blogue deMerchi

Día das Letras Galegas 2021: Xela Arias

Deixamos esta recompilación con información relativa a  Xela Arias, autora á que se lle dedica este ano o Día das Letra Galegas.

Día do Libro 2021: Como cambiou o conto!

Reescribindo os clásicos. 

Este ano para conmemorar o Día do Libro, revisamos os contos clásicos e reescribímolos intentando romper cos estereotipos.

Cada clase ocupouse de reescribir un. Aquí os tedes todos recompilados, animádadevos a lelos e comprobaredes que efectivamente si que cambia o conto.

Taller de ecopercusión

Xa que este ano non podemos ter a clase de música na nosa aula, e as clases de música son dun xeito moi distinto a anos anteriores; os días 16 e 17 de marzo, o alumnado de 5º e 6º participou nun taller de ecopercusión (percusión con materiais de reciclaxe), ao aire libre e con todas as medidas de seguridade a cargo do profesor de percusión Didier Díaz. 

Parece ser que fixeron un pouco de ruído, pero despois dos primeiros compases de ensaio soaban estupendamente e foron a envexa de todo o colexio.

Aquí vos queda unha pequena mostra de como se desenvolveu a actividade.

O banco da Igualdade

Xa temos no colexio o banco que  O Concello nos decorou co lema creado por Antía Cordal García, con motivo do Día Internacional da Muller.

Día Internacional da Muller 2021: Un pouco de historia

Como xa sabedes o 8 de marzo conmemórase o Día Internacional da Muller, para que coñezades un pouco máis sobre a data, deixámosvos dous vídeos explicativos.

O primeiro é unha breve historia de porque o 8 de marzo se conmemora o Día Internacional da Muller; unha data na que se celebran os logros acadados na loita pola igualdade. Tamén é un día reivindicativo polas discriminacións que aínda perduran na sociedade.

O segundo, fálanos dalgunhas mulleres que fixeron historia para que hoxe o movemento feminista cobre máis forza.

 

  

No "Blog da Biblioteca e Dinamización Lingüística" hai dúas entradas con enlaces de interese, por se queredes saber un pouco máis sobre a data. 

  1. Día Internacional da Muller. Un pouco de historia sobre a data
  2. Reflexionamos co poema "Un gato con moito morro" da autora Azucena Arias

Día de Rosalía 2021. Nubes de palabras coas palabras de Rosalía

Para conmemorar este ano o Día de Rosalía o alumnado creou estas nubes de palabras; como veredes uns preferiron crealas de xeito manual dándolle un enfoque máis persoal,  e outros probaron sorte co dixital utilizando diversos xeradores de nubes de palabras. Nos dous formatos quedaron xenial, aquí tendes unha mostra do resultado.

Así é o noso colexio

Xa que se abre o prazo de matrícula para o vindeiro curso 2021-2022, e debido á situción de pandemia en que continuamos, non podemos facer xornadas de portas abertas como sería o noso desexo; deixámosvos unha mostra de como é o noso colexio e o noso traballo.

Esperamos que vos guste e que sexamos a vosa primeira opción.

Aberto o prazo de admisión do alumnado para o curso 2021/2022

Do 1 ao 22 de marzo estará aberto o prazo para solicitar praza para novo alumnado no noso centro de para o próximo curso 2021/2022.

As solicitudes (formulario ED550B) poderán presentarse en papel na secretaría do colexio en horario de 9:00 a 9:50 ou de 13:10 a 14:00. Este formulario  pódese recoller no centro ou descargar no arquivo adxunto.

De forma telemática:

  1. Aplicación Admisióndealumnado: https://www.edu.xunta.es/admisionalumnado/
  2. A través da sede electrónica: https://sede.xunta.gal/portada (ED550B)

Xunto co formulario debidamente cumprimentado deben presentar:

  1. Documento acreditativo do requisito de idade do/da alumno/a (Libro Familia, DNI, …)
  2. Copia do DNI  dos proxenitores e/ou titores legais.
  3. Se se trata dun cambio de centro certificado de matrícula.
  4. En caso de separación ou divorcio, copia da sentenza ou convenio regulador.
    No caso de separación ou divorcio a solicitude terá que estar asinada por ambas/os proxenitoras/es, agás que a patria potestade estea atribuída, con carácter exclusivo, a un deles. En ambos casos, será necesario presentar, xunto coa solicitude de admisión, a resolución xudicial correspondente.

Deixamos os arquivos adxuntos con toda a documentación relacionada con este proceso, e o formulario de admisión.

Entroido 2021: Subide as vosas fotos

Subide ao mural as vosas fotos de Entroido indicando o voso nome, curso e o nome do voso disfraz, sobremesa, comida...

Calquera foto relacionada co Entroido no Morrazo será ben recibida; e sobre todo, as vosas fotos , dos vosos disfraces ou, por que non, das larpeiradas/sobremesas/comidas típicas que fagades nas vosas casas.

