Dinamización da Lingua Galega

DÍA DA CIENCIA EN GALEGO

 

O día 8 de novembro o alumnado de 4º ESO asistiu á conferencia de Luís Liz Marzán sobre “ A nanotecnoloxía no Ano Internacional de Táboa periódica” para celebrar o Día da Ciencia en Galego.

Luís Liz Marzán é un científico Lucense, Premio Nacional de Química 2018 pola súa contribución aos campos da química coloidal, actividade que estudia os nanomateriais para a curación do cancro.

CHARLA COLOQUIO CON ÁNXELA GRACIÁN

O 27 de  maio estivo con nós  Ánxela Gracián, veu falar do libro “ As voces da auga”, novela gañadora do VIII Premio Meiga Moira 2018 de Literatura infantil e xuvenil , e que destaca pola calidade da lingua empregada, a orixinalidade da proposta e o intenso labor de recreación dunha sociedade  xeográfica e cultural ben distante, a chinesa.

 

VISITA DE SABELA NÚÑEZ SINGALA

O mércores 3 de abril, visitounos Sabela Núñez Singala para falar do seu libro “ O agasallo de Anya” que leron os nenos/as de 5º e 6º de E.Primaria, e 1º, 2º ESO. Despois dunha exposición sobre as orixes do libro e outros aspectos relacionados co mesmo, Sabela contestou a moitas preguntas que lle fixeron os alumnos/as.

CELEBRANDO O DÍA DE ROSALÍA

No 182 cabodano do seu nacemento, os alumnos/as do Centro rendéronlle unha sinxela homenaxe obsequiando á comunidade escolar coa lectura de poemas dos  libros   “Cantares Gallegos” e “Follas Novas”.

Varios alumnos/as de 3ºESO e o seu profesor, tocaron Negra Sombra , usando como instrumentos “Ocarinas”.

Os alumnos/as de 5ºE.P. fixeron unhas ilustracións de cada un dos poemas que lles tocou ler.

FEDERICO GARCÍA LORCA

VIVINDO A POESÍA EN COMUNIDADE

O próximo martes 26 de febreiro terá lugar unha intensa xornada de lecturas compartidas en galego e en castelán sobre distntos fragmentos da obra de Federico García Lorca. Esta actividade, que implica á totalidade do centro educativo, está coordinada pola profesora Cristina González Grandas. Animamos a todos e todas a pasar pola biblioteca e presenciar a maxia da poesía lida polos rapaces e rapazas do CPI Plurilingüe de Castroverde.

1ª hora           2ª hora                 3ª hora                   4ª hora /5ªhora                  tarde                     
3º ESO 4º ESO Aplicadas  4º ESO Académicas  2º ESO   4º ESO APLICADAS
1ºEP+5º EP 2º EP +6º EP  3º EP 4º EP  2º EP +6º EP
Distribuir contenido