CONVIDADOS AO DESFILE "DESPUNTE"

Un ano máis os alumnos e os profesores de téxtil do CIFP MANUEL ANTONIO, acuden como convidados ao desfile que celebra a Escola Superior de arte e deseño MESTRE MATEO.

 

Nesta ocasión acudiron os alumnos  de 2º de COMO e 2º de PAMO, acompañados por os profesores  María Varela, Juan Prieto e Iria García.

 

O escenario deste evento foi, como acostuman, o Museo Centro Gaiás, na Cidade da Cultura de Santiago de Compostela. Aquí se celebrou o pasado 28 de Novembro a onceava edición do desfile “DESPUNTE”, que así se coñece este evento, onde os alumnos de Ensinanzas Superiores de Deseño e Moda que se gradúan amosan os traballos finais de estudios.

 

Os alumnos do Manuel Antonio que foron de visita quedaron entusiasmados ó ver as diferentes coleccións, cos estampados, volumes, colores e texturas.

 

Os profesores do Manuel Antonio que acudiron a este evento apreciaron o talento e o traballo invertido polos alumnos que con estes deseños poñen punto final á súa etapa formativa.

 

Parabéns a todos e todas de parte do departamento téxtil. ¡Todos quixeramos estar alí!

 

 Os nosos compañeiros foron conducidos para ocupar os seus sitios e poder ver o desfile. ¡Foron dos primeiros en acomodarse!.

 

Moi ledos se amosan nesta fotografía. ¡O desfile está a piques de comenzar!.     

 

 As xemelgas Sivi e Sixing Yu gañan o desfile

 ¡Parabéns!

                                       

 

 

 

SUSTENTABILIDADE NAS COMPRAS E NOS PROCESOS TÉXTILES

                                   Economía verde

 Sustentabilidade

                                              reducir,reciclar, reutilizar         

 Recursos naturais              

                           Impactos Ambientais                      

 Economía circular 

 

 

 Todas estas palabras soan no día a día nos nosos talleres de téxtil pois os alumnos de MODA teñen conciencia ecolóxica.

 

E desto da proba LAURA PAZOS GARCÍA, alumna de 1º curso de Ciclo Cuperior de PATRONAXE E MODA que participou  o pasado mes de Outubro no curso SUSTENTABILIDADE NAS COMPRAS E NOS PROCESOS TÉXTILES. Curso cofinanciado  pola FUNDACIÓN BIODIVERSIDADE que forma parte do MINISTERIO PARA A TRANSICIÓN ECOLÓXICA.

 

Neste curso recibiron formación no noso centro os alumnos dos ciclos téxtiles sobre os impactos ambientáis e a sustentabilidade no sector da moda.

 

O obxectivo do curso foi capacitar ós alumnos para obter un posto no sector da moda sustentable.

 

Os contidos do curso baseáronse no estudio da realidade das organizacións téxtiles e os principais procesos á hora de poder integrar  criterios de sustentabilidade coma plantexar criterios de economía circular aplicados ó téxtil.

 

Queremos aproveitar esta ocasión para entrevistar e coñecer mellor a  unha das nosas alumnas que como comentamos antes, participou neste curso, Chamase Laura Pazos García e ten 18 anos. Aínda que está cursando estudios no Manuel Antonio, ela provén da costa norte de Galicia, do Porto do Son, na provincia da Coruña. Desprazouse ata aquí para cursar o Ciclo Superior de Patronaxe e Moda.

 

Laura posou para nós nesta foto e prestouse a esta entrevista que de seguro vos vai a interesar. ¡Quizá alguns vos identifiquedes con esta compañeira!.

 

 

BLOG TEXTIL:Ola Laura, ¿qué che levou a facer este ciclo téxtil?

 

LAURA:Eu quería entrar en deseño de moda e xa que a nota de selectividade non me alcanzou daquela decidinme a meterme neste ciclo para ter unha formación previa e non perder o tempo e intentar despois acceder á carreira.

 

BLOG TEXTIL: ¿Tiñas feito algo máis relacionado coa moda sostible?

 

LAURA:Non, aínda que sempre me gustou moito o tema ecolóxico relacionado co téxtil.

 

BLOG TEXTIL: ¿Cres que poderías aplicar esta filosofía na forma de traballar no teu futuro profesional?

 

LAURA:Si claro, porque agora contaminamos moitísimo e estámonos decatando de que nos está pasando factura todo isto e sobre todo tamén hai que cambiar a maneira en que a xente merca, como a xente consume  e tamén na nosa forma de producción evidentemente. Hai que darlle unha volta a todo esto.

 

BLOG TEXTIL: ¿Cales son os teus plans de futuro?

