Saltar navegación.
Inicio
Narón (A Coruña)

Taboleiro xeral do alumnado

Formación no uso axeitado das novas tecnoloxías na idade escolar

08/04/2021

Dende o Departamento de Orientación, detectouse un uso inadecuado de medios dixitais (teléfonos, ordenadores, consolas etc). Outros centros educativos, en concreto os nosos adscritos (CRA de Narón, CEIP Ponte Xuvia e CEIP de Piñeiros), detectaron igualmente estes problemas.

Do problema detectado, xurde unha inciativa conxunta dos catro centros educativos, dirixida a familias e alumnado: a organización dunha formación online conxunta.

A formación irá dirixida ao alumnado dende 3º de E. Primaria ata 4º da ESO, e as súas familias.

O alumnado recibirá a formación en horario lectivo, mentres que as familias estades invitadas a unha formación específica, que terá lugar o luns 12 de abril ás 16:30 horas.

Dende o centro, se enviará por AbalarMóbil o enlace á formación online. O único que teredes que facer para establecer conexión, será copiar o enlace que recibiredes, e pegalo no navegador do dispositivo que empreguedes.

Normas de seguridade e hixiene COVID

10/02/2020

Nos últimos días, estamos recordando e explicando ao alumnado de ESO as nosas normas básicas de seguridade e hixiene, recollidas no protocolo para dar resposta a situación xerada pola COVID-19.

Aínda que o comportamento do alumnado está sendo exemplar en liñas xerais, é importante non relaxarse, para poder seguir co curso coa maior normalidade posible.

Probas de materias pendentes na ESO

02/02/2021

O mércores 3 de febreiro, dan comezo as probas de materias pendentes do curso pasado na ESO. Achegamos o calendario.

Día da Discapacidade 2020

 06/12/2020

O pasado 3 de decembro, conmemoramos o Día da Discapacidade. @s nos@s peques traballaron cuns contos que tratan das diferentes capacidades (non discapacidades). Fixeron un traballo excelente, debuxando e poñéndolle voz a algúns destes nen@s que loitan por estar na sociedade en igualdade de condicións.

Temos que traballar por unha auténtica inclusión educativa e, tomando as palabras de Robert. M. Hensel ("coñéceme polas miñas habilidades e non polas miñas discapacidades"), empezamos a construír a idea de que ser diferentes é unha riqueza.

Grazas, nenas e nenos!!!

Información para o alumnado que ten que acudir ás probas extraordinarias de setembro

31/08/2020

  • Acudir con máscara.
  • Traer o material que precise para realizar a proba.
  • Esperar no exterior do centro a que o profesorado lles indique que poden entrar.
  • Manterán a distancia de seguridade e nunca estarán en grupos de máis de 10.
  • Subirán ordeadamente respectando sempre o lado dereito de circulación.
  • Desinfectarán as mans antes de entrar na aula e ao saír da mesma.
  • Unha vez rematada a proba, terán que abandoar o centro.
  • Se algún necesita ir ao baño, sempre será individualmente e con permiso dun profesor.
  • Cando algún alumno teña máis dunha proba, poderá esperar no patio, mantendo a distancia de seguridade cos seus compañeiros e nunca en grupos de máis de 10.

Instrucións do 27 de abril da Consellería para o desenvolvemento do terceiro trimestre

29/04/2020

A Consellería ven de publicar as instrucións definitivas de como se desenvolverá o terceiro trimestre do curso. Nelas podedes ler información relativa ao calendario escolar, adaptación da actividade, titoría, currículo e adapatación das programacións e avaliación e promoción, entre outras.

Préstamo de material informático para o alumnado de familias con recursos limitados

14/04/2020

No centro aínda dispoñemos de ordenadores para prestar ás familias que os necesiten, tanto para Primaria como para Secundaria. Os interesados poden enviar un email a cpi.feal@edu.xunta.gal, poñendo ordenador no asunto, e deixando os seus datos. Dende a Dirección seredes citados para pasar a recollelos.

Enderezos electrónicos

  • Equipo directivo: cpi.feal@edu.xunta.gal
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido