Taboleiro

DÍA DA PAZ · MERCADILLO SOLIDARIO

 

 

 

Este ano o luns 31 de xaneiro conmemoraremos o Día da Paz cun Mercadillo Solidario.
Os cartos que recademos, investirémolos na acción educativa que a ONG "Solidaridad Internacional", está a traballar en Nicaragua, na cidade de Managua, no barrio marxinal de Acahualinca, onde está "La Chureca", o vertedoiro municipal da cidade.
O obxectivo deste proxecto é ampliar a oferta educativa do centro de Formación Laboral "Rafael Reyes García" de Managua. Darase formación ás mulleres, adolescentes e menores que traballan no vertedoiro colleitando refugallos, e así ter capacitación laboral e técnica para xerar iniciativas económicas, proporcionarlles oportunidades de traballo en condicións dignas e mellorar a súa situación de explotación e pobreza .
Por isto, os nen@s están a elaborar obxectos (pulseiras, pisapapeis,etc) para vender ese día no patio do colexio. Esta venda non vai dirixida ao alumnado de primaria nen infantil, senon a TODO O MUNDO que se queira achegar e colaborar.
Tamén haberá un posto de produtos de "Comercio Xusto" (chocolate, café, etc) de Solidaridad Internacional

Solidaridad Internacional é outro con donacións dos profesores. O Mercadillo terá o seguinte horario:

Mañá: 12:20 - 13:30
Tarde: 15:00 - 16:20.
Cada curso atenderá os postos ás:
12:20 - 13:00 6º Primaria + 1º A
13:00 - 13:30 5º Primaria + 1º B
15:00 - 15:30 4º Primaria
15:30 - 16:00 3º Primaria
16:00 - 16:20 2º Primaria
Os de Infantil visitarán o mercado
12:30 - 12:45 Inf. 3 anos
12:45 - 13:00 Inf. 4 anos
13:00 - 13:15 Inf. 5 anos
ANIMÁDEVOS e VISITÁDENOS!!! Os nen@s están moi ilusionados!!! Ademais como clausura degustarase unha CHOCOLATADA.
GRAZAS POR ADIANTADO!!!

 

SAÍDA A OURENSE

 

 Os alumnos de 2º da ESO visitaron o luns 22 de novembro a cidade de Ourense onde puideron disfrutar, entre outras cousas, de unha visita á Catedral e un "refrescante" chapuzón nas pozas termais de Outariz.

 

 

 

REVISTA ESCOLAR

GUSTARÍACHE PARTICIPAR NA REVISTA ESCOLAR?

Estamos a elaborar o próximo número da revista do cole e gustaríanos que participase persoal (profes e alumnos) de todos os cursos. Se tedes algo interesante que achegar (debuxos, contos, traballos...etc) non dubidedes en facernos chegar o voso talento!.

Portada Tangaraño

Interesados contactar cos seguintes profes:

Nuria (Tecnoloxía)

Xabier (Galego)

Susana (Sociais)

 

GRAN CONCURSO LOGOTIPO DO CPI A CAÑIZA

BASES DO CONCURSO

CURSO 2010/11

(Se queres descargalas en formato PDF preme aquí)

Obxectivo

Creación dun logotipo inédito do CPI A Cañiza para a páxina web do centro.

Quen pode participar?

Calquera alumno/a do CPI A Cañiza que curse a ESO, de forma individual ou en equipo.

Os grupos terán un máximo de 4 membros.

Como deben ser os deseños?

Os deseños do logotipo do centro deben ser orixinais e tentar que representen o mellor posible o centro.

Como presento os meus deseños?

  • Sobre soporte bidimensional (papel, cartolina...) de formato DIN A4 realizado na técnica que mellor se adapte ao que queres representar. Podes usar lapis grafito, lapis de cores, rotuladores, collage, traballar no ordenador e despois imprimilo, etc...

  • No anverso da folla ou lámina co debuxo deben aparecer o nome e apelidos do autor/es, así coma o curso e grupo ao que pertencen.

 

Prazos de presentación

O último día de presentación será o día 17 de decembro de 2010.

Onde o entrego e a quen?

Podes entregalo a calquera das profesoras de Educación Plástica, Marta ou Laura,na aula de plástica ou na sala de profesores.

 

Quen é o xurado?

Formarán parte do xurado os seguintes profesores/as:

  • Javier Souto

  • Xabier Álvarez

  • Marta Acitores

  • Nuria Ameijeiras

  • Laura López

 

Cal é o premio?

O deseño gañador converterase no logotipo oficial da páxina web do centro.

 

Resolución do xurado

O resultado farase público á volta de Nadal.

O xurado resérvase a opción de modificar/adaptar o deseño en función da súa finalidade.

 

 Segue os seguintes consellos para crear un bo logotipo

II Campionato de Baloncesto CPI DA CAÑIZA

Vén de rematar o II Campionato de Basket, que se estivo xogando durante este mes de Novembro nos recreos. Os alumnos de 6º B conqueriron a victoria por 9-6 fronte os alumnos de 6º A. Adriano foi elexido mellor xogador do torneo.

Na categoría feminina as alumnas de 6ºB e as de 5ºB xogan mañá a súa final.                                                   JOSE

II CAMPIONATO DE BALONCESTO

Xa estamos de volta coas competicións. Este vindeiro martes comeza o II  Campionato de basket CPI da Cañiza, coma o ano pasado os alumnos e alumnas de 3º ciclo de Primaria nos deleitarán coas súas espectaculares xogadas na pista de minibasket. Esperemos que todo saia ben e desfrutemos do campionato.                          JOSE                                                             

Distribuir contido