No adxunto inclúese a información retaliva ás probas de Acceso curso 2018/19

Unha nova Mostra de Carácter tivo lugar no día de hoxe no Auditorio do CMUS Xoán Montes.

Os cursos comprendidos entre 1º elemental e 2º de GP, mostraron o traballo realizado nas materias pertencentes ao Departamento de Carácter.

O espectáculo arrancou cunha Tarantella por parte do alumnado de 2º de Elemental para seguir coas materias de Danza Galega, Introdución á Danza Española e Danza de Carácter, en segundo de Grao Profesional.

Houbo lugar tamén para o Obradoiro de Danza Galega, materia voluntaria para o alumnado dos últimos cursos de grao profesional e que puxeron en táboas, "Herdanza".

Beatríz Gamborino, Lucía Pérez, Bárbara Piñeiro e Cristina Lata, como profesoras do Dpto. de Carácter encargáronse de coreografiar as distintas actuacións. Mentras tanto, nun auditorio ateigado de público, palpábase o entusiasmo e goce de compañeiros, familiares e amigos.

A Mostra de Repertorio de Danza Clásica do Conservatorio de Danza de Lugo chega ao Auditorio Municipal Carmen Estévez de Vilalba o xoves 4 de maio. Na representación poderán verse fragmentos dos máis salientables ballets clásicos, dende "Lago dos cisnes" a "Raymonda", pasando por "Bayadera" "A Bela durminte" ou "La fillè mal gardè", entre outras.
A función comezará ás 20.30 e a entrada é libre e de balde até completar o aforo.
 
Esta actividade está subvencionada pola Deputación Provincial de Lugo e o Concello de Vilalba
 
O Conservatorio Profesional de Danza de Lugo é o único centro público da Consellería de Educación da Xunta de Galicia onde se poden estudar as ensinanzas elementais e profesionais de Danza, nas especialidades de Danza Clásica e Danza Contemporánea.
 

O Ciclo de Música Contemporánea MIHL Sons-XXI celebra cinco anos enxalzando a creación musical europeaEsta semana vén de presentarse en Rolda de Prensa o V Ciclo de Música Contemporánea de Lugo onde participará o Grupo de Danza Contemporánea -xunto có grupo de Percusión do CMUS Xan Montes- e que se desenvolverá entre os meses de Abril e Maio.

A representación -programada para o venres 21 de Abril ás 20.30 no MIHL- leva por título "Six Japanese Garden" e está coregrafiada polas profesoras Silvia V. Eijo, Mª da Alba Felpete, Ana Belén Ferreiro, Reyes González, Julia Penado e Xiana Vilas, e contará coa presenza de Yano Yoro que fará unha intervención de pintura ao vivo.

A música do espectáculo serán obras de J.L.Adams, Antunes Pena, P. Beltrán, C. Hatzis e K. Saariaho.

Máis info sobre a programación do Ciclo, no adxunto.

Distribuir contido