Mª do Carme Pernas

O alumnado de 3º da ESO fixo o pasado mércores 2 de novembro unha representación para todo os seus compañeiros de Educación Primaria e de Secundaria dun dos persoaxes máis significativos do imaxinario fantástico do noso pobo, O Home do Saco.

Baseado nunha obra do escritor mindoniense Antonio Reigosa, a obra dividíase en 3 actos curtos, onde o alumnado de 3º da ESO facía unha parodia teatralizada sobre a figura do Home do Saco.

Depart. Tecnoloxía

O 17 de outubro, o alumnado de 3º e 4º de ESO visitou a exposición AI: MORE THAN HUMAN, no espazo Afundación.

Achegáronse ós avances, tanto creativos como científicos, da intelixencia artificial, así como da evolución da relación entre os seres humanos e a tecnoloxía.

Antolín Martínez

O alumnado de 1º e 3º de Ed. Primaria traballou o tema do medo mesturando o traballo lingüístico e artístico en Plástica, enmarcado dentro das actividades de Halloween.

O noso colexio xa está celebrando o Samaín e nesta semana. Ademais da decoración propia desta data, tamén se expuxeron as cabazas que trouxeron os nosos nenos e nenas para ambientar o colexio e tamén para tomar parte no concurso que tradicionalmente fai o Equipo de Biblioteca.

O que segue é unha mostra do traballado realizado conxuntamente polo profesorado e polo alumnado do noso colexio.

O pasado día xoves 27 de Outubro tivo lugar na biblioteca do centro a II Xornada englobada dentro do Plan Director programada no noso centro educativo. Nesta ocasión o tema da mesma estivo plantexada sobre ciberseguridade e redes sociais, un tema moi importante a traballar co alumando adolescente e preadolescente. Estivo moi interesante e esperemos sexa de proveito na súa formación.

Antolín Martínez

Cada 24 de outubro, desde 1197, celébrase o Día da Biblioteca co fin de concienciar a sociedade da importancia das bibliotecas. O lema, impuldado polo Ministerio de Cultura e Deporte, deste ano é Bibliotecuida, co gallo de destacar o papel das diferente tipoloxías de bibliotecas como espazos abertos e multidisciplinares que se preocupan por antender as necesidades dos seus usuarios. Os nenos e nenas de 3º de Ed. Primaria crearon un pequeno vídeo conmemorativo.

Felipe Barata

O pasado sábado 22 de 0utubro disputouse en Visantoña (Santiso) a X Edición do Cross de Santiso, que contou coa presencia dunha nutrida representación de nenos e nenas do noso club de atletismo do Colexio de Friol e na cal se conseguiron varios pódiums. A proba contou cun alto nivel organizativo, nunha xornada que estivo marcada pola choiva.

Así, na categoría sub 10 feminina, Sabela Sánchez lograba a vitoria, mentres que Maria Santos entraba en terceira posición e a súa compañeira de equipo, Ada Ceide, era cuarta. Pola súa parte, na categoría sub 12 feminina, Sofía López e Susana López ocupaban a segunda e terceira posición respectivamente, mentres que Mariña Aguiar conseguía o quinto chanzo do pódium.

Xa na categoría sub 14, Martín Díaz conquería a terceira posición, mentras que Mateo Villar era cuarto e Hugo Ferro, quinto. Borja Arias era sexto, Alexander Macías sétimo e Roi Andón, oitavo. Polo que respecta á categoría sub 16 feminina, Aldara Ceide gañaba a carreira e Mara Montes era segunda. Por último, na categoría masculina, Ramón Loureiro era o gañador e Samuel Villar, ocupaba o segundo lugar do pódium.

Ed. Física

O alumnado de 5º e 6º de Educación Primaria, así como o de toda a ESO, asistiu a unha moi interesante conferencia sobre Nutrición para xoves deportistas, que tivo lugar no Centro Socio Cultural de Friol e que foi impartida pola nutricionista Marta Pérez.

Esta charla enmárcase dentro do proxecto Baloncesto no Rural, que está organizado pola Fundación Breogán, en colaboración con noso colexio, e tivo como temática os nutrientes e unha dieta equilibrada, así como os almorzos e merendas saudables, ademais dunha correcta alimentación pre e post exercicio e tamén os mitos que hai arredor da alimentación.

Felipe Barata

No presente curso escolar contamos cunha nova instalación para o tempo de lecer dos máis cativos e cativas, un parque infantil que se instalou na zona posterior á biblioteca, grazas ós fondos aportados pola Consellería de Educación e grazas ás xestións do Concello de Friol.

Este parque cubre así unha demanda importante desta etapa educativa para atender o tempo de lecer dende un enfoque pedagóxico, ademais de ser un elemento máis de mellora arquitectónica do noso centro escolar.

Felipe Barata