 

LAURA:Os meus plans de futuro son, como xa dixen antes, estudiar deseño de moda. No tocante ó futuro máis inmediato, cando acabe este ciclo quero facer un Erasmus e facer prácticas no estranxeiro para mellorar o meu inglés.

 

BLOG TEXTIL: ¿E de futuro profesional?

 

LAURA: Ser deseñadora de moda. Non me gustaría ter a miña propia marca, gustaríame traballar para algún deseñador ou para algunha marca en concreto.

 

BLOG TEXTIL: ¿Hai algo que houberas aprendido e que te sorprendera sobre a realidade das empresas do sector téxtil en canto a economía sustentable?

 

LAURA: Si claro, hai datos que impactan moitísimo. Algunhas empresas non teñen coidado con nada e deberíaselles esixir ao respecto, por exemplo, non verter químicos en certos sitios. Iso debería estar moito máis controlado polos organismos encargados de manter o medio, polo menos ter un control de: esto non se pode facer e si o fas, hai unha multa.

 

BLOG TEXTIL: ¿Cres que é factible que as empresas implanten a sustentabilidade nos seus procesos?

 

LAURA: A ver....sí que é máis caro ser sustentable pois require en moitos casos unha maior inversión tecnolóxica, precisas máquinas para aproveitar máis o tecido, etc. Pero pouco a pouco, non ten por qué ser inmediatamente, ir cambiando a maneira de facer as cousas, que sexa algo gradual. Podemos acadar moitas cousas con pequenos cambios.

 

BLOG TEXTIL: ¿Cres que é máis factible nas empresas grandes ou nas pequenas e artesanais?

 

LAURA:Unha empresa grande pode facer un maior investimento en tecnoloxía aplicada á optimización marcadas e o aproveitamento dos tecidos. Unha empresa artesanal o ten máis difícil por que non pode facer un gran investimento. Pero por outro lado, esta aproveita máis e mellor os poucos recursos dos que dispón e recicla máis as cousas e faino por ela mesma.

 

BLOG TEXTIL: No curso de sustentabilidade informáronche de empresas en Vigo que estean aplicando esta filosofía?

 

LAURA: si, faláronnos de un montón de empresas, como reciclaban e causoume unha gran impresión unha empresa a cal lle levas as prendas que ti xa non usas e a partir desa prenda confecciónanche outra totalmente distinta.

 

Tamén nos falaron das marcas que aplican criterios de sustentabilidade e das certificacións que acreditan que esas prendas que mercas están feitas baixo eses criterios, ou para acreditar se a prenda é 100% reciclada. Selos oficiais e logos cos cales podemos recoñecer esas prendas feitas baixo criterios ecolóxicos.

 

 

 ¡Qué dúbida cabe que Laura podería contarnos moito máis!, pois así nolo fixo ver na entrevista que lle fixemos. Pero por hoxe ímolo deixar aquí.

No departamento téxtil quedamos entusiasmados ó comprobar que as novas xeracións do Manuel Antonio van aportar cos seus xestos na realización do seu traballo a mellorar o medioambente.

 

¡Moitas gracias Laura!. Augurámosche un bo porvir.

SAMAÍN 2019

Samaín

 

2º de Confección e moda gañadores da decoración de portas Samaín 2019

 

O martes 29 de Outubro, véspera de Samaín,  pecháronse as portas do Manuel Antonio. Os alumnos de téxtil de 1º e 2º de confección e moda, deixaron preparadas as portas terroríficas invocando ós mortos, invocando as pantasmas e invocando as bruxas que adoitan saír polas frías noites do outono en Galicia. ¡Ou iso din as lendas!.

 

Marchamos para casa para gozar duns días de descanso. Non volveríamos ata o luns 4 de Novembro.

E a nosa volta, uns días despois o departamento téxtil recibiu a terroríficamente marabillosanova: os alumnos de 2º acadaban o primeiro posto na votación.

 

Tamén non honra comentarvos que o grupo de 1º de confección e moda quedou como segundo, o cal non está nada mal e máis se temos en conta o nivel que acadou a preparación das portas este ano, pois foron moi elaboradas.

 

Os alumnos de téxtil amosaron a grande creatividade da que fan mostra na súa labor diaria tal e como comentan os profesores e profesoras dos ciclos básico, medio e superior de téxtil do Manuel Antonio.

 

¡Os de téxtil somos creativos por natureza!!!!

 

 

 Observade que contentos posan os gañadores. ¡E iso que aínda non o sabían!.

 

Parabéns mozos e mozas!!!

 

 

 

 

 

Tamén posan moi ledos os alumnos de 1º curso diante da pantalla que anuncia o concurso. 

