Saltar navegación.
Inicio
Narón (A Coruña)

Sociedade, Música, Seccións, Cine, Deporte, Turismo, Literatura, Plástica, Ciencia

Recollida de alimentos para a Asociación Cometa

Alimentos para a Asociación Cometa

29/05/2019

Hoxe pola tarde realizouse unha recollida de alimentos e outros produtos no noso centro, co fin de doalos á Asociación Cometa (protectora de animais). Foi a actividade final, con impacto social, dun proxecto no que participou alumnado dalgunhas aulas de Educación Infantil e Primaria. A Asociación Cometa, así como CASAGA e AFAL, colaboraron de forma altruísta no proxecto, ao igual que as familias dos máis pequenos, que participaron na publicidade do evento.

Grazas aos alumnos e aos colaboradores... a recollida foi un éxito!

Asociación Cometa

A túa vella bici vale un sorriso

Amsterdam

28/11/2018

O CPI do Feal participa nunha campaña organizada polo Concello de Narón para recoller bicicletas que xa non se estean usando, pero que aínda poidan ser aproveitadas por nenos ou nenas (tamén se recollen estáticas ou patinetes).

Este ano, as bicis recollidas serán repartidas por todos os colexios de Narón, para que poidan ser utilizadas en diversas actividades infantís: marchas, obradoiros...

Podes entregar a túa vella bici no noso centro ou no Concello de Narón (en horario de mañá) ata o 21 de decembro.

Ida Vitale, Premio Cervantes 2018

15/11/2018

A poetisa Ida Vitale (Montevideo, 1923) acaba de ser elixida Premio Cervantes 2018. Este galardón considérase o Nobel de Literatura das Letras Hispánicas. Neste caso recoñece non só a súa traxectoria poética, senón tamén o seu labor intelectual, como crítica e tradutora. Nos versos de Ida Vitale atopamos o contraste entre o universal e o persoal, entre o culto e o popular. A esencia da súa obra é o reflexo social, sen perder unha actitude vitalista.

Álex Cagiao en La Voz de Galicia

Álex Cagiao Teijeiro

22/01/2018

Moit@s xa saberedes que temos un campeón galego de karting en 6º A de Primaria: Álex Cagiao Teijeiro. Aquí tedes unha entrevista que se publicou en La Voz de Galicia do 22/01/2018. Parabéns, Álex!

Nota: É posible que algúns de vós lembredes o coprotagonismo de Álex nun vídeo que fixemos pouco antes do Nadal de 2014.

Unha usuaria de honra na Biblioteca municipal de Narón

Lovette e Merchi

18/01/2017

A nosa alumna Lovette Diatta Diatta (1º de ESO) é unha das dez usuarias/os de honra 2017 da Biblioteca municipal de Narón. O pasado 14 de xaneiro, houbo unha pequena homenaxe aos usuarios/as máis activos nesa biblioteca durante o pasado ano, que foi presidida pola concelleira de Ensino Mercedes Taibo. Parabéns, Lovette!

Pódese ampliar a información no correspondente artigo do 15 de xaneiro no Diario de Ferrol.

Usuarios de honra 2017 na Biblioteca de Narón

8itodifunde: Suxestións de lectura para este verán

Estante árbore

15/06/2016

Se che gusta ler, aquí deixamos unha ligazón cunha lista de libros recomendados polos Correspondentes Xuvenís doutras escolas:

xuventude.xunta.es/uploads/libros.pdf

Semana de Mobilidade e Seguridade Vial en Narón

19/05/2016

Con motivo da Semana de Mobilidade e Seguridade Vial (entre o 23 e o 27 de maio) organizada polo Concello de Narón, catro alumnas de 5º A de Primaria (Jimena De Miguel Leonardo, Alba Díaz Vigo, Carla Fernández Rodríguez e Nerea Freire Castro) fixeron o pequeno vídeo que publicamos agora (coordinado por Juan Carlos Bedia).

Educación Vial

Vacacións en Paz

Vacacións en Paz 2016

02/05/2016

Solidariedade Galega co Pobo Saharaui quere agradecer a colaboración das familias do CPI do Feal no Programa de acollida de nenos e nenas refuxiados saharauis de 2016, tras unha recadación de 323€ no noso centro.

Centros de acollida de animais na comarca de Ferrolterra

21/02/2016

Estes son os centros e refuxios de acollida de animais da zona de Ferrolterra. Deixámolos a disposición de todos vós por se alguén se anima a adoptar un compañeiro ou compañeira, ou por se atopades algún animal abandonado.

Lembrade que un animal non é un xoguete. Cando o adoptamos ou o mercamos, pasa a formar parte da nosa familia e temos que responsabilizarnos do seu coidado e benestar.

Enderezos electrónicos

  • Equipo directivo: cpi.feal@edu.xunta.es
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido