Premio ao Mellor Proxecto Empresarial Cooperativo
O pasado día 4 de xuño de 2013 un traballo realizado por tres alumnos do Ciclo Superior de Eficiencia Enerxética do noso IES guiados polos profesores Alberto Pereira e Víctor Paz e coa colaboración de varios departamentos de ESO e Bacharelato recibiu (por terceira vez desde 2006) o premio ao Mellor Proxecto Empresarial Cooperativo no concurso Cooperativismo no Ensino 2013, convocado polo Consello Galego de Cooperativas.
Prema na imaxe para ampliala
Os tres alumnos, Jaime Puebla, Alejandro Díaz e Javier Muiño que teñen previsto poñer en marcha no vindeiro mes de xullo Certefigal S. Cop. Gal, adicada á certificación enerxética, recoñecen que os 5.000 euros cos que está dotado o premio lles virán moi ben para botar a andar ese proxecto empresarial. Recordemos a este respecto que dende o 1 de xuño esta certificación é obrigatoria para vender ou alugar vivendas.