Coas cantareliñas de Nadal e Reis por Vedra adiante
Con ocasión da próxima celebración das festas de Nadal e Reis quixemos revivir co noso alumnado a tradición das cantarelas na parroquia vedresa de San Miguel de Sarandón. Alí acudimos ao convite da Asociación Cultural San Campio coa rapazada de 1.º de educación primaria e as súas mestras Marta, Vanesa e Sol.
A xornada transcorreu, coa compañía do mestre Antonio e dos seus alumnos/as do CRA de Boqueixón-Vedra, que nos sorprenderon entre cantos de Nadal e Reices, charrascos e requintas e visitas ás casas de Luís de Zas, Marcelino de Muiñeiro e a de Crespo.
Rematou a mañá cun convite a chocolate con rosca, que soubo a gloria, e que moito lles agradecemos…
Aquí pódese ver unha selección fotográfica da actividade.
Xulia Marqués
Coordinadora Vedra medra
