23/09/2015

A semana pasada, dende a páxina web do centro puxemos a andar un ofrecemento feito por pais de alumnos no que se trataba de aproveitar e non deixar que se estragasen 3.000 litros de leite dunha granxa da zona. A nosa convocatoria foi un éxito, e non se estragou un só litro, polo que non nos queda máis que felicitar e agradecer aos promotores da idea a súa mostra de xenerosidade, que permitiu que en dous días moitos fogares recibisen un produto básico como é o leite de xeito altruísta. Unha vez máis, grazas pola iniciativa, e amosar tamén o noso apoio ás xustas reivindicacións do sector lácteo galego.
 
O Director

Aquí quedarán gardadas todas as mensaxes publicadas no oitavo ano do Libro.

Aquí quedarán gardadas todas as mensaxes publicadas no séptimo ano do Libro.

15/06/2013

Remata o curso e chegou a hora de desvelar algún dos segredos mellor gardados do Feal.

06/03/2013

O Feal xa ten 41 anos!, pero que non se estenda o pánico: este ano non facemos lipdub. Agardaremos ata os 50, non?

22/01/2013

Hoxe levamos unha gran alegría no Feal, cando nos sorprendeu a visita de Manuel Golpe en compañía da súa irmá Gema e a súa nai Carmen Espada. Un millón de grazas por vir, e celebramos a rapidísima recuperación. Unha aperta para toda a familia!

PD: O 24/01/2013 publicouse unha nota en La Voz de Ferrol a partir do noso artigo. Ademais, Carmen Espada publicara un bonito agradecemento no seu facebook cun enlace a este artigo: "O noso agradecimento para os que foron os seus profesores e profesoras e persoal do CPI O Feal, cos que conserva unha fermosa amizade, e que o recibiron con moita alegría e cariño. Afortunadamente seguimos camiño da recuperación total."

Aquí quedarán gardadas tódalas mensaxes publicadas no sexto ano do Libro.

Por primeira vez na Historia, entre 2012 e 2013 foi posible seguir as badaladas de fin de ano a través da web do Feal (tamén en HD). Grazas a toda a xente que comeu as uvas connosco, e especialmente aos fantásticos presentadores de Tele Feal: Natalia Martínez e David Casteleiro. Feliz 2013 para tod@s!!

Manuel Golpe Espada pintando o noso graffiti en 2008

08/01/2013

Despois do gran susto que nos deu o noso querido ex-alumno Manuel Golpe Espada (tamén coñecido por Manute), hoxe temos que celebrar que xa está na súa casa, e evolucionando favorablemente. Non sabes canto nos alegramos Manuel! Unha aperta para toda a familia.

23/12/2012

Esta foi unha gravación moi improvisada durante a última mañá de clase de 2012. É unha canción triste, e o cámara meteu a pata usando o zoom durante a gravación (coa correspondente perda de nitidez durante eses segundos), pero queremos deixar aquí este outro bonito recordo de 2012 no Feal. Grazas ás rapazas de 4º de ESO, e confiamos en que se animen a cantar no Festival de Fin de Curso!