O proxecto do Club de Lectura aplicado durante este curso nos diferentes cursos da ESO acaba de ser recoñecido cunha axuda de 800 euros pola Consellería de Educación. Esta axuda económica, superior á concedida o ano pasado, será un importante incentivo para axudarnos a conseguir o obxectivo procurado para a comunidade educativa que o conforma, alumnado e profesorado: fomentar hábitos lectores entre os participantes e contribuír á creación dun clima favorábel á lectura no centro. Grazas a todas as persoas do centro que o converten nunha realidade.
Este martes 20 de decembro celébrase tanto no edificio de Primaria como no de Secundaria, o I mercado solidario "Un libro-1 quilo". Os nenos/as poderán "mercar" o libro que máis lle guste a cambio de alimentos que serán doados.
Por 3º curso consecutivo, o centro volve a participar na campaña promovida polo Fondo Galego de Garantía Agraria (FOGGA), "Plan de consumo de froita nas escolas", tras ser solicitada e concedida esta axuda.
Neste trimestre, nos recreos, dende o día 16 ata o 22 de novembro, distribuirase froita entre o alumnado que o desexe.