Benvida

Benvidos/as á web do CPI Monte Caxado   

CPI Monte Caxado

 Estamos aquí

 

DISFRUTANDO DO FALADOIRO CO ESCRITOR DARÍO XOHÁN CABANA

Hoxe estamos a ter unha oportunidade excepcional no noso centro de gozar dun distendido faladoiro co escritor Darío Xohán Cabana.

Os nosos alumnos e alumnas fixéronlle moitas preguntas e consultáronlle algunhas inquedanzas ás que el respostou moi amablemente.

Esperamos que lle gustase o noso agasallo e que se lembre de enviarnos as landras prometidas. 

MOITAS GRAZAS POLA TÚA VISITA

A A.N.P.A DO C.P.I. MONTE CAXADO CONVOCA O XXVIIIº CERTAME LITERARIO-ARTÍSTICO CONMEMORATIVO DAS LETRAS GALEGAS 2017

De novo este ano a ANPA do CPI Monte Caxado convoca o certame literario-artístico conmemorativo das Letras Galegas 2017. Nos arquivos adxuntos poderedes atopar toda a información correspondente ao certame así como as bases do mesmo. 

O prazo de presentación dos traballos será como máximo ata o 15 de maio. 

-Faladoiro con Darío Xohán Cabana

-Faladoiro con Darío Xohán Cabana

   O vindeiro día 25 de abril, martes, desfrutaremos das verbas do gran escritor e académico Darío Xohán Cabana, para así conmemorar o Día do Libro, na biblioteca do noso Centro.

   Grazas por anticipado pola vosa asistencia.-

DÍA DA TERRA

Hoxe, 22 de abril, é o Día da Terra. Este día pretende lembrarnos da responsabilidade que temos de coidar e protexer o noso planeta. Debemos ser conscientes do impacto dos nosos actos no medio ambiente. Entre todos podemos facelo!

                                                                

 

Esta canción da moi bos consellos para coidar do noso planeta:

 

AVISO CONCURSO DE RECICLADO

AMPLÍASE O PRAZO DE PRESENTACIÓN DOS TRABALLOS DO CONCURSO DE RECICLADO ATA O LUNS 24 DE ABRIL

EXCURSIÓN A LUGO DOS ALUMNOS E ALUMNAS DE 4º E 5º DE EDUCACIÓN PRIMARIA

O mércores 5 de abril os alumnos/as de 4º e 5º de Primaria viaxamos a Lugo. Visitamos o Museo Provincial onde nos ensinaron diferentes aspectos da vida dos romanos que nos resultaron moi interesantes así como algunhas exposións temporais que foron do máis divertidas e creativas.

Por suposto tamén houbo tempo para a merenda e gozamos duns riquísimos churros con chocolate...aínda que despois o mestre Pedro nos fixo recorrer a Muralla a pé! 

Non obstante, de seguro que repetiremos a experiencia.

 

XORNADA DE ORIENTACIÓN

O alumnado de 4º ESO do noso centro desprazouse  o mércores 29 ao IES Moncho Valcarce para asistir a unha xornada de orientación sobre o bacharelato, como preparación para o salto de etapa.

Como profesorado acompañante foron: Sara Álvarez, José A.Soto, José I. Sautúa.

A acollida e as diferentes explicacións sobre eleccións de asignaturas de bacharelato, experiencias no instituto, normas de comportamento, etc correron a cargo das ex alumnas de Monte Caxado Sara, Paula, Uxía e Carla, baixo a supervisión da orientadora Rosa Bedoya.

Logo visitaron diferentes dependencias do instituto para que cando se incorporen non lles resulte descoñecido

 

2 DE ABRIL: DÍA MUNDIAL DO AUTISMO

Desde o CPI Monte Caxado quixemos facer a nosa pequena aportación para este día e romper con todas as barreiras posibles. Agradecemos as aportacións e conclusións do noso alumnado, quen amosou unha gran empatía e sensibilidade para con outras persoas. 

Distribuir contido