 

 

 

 

Amósase aquí unha imaxe da porta gañadora, parecía máis ben un túnel dos horrores. Daba arrepíos entrar no taller de confección.

 

Evento Erasmus en Francia

Se estades pensando en ir de Erasmus, recórdovos que hai unha localidade francesa marabillosa chamada Saint-Jean-de-Luz no límite con España no departamento coñecido como o País Vasco francés, daquela non vos sorprendades se cando vos atopedes alí escoitades falar no idioma vasco, a parte do francés.

Facemos esta introdución para comentarvos que o pasado 10 de Outubro acudiron como convidados a nosa profesora Olimpia Freire San luís, representando ó DEPARTAMENTO TEXTIL acompañada do noso director Rubén Otero Caneda.

Todos os anos realizan un evento no Lycée Ramiro Arrue ao que se achegan representantes de centros que colaboradoran en programas de intercambio con este instituto francés. Centros de paises como Croacia, Italia, Portugal, etc.

Aproveitamos para dicirvos que ao igual que o ano pasado este ano tamén contaremos con alumnos de Saint-Jean-de-Luz e moi probablemente, e esto é primicia, con alumnos de CROACIA.

¡Estamos desexando contar con todos eles!!!!

Adxuntamos fotos moi interesantes desta viaxe e da aprendizaxe dos alumnos que nos troixo Olimpia para compartir con todos vós.

Daquela xa podedes ir facendo plans para viaxar e estudiar no estranxeiro. Contade  co noso departamento téxtil e se precisades información.

 

Aconséllovos que lle votedes un ollo a estas fotos!!!!!

 

          Atópanse neste grupo os representantes dos institutos dos distintos paises. Se observades podedes recoñecer ós representante do noso, Rubén e Olimpia.

 

 

 ¡ORIXINAL!. Observade este deseño tan orixinal creado polos alumnos do instituto que lucía este modelo no desfile do Lycée Ramiro Arrue. Estes alumnos teñen futuro.

Comentar aquí que o desfile levouse a cabo con prendas que aportaron os alumnos dos distintos paises. Olimpia comenta que os alumnos mostraron grandes habilidades e destrezas tanto na parte de deseño coma na de patronaxe e confección das distintas prendas coas que desfilaron.

 

 

¡INTERESANTE!.Non perdades detalle. Observade estes modelos confeccionados en papel sobre o manequín. Esto é o que consideramos un deseño de autor. 

 

 

¡FERMOSÍSIMO!. ¿Non vos parece?

 ¡FERMOSÍSIMO!. ¿Non vos parece?

 

 

Alumna empregando a técnica de “moulage”sobre manequín.

 

 

Alumnos practicando “origami” para aplicar nos seus deseños.

 

 

Prendas confeccionadas por alumnos de institutos portugueses que forman parte do seu  folclore e foron cedidas para o evento.

 Como podedes observar están cargadas de detalles fermosos e resta dicir que a elaboración destes deseños supón un grande esforzo non só no tocante a confección, se non que tamén conleva unha labor de investigación na historia do traxe portugués.

 

" MODA SOSTIBLE". Traballos de alumnos de CICLO MEDIO DE ADULTOS:

Como xa sabedes, cada vez acadamos maior conciencia sobre o impacto ambiental da industria téxtil, é por iso que a moda sostible é una tendencia en pleno auge e que abarca todos os procesos produtivos, dende a materia prima no téxtil como a fabricación das prendas.

Isto téñeno moi presente dúas alumnas do CICLO MEDIO de adultos do noso instituto. Concienciadas a cerca deste problema apostan polo cambio e propóñennos métodos e xestos responsables na producción téxtil. Chámanse Marta Riveiro Hojas e Merchy González Rodas.

É admirable a implicación destas alumnas. Non deixedes de votarlle un ollo a estes traballos.

Merchy e Marta, sodes inspiradoras e por iso no departamento textil estamos seguros de que moitos lectores e lectoras deste blogue textil seguirán os vosos consellos.

 

Bo traballo mozas!!!

AdxuntoTamaño
Como mejorar el planeta desde el taller textil. Marta Riveiro Hojas..pdf1.74 MB
TrabajoMedioAmbiente.pdf1.41 MB

PROYECTO INNOVACION AJEDREZ EDUCATIVO no CIFP Manuel Antonio

 Os alumnos que están a estudar a 2º curso da FP Básica de Cociña e Restauración e de Tapizaría e Cortinaxe no CIFP Manuel Antonio participaron ao longo do curso nun PROYECTO INNOVACION AJEDREZ EDUCATIVO.

