Charla de Richi Casás
O doce de decembro o músico cercedense Richi Casás deu unha charla no Auditorio para o alumnado de Primaria sobre música tradicional e a súa utlización no álbum que grabou co seu grupo,titulado "Fuliada na Vila".
Como parte do acto, un grupo de alumnas e alumnos de Primaria e Secundaria xunto con todo o alumnado asistente como público interpretaron o "Canto de Nadal da Vila da Igrexa",unha peza que cantaba a avoa de Richi, Rosa Casás,e que forma parte do "Cancioneiro Popular Galego" que compilou Dorothé Schubarth coa colaboración de Antón Santamarina.