Skip to Content

Concurso Idea&Emprende 2015

 

Se tes unha idea de negocio innovadora... Se cres que se poden facer as cousas doutro xeito... Se es unha persoa emprendedora con ganas de contarnos o teu proxecto empresarial animámoste a que participes nesta II Edición do Concurso Idea&Emprende 2015.

As mellores ideas empresariais serán galardoadas con 800€ (1º premio) e 400 € (2º premio).

Consulta aquí as Bases do concurso e os requisitos de participación, así coma o Modelo de Resumo Executivo do proxecto. Tes de prazo ata o 30 de Maio.

Anímate e participa !!

 

Convocatoria reunión grupal do procedemento de acreditación de competencias

Procedemento de acreditación de competencias. Fase de asesoramento: Data e lugar da primeira reunión (grupal) do CIFP Carlos Oroza

Publicadas as listaxes de de persoas admitidas e excluídas, con data 10 de abril de 2015, iníciase a fase de asesoramento para as persoas admitidas, segundo o establecido na Orde do 16 de decembro de 2014 (DOG do 2 de xaneiro de 2015) pola que se convocou o proceso de acreditación de competencias.

En aplicación do artigo 13.3 "A convocatoria para a primeira reunión grupal realizarase mediante a súa publicación na páxina web da sede onde se desenvolva o procedemento e na páxina www.edu.xunta.es/fp da Consellería de Cultura, Educación e Ordenación Universitaria e terá efectos de notificación ás persoas interesadas. Asemade a data da reunión reflectirase no expediente do candidato na aplicación informática de xestión do procedemento" da citada Orde, procédese a publicación das datas da primeira reunión grupal.

A data e hora da primeira reunión grupal dos candidatos do CIFP Carlos Oroza é a seguinte:

  • Día 6 de maio, mércores, ás 16 horas na aula taller cafetaría "Suso Domínguez"

Lembre que nesta primeira reunión deberá presentar o xustificante do pago da fase de asesoramento (para máis información consulte a páxina Taxas para ver as posibles excepcións).

Para calquera información adicional ou consulta de dúbidas, contacte co xefe do departamento de Acreditación e Probas, Daniel Pulzoni no teléfono do centro: 986 847 002 ou no correo electrónico: acreditacion.competencias@cifpcarlosoroza.es

 

Acreditación de competencias. Listaxes definitivas de admitidos e excluídos

Publicación das listaxes definitivas de persoas admitidas e excluídas e de persoas excluídas por non ter achegado documentación suficiente para participar no procedemento de acreditación de competencias profesionais da convocatoria 2015.

Nas listaxes definitivas figurarán as persoas solicitantes agrupadas sede, ciclo formativo, unidade de competencia e estado.

Listaxe definitiva de admitidos e excluídos

Listaxe definitiva de persoas excluídas por non ter emendado a documentación

 

Prégase que as persoas admitidas para participar no procedemento estean pendentes da data na que se convocará a reunión grupal de asesoramento, de asistencia obrigatoria para permanecer no procedemento de acreditación de competencias.

Para calquera dúbida ou consulta, contacten co xefe do departamento de Acreditación e Probas, Daniel Pulzoni, no teléfono do centro: 986 847 002 ou no correo acreditacion.competencias@cifpcarlosoroza.es

 

Distribuir contido


by Dr. Radut