 Aprenderon a xogar ao xadrez, paticárono e incluírono en moitas actividades do día a día da aula, sobre todo na materia de Ciencias.

 Como remate da actividade desenvolveron un taller de cociña/repostería e outro de deseño/tapizaría. Os alumnos de cociña e restauración prepararon unhas tartas de chocolate decoradas cun taboleiro de xadrez e unhas fichas diminutas, que podemos asegurar, ESTABAN DELICIOSAS!. Os alumnos de tapizaría confeccionaron unha alfombra axedrezada e unhas camisetas estampadas coas figuras do xadrez.

 Como premio por participar na actividade, polo traballo desenvolvido ao longo do curso e por facelo tan ben, recibiron un diploma.

 Deixamos unhas fotos onde podedes ver a festa que se montou na entrega de diplomas.

 

O xadrez é unha ferramenta moi poderosa para axudar na aprendizaxe, axuda á concentración e a pensar, estimula a memoria, o pensamento abstracto e a súa práctica é moi beneficiosa para as mozas e mozos en proceso de aprendizaxe.

Dende aquí damos as grazas a Roberto Páramos, coordinador do PROYECTO INNOVACION AJEDREZ EDUCATIVO. Así mesmo, deixamos un enlace á páxina do Centro Galego de Xadrez, centro colaborador que fixo posible todo isto, co seu programa “Ajedrez en las Escuelas”

http://www.xadrezgalego.net

 

Alumnos do Ciclo superior de Patronaxe e moda traballando nas clases.

Os alumnos que cursan o Ciclo Superior de Patronaxe e moda deben aprender a elaborar patróns interpretando diferentes deseños. Adquiren amplos coñecementos de patronaxe, escalado, e confección que lles permitirá, ao rematar os seus estudos,  traballar nun departamento técnico de calquera empresa téxtil (departamento de patronaxe, oficina técnica, xestión de produción, control de  calidade, etc.)  Así mesmo aprenden a utilizar as ferramentas informáticas necesarias para o deseño técnico de patronaxe e control dunha sala de corte.

Nas fotos pódense ver a diferentes alumnos de CS no proceso de patronaxe, corte e confección dun pantalón e dunha saia.

 

Colaboración do ciclo medio de Confección e Moda no Día das Letras Galegas

O alumnado de ciclo medio de Confección e Moda colaboraron na exposición que se puxo no vestíbulo de CIFP Manuel Antonio co motivo da celebración día 17 de maio, Día das Letras Galegas 2019.
Este ano o Día das Letras Galegas dedícase ao escritor e intelectual galego, Antón Fraguas.  

Fraguas consagrou a súa vida ao estudo da cultura galega, foi un incansable investigador da historia, do folclore e da etnografía de Galicia. Por iso esta homenaxe coa mostra de traxes e diferentes útiles e apeiros que se utilizaban na vida cotiá da nosa terra.

Na exposición pódense ver: un fuso que se utilizaba para fiar o liño e a la, una vasoira de xestas, una sella para carrexar a auga da fonte, mazarocas de millo, unha peneira, unhas madroñas, unha saba de liño, diferentes pezas do traxe tradicional tanto feminino como masculino e moitas outras curiosidades antigas.

Dende aquí damos as grazas a todos aqueles profesores e alumnos que co seu traballo fixeron posible esta  bonita mostra.

Amais de todo isto, no CIFP  Manuel Antonio programáronse diversas actividades e conferencias ás que asistiron os alumnos dos diferentes ciclos, nas que puideron ademais de divertirse, aprender moitas cousas sobre este insigne intelectual que tanto fixo para preservar nosa cultura.

 

Xornada de orientación para o alumnado do primeiro curso

Recentemente celebrouse no CIFP Manuel Antonio unha xornada de orientación co fin de axudar aos alumnos a atopar o seu primeiro traballo.

Ás charlas asistiron moito do alumnado que están a cursar algún ciclo no Centro.

A xornada resultou moi interesante e proveitosa pois deu a coñecer aos alumnos diferentes ferramentas que poden utilizar para buscar emprego ao rematar os seus estudos.

Deixamos unhas fotos para que poidades ver o concorrido e animado que estaba o salón de actos do Centro. Entre ese público  por suposto  estaban moitos dos alumnos do téxtil.

Colaboración dos alumnos de CM modular de Confección e Moda con Hostalaría e Turismo do CIFP Manuel Antonio

Quedou moi bonita a roupa deseñada e confeccionada polo alumnado de CM modular de confección e moda. Fixérona para vestir ao alumnado de Hostalaría e Turismo no congreso FP Inova 2019 que presentaba un proxecto de innovación.

Bonita colaboración, si señor!

https://www.faroeduca.es/faro-educacion