Saltar navegación.
Inicio

Comedor escolar

Menús do segundo trimestre no noso comedor

Kirby

Achegamos os
menús do segundo trimestre deste curso
no noso comedor escolar.

Nota: @s usuari@s que necesiten un menú alternativo debido a algún problema alimentario, deberán consultar a dispoñibilidade da correspondente dieta ao persoal do comedor.

Solicitudes para o servizo de comedor

04/07/2023

Dende hoxe 4 de xullo ata o venres 14 de xullo está aberto o prazo para solicitar o servizo de comedor escolar. (Na secretaría do centro de 10:00 - 13:00 horas)

Os criterios para baremar as solicitudes como establece a lexislación son:

  1. Usuarios lexítimos do curso anterior (os 140 primeiros da listaxe do curso pasado)
  2. Usuarios lexítimos de transporte escolar.
  3. Ter un/unha Irmán ou irmá matriculados no centro e ser usuario do comedor escolar no momento de formalizar a solicitude. (novidade no baremo)                      

  4. Alumnado en situación de exclusión social ou con discapacidade. (demostrado documentalmente)
  5. Alumnado de familias numerosas. (demostrado documentalmente)
  6. Incompatibilidade laboral de ambos proxenitores co horario de de saída do centro educativo. (demostrado documentalmente)
  7. Outro alumnado do centro.
  8. Persoal docente e non docente.

Notas importantes:

  • Solicitade unicamente os días que necesitedes, para poder optimizar o servizo.
  • Haberá que avisar antes das 09:15 os días que non se use. Do contrario poderá ser cobrado o servizo.
  • Haberá que usar a lo menos un día ao mes, cada un dos días concedidos. O non cumprimento é causa de perda do dereito.

Aumento das prazas do comedor escolar

20/09/2022

Hoxe ao mediodía, a Consellería confirmou o aumento de prazas de comedor escolar ata 140. Mañá mércores reunirase o Consello Escolar para aprobar unha nova listaxe de 140, contando coas renuncias e as novas prazas. A nova lista estará exposta o xoves no taboleiro de anuncios do centro.

Aqueles que aínda non tendo praza de usuario, poida facer uso do servizo empregando os días que van deixando libres os usuarios lexítimos, serán avisados por teléfono.

Aclaración sobre o noso comedor escolar

28/09/2016

Dende o CPI do Feal, solicitouse á sección de comedores da Consellería de Educación o aumento de prazas para este curso, pero informóusenos de que non se vai producir. Neste curso, con máis de 180 solicitudes, só podemos garantir o uso do comedor para os primeiros 89 usuarios da lista de comedor, que se corresponden co número de prazas que temos na actualidade, aínda que trataremos de facer o mellor uso posible das mesmas, permitindo que outros usuarios ocupen as prazas vacantes que se vaian producindo.

Aumento de prazas no noso comedor escolar

13/10/2014

Desde o luns 13 de outubro dispoñemos de 73 prazas no comedor escolar (para xantares), once máis das iniciais. Polo tanto serán usuarios/as de pleno dereito os 72 primeiros da lista aprobada polo Consello Escolar o pasado mes de setembro.

Convenio co Concello de Narón para facilitar os almorzos escolares

Convenio de Almorzos 2014

21/02/2014

O pasado 6 de febreiro, o alcalde de Narón asinou un convenio cos catro centros educativos do Concello que contan con comedor escolar, para facilitar o servizo de almorzo. Isto foi necesario porque de momento o mencionado servizo non está cuberto pola administración autonómica. O convenio asinado co Concello terá vixencia ata o 31 de decembro de 2014.

Comunicado sobre o comedor escolar por parte da Dirección do centro

09/10/2013

Estimadas familias:

O luns 7 de outubro, aprobáronse no Consello Escolar do centro as listas definitivas da adxudicación de prazas para o comedor escolar de cara a este curso 2013/2014. Co respecto absoluto ás directrices que nos foron proporcionadas dende a Consellería, dende a Dirección do centro somos conscientes de que o número de prazas non puido satisfacer a todos os interesados.

O primeiro paso que demos, foi aprobar dende o Consello Escolar, o escrito adxunto que se fará chegar á Consellería, e que agardamos sexa satisfeito.

Por outra banda, gustaríanos convocarvos a unha reunión o vindeiro día 16 de outubro, mércores, ás 16:00 na biblioteca do centro, para explicar cómo dende o centro se vai xestionar o uso das prazas adxudicadas. Sen máis que dicir, e agradecendo por anticipado a vosa presenza, saúdavos Víctor Novo, Director do CPI do Feal.

Comunicado da Dirección para as familias interesadas no comedor escolar

Comedor do Feal

03/09/2013

Este curso entrante, o funcionamento do comedor foi asumido pola Consellería de Educación, de xeito que corresponde á Dirección do centro a supervisión e organización deste servizo. Posto que o número de prazas é limitado, pregamos a todas as familias interesadas que o soliciten na secretaría do centro ata as dúas da tarde do 20 de setembro inclusive. Dende o centro estamos tratando de contactar con todos os usuarios do ano pasado, pero non agardedes a este contacto e pasade xa a cubrir a vosa solicitude. No caso de novas admisións, aínda non sabemos as vacantes que podemos ofertar, pero pasade igualmente pola secretaría do centro e informarémosvos o mellor posible.

Un saúdo.
Asdo. Víctor Novo, Director do CPI do Feal.

Nota: Pódese consultar o decreto do 01/08/2013 para os comedores escolares dependentes da Consellería de Educación. Nel, especifícanse os importes do servizo en función da renda per cápita.

Enderezos electrónicos

  • Equipo directivo: cpi.feal@edu.xunta.gal
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido