Teresa Estévez

A Federación Galega de Piragüismo está realizando unha campaña de difusión deste deporte nos centros educativos da nosa provincia. Este martes, día 30 de abril, visitounos un monitor do Club de Piragüismo Cidade de Lugo para desenvolver a primeira parte da actividade: unha charla dirixida ao alumnado de 5º e 6º de Primaria e 1º e 2º de ESO, que no mes de xuño realizarán a fase práctica en Lugo, na Escola de Piragüismo; e unha presentación ao alumnado de 3º e 4º de Primaria para dar a coñecer a posibilidade desta práctica deportiva moi preto das súas casas.