Curso 2019-2020

Actividades 2019 2020

LETRAS GALEGAS 2020

Ante a imposibilidade de celebrar o 17 de maio o Día das Letras Galegas con actividades de divulgación da figura de Ricardo Carvalho Calero de maneira presencial no noso centro, desde o Equipo de Dinamización da Lingua Galega queremos contribuír ao coñecemento do homenaxeado e para iso elaboramos unha presentación que poderedes ver picando na imaxe ou na seguinte ligazón: https://prezi.com/pzjwotfyylpm/?utm_campaign=share&utm_medium=copy

Como xa saberedes, dada a situación excepcional que estamos a vivir, a Real Academia Galega elixiu o día 31 de outubro, xusto o día despois da conmemoración do 110 aniversario do nacemento do intelectual ferrolán, para festexar as Letras Galegas.

Aproveitamos para comunicarvos que as actividades previstas no centro para esta seman co gallo do Día das Letras Galegas se adían, xa que logo, para o mes de outubro. Entre elas, o espectáculo sobre Carvalho Calero “Anxo de Terra” de Serafín Marcos queda para o día 29 de outubro. Esperemos que daquela si se poida levar a cabo.

VII Campionato de Sumillería Suso Domínguez

Curso 2019-2020

Esta semana tivo lugar a VII edición do Campionato de Sumillería Suso Domínguez organizado polo CIFP Carlos Oroza de Pontevedra, e que co nome de "Sumillería en feminino" adicou un guiño ao papel da muller na sala, e na sumillería en particular. A nosa muller é Esther Vicente Alonso, alumna de segundo curso do ciclo medio de Servizos en restauración, que xunto a outras 15 estudantes procedentes de diferentes escolas de Galicia, Asturias, Castela e León, Malta e Finlandia, tivo a oportunidade de realizar as diferentes probas de coñecemento sobre os viños espumosos galegos e portuguese, de identificación de aromas e de cata comentada, e de levarse na mochila a experiencia de vivir este fabuloso campionato.

Estamos moi orgullosos da túa participación e esperamos que o paso por esta experiencia na sumillería sexa o inicio dunha longa andadura profesional!

Visita a establecementos de panadaría e pastalaría

Curso 2019-2020

O ciclo medio de Panadaría, repostaría e confeitaría realizou unha visita a diferentes establecementos en Santiago de Compostela. Entre eles, a visita a WonderPie, unha pastalaría vegana rexentada dende fai 3 anos por Sol Mariana Aimone García, antiga alumna do noso centro. Achegámonos tamén a coñecer Bulanxerí, unha das tres panadarías desta cidade que conta coa distinción da Miga de Ouro da ruta do Bo Pan. Acabamos a xornada coa visita aos establecementos da cociñeira Lucía Freitas, A Tafona, quen ven de recibir unha estrela Michelín, e Lume, que aposta por un novo concepto de negocio máis transgresor na línea da street food. Unha proveitosa xornada para coñecer in situ, os doces e os pans do mercado actual galego!!

Protocolo no Círculo de Empresarios de Vigo

Curso 2019-2020

No mes de febreiro, o alumnado de segundo curso dos ciclos de Guía, información e asistencia turística e de Axencias de viaxe e xestión de eventos, visitou as instalacións do Círculo de Empresarios de Vigo para coñecer o funcionamento do seu Departamento de eventos e protocolo. Esta asociación, que defende os intereses das mulleres e homes de empresa de Vigo, desenvolve na súa actividade cotiá numerosas actividades, charlas, coloquios, comidas de traballo... todas elas organízadas baixo un procedemento específico. Agradecemos ao Círculo de Empresarios o noso recibimento, especialmente a Ana Ripoll pola calidade das súas explicacións e a compañía durante a xornada tan interesante para a formación do noso alumnado de turismo.

Máis fotos na nosa galería

III Feira de Ensinanzas Artísticas e Profesionais Ponteareas

Curso 2019-2020

Coma nas anteriores edicións, este ano participamos na III Feira das Ensinanzas Profesionais e Artísticas que se celebrou, no Pavillón Álvaro Pino de Ponteareas, os días 4 e 5 deste mes de Febreiro.

Esta feira consolídase coma unha oportunidade para coñecer as inmensas alternativas de estud que a formación profesional e artística ofrece.

O alumnado participante nesta actividade foi o da FP básica de Tapizaría e Cortinaxe e FP básica de Cociña e Restauración, que desenvolveron diferentes talleres, obradoiros e demotracións dos traballos e aprendizaxes relacionadas coas súas ensinanzas.

Parabéns ao alumnado participante, e ao seu profesorado, polo traballo que entre todos desenvolvestes con moita profesionalidade!