Historia
O curso enmascarado do Feal
01/12/2020
Ademais desta pequena testemuña en forma de vídeo do que estamos vivindo, as fotos independentes quedan dispoñibles nun álbum da nosa Galería.
Claustro 2019
01/07/2019
Aquí aparece todo o profesorado e persoal non docente que conseguimos reunir o pasado 28 de xuño. Como sempre moita sorte a todo o profesorado que deixa o noso centro, e en especial ao que agora se xubila: Pedro Abeal Sousa, Pilar Ledo Silva, e José Manuel Timiraos Fernández.
Despedida da Promoción 2019
27/06/2019
Este ano, foi o propio alumnado de 4º de ESO o que dirixiu e ideou o seu vídeo de despedida (como sucedera en 2017). Por suposto, isto é o ideal, pero fai que sexa máis complicado facer propostas, chegar a acordos, tomar decisións... claro que todo isto é fundamental no proceso de aprendizaxe escolar.
Como apunte técnico, boa parte das imaxes foron gravadas por eles cun móbil (da xa ex-alumna Alba Otero), e sorprende a calidade que xa acadan este tipo de dispositivos.
Moita sorte para a nosa Promoción 2019!!
Homenaxe a Merchi e Toñi
23/12/2018
O pasado venres 21, xuntámonos para despedirnos (laboralmente) de Mercedes Taibo Rey e Toñi Bellas Piñón.
Xa faláramos da nosa administrativa Mercedes o seu último día de traballo no Feal (o 5 de outubro), e pouco despois da nosa profesora de Infantil Rosa Souto (que preferiu non facer celebración).
No caso de Toñi, levaba máis de vinte anos sendo a profesora de Música de Infantil e Primaria no Feal, e moita xente quedarase coa súa imaxe dirixindo a nutridos grupos de flautistas nos festivais escolares.
Sorte para todas na vosa nova etapa!
Xubílase Rosa Souto
10/10/2018
Hoxe retirouse a profe de Infantil Rosa Souto. Levaba no Feal aínda máis anos que Mercedes: desde 1985! (moitos deles foron na nosa Escola de Freixeiro).
Rosa pretendía pasar desapercibida durante a súa derradeira xornada laboral no noso centro, pero a última hora da mañá non puido evitar recibir agasallos e aplausos dos seus compañeir@s.
Unha aperta, Rosa!
Xubílase Mercedes
05/10/2018
Mercedes, Merchi, Merce... xubilouse hoxe. Levaba no noso centro desde novembro de 1990. Tendo en conta todo ese tempo, e o feito de traballar nas oficinas (sempre sen máis persoal administrativo), seguramente coñece mellor que ninguén as interioridades do CPI do Feal.
Deixamos aquí algunha imaxe das diversas despedidas desta xornada, e enviámoslle unha forte aperta en nome de toda a nosa comunidade educativa.
Grazas, Merchi!
Claustro 2018
01/07/2018
Aquí aparece todo o profesorado e persoal non docente que conseguimos reunir o pasado 29 de xuño. Aproveitamos para informar dos cambios no equipo directivo: Juan Carlos Bedia releva a Víctor Novo na Dirección, Paula Neira a Juan Carlos Bedia na xefatura de estudos de Infantil e Primaria, e Nieves Cortizas a Montse Lorenzo na xefatura de estudos de Secundaria. Moitas grazas tanto ao equipo saínte como ao entrante, e como sempre moita sorte a todo o profesorado que deixa o noso centro.
Despedida da Promoción 2018
18/06/2018
O vídeo de despedida da nosa promoción 2018 destaca por ter o récord de bicos e bailes nesta serie que comezou en 2013 (con algunha interrupción). Como case sempre, custou poñelo a andar, pero finalmente temos que agradecer o gran entusiasmo amosado por este grupo que agora deixa o Feal. Moita sorte!!
Como pequeno xogo, podedes buscar ao único/a profe que aparece (involuntariamente) nesta montaxe.
Estamos de subidón!!
12/12/2017
Hoxe foi un día histórico para @s sufrid@s internautas do Feal. Xa podemos traballar en Internet. Despois de tantos e tantos anos pedindo un subidón de velocidade, esta mañá medimos uns 100 Mbps de baixada en todos os equipos que probamos.
A mágoa é que ao Feal en realidade chegan 500 Mbps polo novo radioenlace, pero a nosa rede interna impón unha barreira de 100. E a barreira durará moitos anos, porque para rompela habería que cambiar a maioría dos conmutadores e cables de rede, e incluso moitas tarxetas nos ordenadores.
Así que saboreade ben este salto nas telecomunicacións do Feal, porque quedarán así por moito tempo.
Nota: Cen megas de grazas para Junior Camacho e Sara Caro!!
Pequena despedida (con retraso) da nosa Promoción 2017
10/12/2017
O curso pasado non houbo suficiente enerxía para organizar ben un vídeo de despedida da nosa Promoción 2017. Sen embargo, xa a mediados de xuño houbo un intento acelerado por parte dun pequeno equipo de alumnas de 4º de ESO, que presentaron a súa montaxe no festival de fin de curso. Despois, a xa ex-alumna nosa Nerea Doce tivo problemas técnicos para mellorar con calma esta montaxe na súa casa, polo que agora decidimos darlle outra volta desde O Feal ao pouco material dispoñible (cun estilo un pouco diferente) e subilo a Internet.
Ademais de a todo o alumnado de cuarto que colaborou, queremos agradecer especialmente a participación do súper pitcher teacher Víctor Novo, que lanzou con pericia os globos de auga aos nosos fantásticos bateadores/as.
Haberá vídeo de despedida da Promoción 2018? Aínda non sabemos, pero a despedida non ten por que consistir nun vídeo. O ideal sería que o alumnado chegase cunha idea totalmente nova cada ano... poden contar coa nosa axuda.
Ángel Carrera
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com