacas as seguintes cuestións:

Entrega dos equipos

  • O alumnado que se incorpora esta ano ao proxecto (5º de Educación Primaria, 4º de ESO e alumnado novo no centro) recibirá o seu ordenador persoal nos primeiros días do curso, acompañado dun folleto informativo e de dúas copias do acordo de cesión (unha para as familias e outra para o centro).
  • Os ordenadores do alumnado só se poderán levar para a casa unha vez que se entreguen os acordos de cesión correspondentes, asinados pola nai, pai ou titor legal de cada estudande. No caso de non entregar este acordo de cesión, o ordenador asignado poderá empregarse só dentro do centro.

Condicións de uso

No acordo de cesión detállanse as condicións de ás que está sometido o préstamo do ordenador persoal do alumnado, que resumimos a continuación:

  1. O ordenador só se poderá empregar para estudar e realizar tarefas encargadas polo profesorado. Ademais, non poderá cederse a outras persoas.
  2. Non se poden realizar manipulacións no ordenador nin no software instalado nel.
  3. O alumnado debe traer a batería completamente cargada todos os días.
  4. O ordenador devolverase ao rematar o curso e cando o centro o solicite se for necesario.
  5. O ordenador poderá ser inspeccionado en calquera momento para constatar o seu estado.

Resolución de incidencias e seguro opcional

No caso de se producir unha incidencia relacionada co ordenador persoal dos alumnos, deberá notificarse o antes posible ao centro ou ao Soporte Premium. En relación con isto, cómpre ter en conta o seguinte:

  • As avarías debidas a fallos de fabricación estarán cubertas pola garantía dos equipos, polo que a reparación ou reposición non terá custo ningún para as familias.
  • A reparación das avarías non debidas a defectos de fabricación (roturas, intencionadas ou accidentais) deberá ser asumida polas familias, así coma a reposición dos equipos no caso de perda ou roubo.
  • Existe a posibilidade de contratar un seguro opcional que cobre a rotura dos diferentes compoñentes do equipo, cun prezo de 49 € por curso académico. A contratación debe realizarse a través do teléfono 881 505 136.

Desde o centro recomendámoslles ás familias a contratación deste seguro, xa que a reparación dalgúns compoñentes ten un custo moi superior aos 49 € (por exemplo, a reparación dunha pantalla rota pode supoñer uns 400 €).

Se precisan máis información, poden poñerse en contacto co centro ou co Soporte Premium. Neste último caso, o servizo está dispoñible as 24 horas do día, os 7 días da semana, a través das seguintes canles:

 

 

Protocolo de adaptación ao contexto da Covid-19 nos centros de ensino non universitario de Galicia para o curso 2021-2022

Xov., 02/09/2021 - 13:53 — CPI de Mosteiro-Meis

Xúntase a Resolución conxunta, do 1 de setembro de 2021, das Consellerías de Cultura, Educación e Universidade e de Sanidade pola que se aproba o “Protocolo de adaptación ao contexto da Covid-19 nos centros de ensino non universitario de Galicia para o curso 2021-2022”.

Entrega de notas da convocatoria de setembro e período de matrícula

Mér., 01/09/2021 - 12:43 — CPI de Mosteiro-Meis

Entrega de notas

A entrega do boletín de notas correspondente á convocatoria extraordinaria de setembro realizarase o venres, 3 de setembro, ás 13:00 h.

Matrícula

Coas notas achegarase o sobre de matrícula, que se poderá entregar ese mesmo día ou o luns, 6 de setembro.

A documentación que cumprirá entregar para a matrícula é a seguinte:

  • 1º  e 2º ESO: só o impreso de matrícula.
  • 3º e 4º ESO: impreso de matrícula e xustificante do pago de taxas do seguro escolar (no sobre de matrícula achégase o número de conta).

 

Comezo do curso 2021-2022

Mér., 01/09/2021 - 12:35 — CPI de Mosteiro-Meis

Educación Primaria (xoves, 9 de setembro)

Alumnado de 1º de Primaria

Os titores e titoras recibirán o alumando de 1º, que virá acompañado do seu pai / nai / ou titor ás 11:00 h (só poderá acceder ao centro un acompañante por alumno/a). Os alumnos entrarán nas aulas cos titores e os pais participarán no acto de presentación, no que recibirán orientacións importantes para o resto do curso.

Para a saída seguirán o horario do resto do alumnado de Primaria.

Resto do alumnado de Primaria

O comezo das clases será á hora de costume, isto é, ás 9:15 h.

Haberá dúas quendas de saída:

  • 14:15 h: alumnado que non fai uso do comedor escolar. Non ten transporte escolar.
  • 15:00 h: alumnado que fai uso do comedor escolar. Ten transporte escolar.

Observación: a partir do xoves, 15 de setembro, o regreso no transporte escolar será ás 15:45 h, agás os luns, que regresarán ás 15:00 h.

Educación Secundaria (mércores, 15 de setembro)

O comezo das clases será á hora de costume, ás 9:15 h.

Cómpre lembrar que o alumnado que non fai uso do comedor non ten transporte escolar os luns ao mediodía.

Haberá dúas quendas de saída:

  • 14:35 h: alumnado que non fai uso do comedor escolar. Non ten transporte escolar.
  • 15:45 h: alumnado que fai uso do comedor escolar. Ten transporte escolar.
  • Os luns haberá clases pola tarde de 16:30 h a 18:10 h.

Listaxes libros de texto e beneficiarios do fondo de libros

Mér., 07/07/2021 - 12:49 — CPI de Mosteiro-Meis

Publicada a listaxe de libros de texto para o curso 2021-22 e a listaxe dos beneficiarios do fondo de libros.

Prema para acceder a listaxe.

Emisión en directo do acto de graduación da promoción 2020-21

Lun., 21/06/2021 - 22:07 — CPI de Mosteiro-Meis

Aberto o prazo de presentación de solicitudes para o servizo de comedor no curso 2021-22

Sáb., 08/08/2020 - 12:50 — CPI de Mosteiro-Meis

Para beneficiarse do servizo de comedor deben encher a solicitude e presentala na secretaría do centro. O prazo de presentación da solicitude remata o día 12 de xullo.

Prema para acceder á solicitude do servizo do noso comedor escolar e as instrucións para enchela. (Deben presentala na secretaría do centro)

Distribuir contido


by Dr. Radut