DIA DA DIVERSIDADE FUNCIONAL
Conscientes da nosa responsabilidade á hora de xerar actitudes e valores positivos, traballamos de forma decidida e planificada pola redución e eliminación de calquera xeito de discriminación por motivos de diversidade funcional, para evitar mensaxes cunha concepción tópica e limitadora en relación ao mundo da diversidade.
Con esta finalidade, o pasado día 12 de decembro e por terceiro ano consecutivo, o noso instituto levou a cabo a conmemoración do Día Internacional (e Europeo) da Diversidade Funcional, que consistiu en:
- Deseño e elaboración dunha unidade didáctica de sensibilización.
- Traballo de reflexión dirixida e debate nas respectivas titorías.
- Mesa redonda moderada polo noso director e na que participaron, ademais do adestrador deportivo e médico traumatólogo Mariano Castiñeira, tres destacados deportistas (todos eles medallistas), como son: María Hilda Rodríguez Rodríguez, Mauro Rodríguez Baliño e Jesús González Margaride.