ANPA BANDASECA

C:\Users\Anpa\Downloads\anpa bandaseca 40 anos.jpghttps://lh5.googleusercontent.com/u2g9EmjiewMQS2ZKDBx50E1xIOWuKwkWXZ1rrapXe1mn9ZB6qXkIEmmbTB6X34bO3WxgS2IQHdVwSDgW7DESPN1cBrIwckgi4jRKlOAqthB9bpHKLslHa5iRx1y0UpqXl7JTeB6y2nk_d6xdEQ

ANPA BANDASECA 

O noso principal obxectivo como ANPA é representar as nais e pais como parte da comunidade educativa, asumindo un papel activo na educación dos nenos, colaborando co centro. 

Queremos educar aos nosos fillos coma persoas implicadas nunha sociedade onde poidan e deban expresarse e participar no seu propio futuro, dende o respecto e fomentando a igualdade de oportunidades, polo que intentamos organizar actividades favorables para o desenvolvemento e crecemento persoal do neno.

Axudamos ás familias na conciliación familiar e laboral en todo o que podemos.

Velamos e reivindicamos a mellora das instalacións do centro e en todo o relativo a calidade do ensino e benestar do centro.

Compartimos información, proxectos, actividades, etc. con tódalas ANPAS e Direccións dos centros educativos da contorna.

PLAN CULTURAL: LISA E LEO

Un ano máis contamos ca axuda da Deputación da Coruña para levar a cabo parte das nosas actividades culturais.

O ano pasado montamos un parque musical que poden empregar todos os nenos no patio e intentaremos facelo medrar durante este curso.

Este ano aproveitando o 500 aniversario da morte de Leonardo da Vinci intentamos que as nosas actividades extraescolares sexan un reflexo de tódolos campos que tocou Leonardo. Por iso o mural deste 2019 vai adicado a Leo(nardo) e ten como protagonista a Lisa, pero Lisa tamén representa a todas as nosas nenas nas que queremos fomentar o perfil STEM, xa que LISA tamén foi un dos primeiros modelos de Apple, por iso tamén adicados moitos dos nosos esforzos a fomentar a robótica educativa, participando na Liga de LEGO, con dous equipos neste 2019 e repetiremos no 2020.

O noso plan para este ano vai intentar dar un salto de calidade nas nosas actividades culturais, dando continuidade as que están funcionando ben, e engandido novas actividades nas áreas nas que se detectaron eivas ou ben áreas  que non tiñamos traballado con anterioridade. 

Un dos mellores exemplos e o funcionamento do grupo de teatro, que este ano tivo un salto de calidade extraordinario e agardalle un futuro prometedor.

ACTIVIDADES DEPORTIVAS

Conscientes da importancia que ten o deporte nas nosas vidas intentaremos poñer á disposición dos nenos e nenas deportes variados que cumplan dúas funcións, achegamento o deporte e conciliación familiar.

OUTRAS ACTIVIDADES

Intentaremos sumar todo tipo de actividades que nos sexan demandadas polas familias, polo que non deixedes de enviarnos as vosas propostas.

SUMANDO ESFORZOS

Unha das características das ANPAS é a rápida alternancia de directivas, non existe unha continuidade máis alá duns poucos anos. Pero isto fai que moitas das directivas partan moitas veces de cero no coñecemento do como funciona este tipo de asociacións a nivel organizativo e legal, e o despegue de cada proxecto adoita ser lento. Pola contra contan ca oportunidade de que novosmembros aporten novos contidos e proxectos. AsÍ que vos animamos a participar con nós na Xunta Directiva.

Tamén agracecer a colaboración das familias que sempre acuden a axudar cando se lles pide, lembrade que a ANPA por definición somos  TODAS as FAMILIAS do cole.

DATOS ANPA

CUOTA ANUAL: 15€ FAMILIA (imprescindible cubrir ficha de alta)

Se a familia tamén é socia doutra ANPA da Pobra serían 10€.

SEGURO ACCIDENTES, 5€ neno.  Obrigatorio para os nenos que acudan a algunha actividade extraescolar, inclúe horario escolar e os desprazamentos

Cuota e seguros  pódense pagar durante todo o primeiro trimestre

Conta bancaria LA CAIXA: ES47 0133 4751 6242 0000 5735

COMEDOR. Exclusivo para socios da ANPA.

Horario: 13.50 a 15.50. O servicio de catering está preparado para atender a demanda de usuarios con alerxias e intolerancias.

 

¡LEMBRADE! Unha vez que remate o tempo de comedor os nenos poden acudir á biblioteca cos profes de garda ata as 17.45.