Encontro con Andrea Maceiras

Fai clic para ver máis fotos

12/04/2016

Andrea Maceiras, a recente gañadora do premio Jules Verne de narrativa xuvenil, veu esta mañá á nosa biblioteca para falarnos da súa última novela Europa Express. O alumnado de 3º e 4º de ESO achegouse deste xeito en primeira persoa a unha das novas escritoras galegas de máis éxito.

Aclarounos de onde partía a idea desta historia, explicounos a maneira en que ía construíndo as súas novelas, de onde cría que nacía a inspiración cando creaba personaxes ou razoou connosco sobre o acerto do final que escolleu para rematar a intriga do relato.

Ao final, puidemos pedirlle que nos asinase os nosos libros e mesmo que sacase algunhas fotos connosco.

Fai clic para ampliar a foto