(Se non recordades como facelo mirade máis abaixo, tendes a explicación na entrada "Entroido 2021").

Hecho con Padlet

"Viraventos pola Paz". Día da Paz 2021

Este ano conmemoramos o Día da Paz e a non Violencia traballando a letra desta cantiga con música de Suso Vaamonde e letra de Xosé Neira Vilas. O noso alumnado encheu os viraventos de mensaxes de Paz que agardamos lleguen levados polo vento a todo o mundo.

Concurso de "Tarxetas de Nadal 2020"

Parece que empezamos onte un novo curso, e a pesar das dificultades con que nos imos atopando desde que comezou o trimestre, xa temos aquí o Nadal; e co Nadal chega o noso tradicional concurso de tarxetas de Nadal, este ano co tema "Chegamos a bo porto coa COVID", en referencia ao noso proxecto bianual, pero tamén ao desexo de que cheguemos ao final desta situación que nos obriga a cambiar o noso xeito de facer as cousas. 

Ese é desexo que nos queren transmitar estas tarxetas gañadoras e finalistas do concurso deste ano. Coma sempre puxéstesllo moi difícil ao xurado.

Noraboa nenos e nenas!

Listaxe definitivo do alumnado beneficiario de máscaras

Publicada a listaxe definitiva do alumnado beneficiario das máscaras. A listaxe está exposta á entrada do centro. 

Todo o alumnado que tivo a axuda de material é beneficiario das máscaras. En breve enviaremos indicacións para a recollida.

Listaxe provisional do alumnado beneficiario de máscaras

Publicada a listaxe provisional do alumnado beneficiario das máscaras. A listaxe está exposta á entrada do centro. 

Todo o alumnado que tivo á axuda de material é beneficiario das máscaras

Concurso ANPA: "Adornos de Nadal con materiais de reciclaxe"

A ANPA Aidón convoca un concurso de adornos de Nadal elaborados con materiais de reciclaxe. No arquivo adxunto pódense consultar as bases e toda a información necesaria para a participación.

25 de novembro: Día Internacional da eliminación da Violencia contra a Muller

Este ano para conmemorar esta data traballamos os días previos o conto de "Arturo e Clementina", unha parella de tartarugas que comezan a súa relación moi ilusionados, pero que co paso do tempo as cousas non son para Clementina coma ela esperaba.

Despois de traballado o conto, os nenos e nenas do CEP Sequelo quixeron axudar a Clemetina a realizar os seus soños, por iso enchemos o colexio de Clementinas moradas que o único que cargaban na súa coiraza foron os bos desexos do noso alumnado.

Se queredes volver ler o conto recordade que está no blog da biblioteca (http://bibliotecasequelo.blogspot.com/)

 

 

 

 

Magosto 2020: "Receitas con castañas"

Deixamos a recompilación de "Receitas con castañas" elaborada coa participación do alumnado de todos os cursos. Agora só queda probar a facelas. A ver quen se atreve e nos conta como lle saíron.

Veña! A que estades esperando?

Carta de Birlo no Día Universal do Neno

Así de atentos estiveron os nenos e nenas, mentras os seus mestres lían a carta de agradecemento que Birlo lles escribiu con motivo do "Día Universal do Neno".

 

Carta de Birlo aos nenos e nenas no Día Universal do Neno

O 20 de novembro é un día moi importante: celébrase o Día Universal do Neno e conmemóranse os aniversarios da adopción da Declaración Universal dos Dereitos do Neno (1959) e a aprobación da Convención dos Dereitos do Neno (1989). 

Coincidindo con esta data Birlo, a nosa mascota, aproveitou para agradecervos o ben que vos estades portando neste ano tan difícil;  e animarvos a que sigades así.

Resumo do Samaín 2020

Como remate desta mostra de actividades, deixámosvos este pequeno resumo do que foi este ano o Samaín no colexio.

Debuxos finalistas no concurso "Debuxos terroríficos", Samaín 2020

Estes son os debuxos finalistas e gañador do concurso de "Debuxos terroríficos polo Samaín" convocado polo CEP Sequelo en colaboración coa ANPA.

Que medo pasou o xurado elexíndoos!!! Moitas grazas a todos por participar. 

"Debuxos terroríficos&... by megoleal1

Distribuir contido

Novidades

ARCO 2020-2021

Proxecto "Chegamos a bo porto"

Blog Aprendo Programando 2016/2017

Proxecto "Viaxe ao reino das emocións"

Pais/Nais

Eventos

« Maio 2021 »
LunMarMérXovVenSábDom
12
3456789
10111213141516
17181920212223
24252627282930
31

Iniciar sesión

Faite socio!

Pincha enriba do Xabarín para aceder á súa páxina

 

Pincha na mascota da Biblioteca e acede ao Blog externo

Radio Sequelo

O Sequelo na prensa

Liga Fútbol Sala

1) Clasificación. *

2) Xornadas. *

3) Equipos. *

4) Noticias. *

* Fai clic enriba de cada categoría e abrirache unha nova fiestra.