Biblioteca creativa

TRABALLO NO HORTO ESCOLAR: CUARTO DE ESO

»

1 adjunto

BOOKTRAILERS. BIBLIOTECA CREATIVA

Biblioteca creativa

Estes son os vídeos creados polo noso alumnado de 4º, 5º e 6º de primaria.

CURSO-TALLER DE FOTOGRAFÍA CREATIVA CO TELÉFONO MÓBIL

O día 5 DE MAIO de 2021 a partir da 16:25 horas no patio cuberto do CPI Plurilingüe de Castroverde terá lugar un taller de fotografía creativa para familias co teléfono móbil. Os días 3 e 4 de maio celebrarase o mesmo taller para o profesorado. Será impartido pola fotógrafa de Castroverde María Nogueira.

As nais ou pais que desexen asistir deben inscribirse chamando ao teléfono 982870175 deixando os seus datos e un teléfono de contacto.

No taller ensinaranse "trucos fáciles" que axudarán a mellorar as fotos realizadas co teléfono propio dun xeito práctico. As persoas interesadas deben avisar o antes posible dado o límite de aistentes.

VIDEOCONFERENCIA DE FÍSICA DE PARTÍCULAS

O 2 de decembro de 2020 tivo lugar unha videoconferencia desde Granada. O profesor Miguel Ángel Lanzas explicou ao alumnado as partículas que forman o Universo e como o Laboratorio Europeo de Física de Partículas (CERN) traballa para detectalas. A conferencia titulouse: Cal é a natureza do noso universo? De que está feito? O CERN e a busca de respostas.

Miguel Ángel Lanzas Quintana é licenciado en ciencias físicas e máster en métodos e técnicas avanzadas en física pola Universidade de Granada. Traballa como profesor de física e química de secundaria no IES Moraima, na súa cidade natal, Loja, na provincia de Granada. En 2017 participou no Spanish Teacher Program, un programa de formación en física de partículas para profesores, que ten lugar nas instalacións do Laboratorio Europeo de Física de Partículas (CERN), en Xenebra, Suíza.