EQUIPO DE DINAMIZACIÓN DA LINGUA GALEGA

O Equipo de Dinamización da Lingua Galega e o alumnado da FP Básica participaron nun proxecto transfronteirizo sobre a lingua, o patrimonio e o coñecemento tradicional.

No presente curso o alumnado da FP Básica de Cociña e restauración e da FP Básica de Tapizaría e cortinaxe do CIFP Manuel Antonio participou no Plan Proxecta: Lingua, patrimonio e coñecemento tradicional a través do Equipo de Dinamización da Lingua Galega e coa colaboración do profesorado do departamento de idiomas que imparte docencia nestes ciclos.

Presentación

            

RESOLUCIÓN DA CONVOCATORIA DE PREMIOS A PROXECTOS REDACTADOS E DEFENDIDOS EN GALEGO

O Equipo de Dinamización de Lingua Galega do CIFP Manuel Antonio resolveu conceder os premios a proxectos redactados e defendidos en galego no curso 2016/2017 ao seguinte alumnado:

  • Hostalaría e Turismo: Álvaro Agustín Peralta Techera polo proxecto "Xeira polos Cumios de Vigo e Terras do Miñor".
  • Química: Mireia Míguez Losada polo proxecto "Estudos de repetitibilidade e reproducibilidade".
  • Sanitaria: Andrea Costela Rodríguez polo proxecto "Avaliación de parámetros de tinción, fixación e adquisición de imaxes".
  • Téxtil, Confección e Pel: Carmen Campos Casqueiro polo proxecto "Pretérito Perfecto".

A entrega dos premios realizarase o próximo xoves 29 de xuño ás 13:00 h.
Agradécese a colaboración do profesorado do centro e a participación do alumnado.

CONVOCATORIA DE PREMIOS A PROXECTOS DE FIN DE CICLO REDACTADOS E DEFENDIDOS EN GALEGO DO CIFP MANUEL ANTONIO

O Equipo de Dinamización da Lingua Galega do CIFP Manuel Antonio pon en macha unha “CONVOCATORIA DE PREMIOS A PROXECTOS DE FIN DE CICLO REDACTADOS E DEFENDIDOS EN GALEGO”.
O obxectivo desta convocatoria é contribuír á normalización da lingua galega no ámbito académico, premiando os proxectos de fin de ciclo redactados e defendidos en galego.
Poderá acceder a estes premios o alumnado matriculado no CIFP Manuel Antonio durante o curso 2016/2017 que redacte e defenda en galego o seu proxecto de fin de ciclo. Non é necesario inscribirse previamente xa que todos os proxectos que cumpran as bases participarán automaticamente.
Premiaranse ata un máximo de cinco proxectos, un por cada familia profesional presente no centro. Cada premio consistirá nunha tarxeta regalo valorada en cincuenta euros.

Bases

 

 
Logo
 
Logo
Logo
Logo
 
Logo
Logo
Logo
Logo
Distribuir contido