CEP Plurilingüe Pedro Caselles Beltrán
O portal do Colexio Pedro Caselles Beltrán, antes Colexio do Mosteiro

FESTIVAL FIN DE CURSO 2023

Este mércores despedimos o curso 2022/2023 co noso gran Festival de Fin de Curso.

Música, baile, teatro e moitas, moitas risas. Alegría nas caras do nenos dándolle a benvida ao verán, a un descanso merecido.

Tamén houbo bágoas, unha nova promoción que se nos vai, pero que non esqueceremos, serán por sempre dos nósos. Moita sorte na vosa nova andaina!!!

Para ver as fotos preme na imaxe. A medida que os vaiamos montando iremos colgando os vídeos.

Festival final de curso

 

Solicitude Axudas Libros de texto e material 2023/2024

Pinchar na imaxe

O Alumnado que pasa para o IES ten que solicitalo no novo centro.

EXCURSIÓN FIN DE CURSO AS ILLAS CÍES

Como remate da nosa Semana Cultural o colexio enteiro fixo unha saída moi especial. Todos xuntos fomos de visita as Illas Cíes, un auténtico paraíso natural.

Primeiro en autobús ata Baiona e alí collemos un barco que nos levou as Illas. Unha vez alí un grupo de monitores levounos de visita guiada, aprendemos un montón de cousas e fixemos unha boa andaina. Despois xantamos e xa pasamos o resto do día xogando, xogando na area, na auga e polos camiños. O tempo tamén nos axudou, un día perfecto!

Para ver as fotos da xornada, preme na imaxe.

6º RECIBE A RAMÓN CARIDE

Hoxe o alumnado de 6º recibiu unha visita moi especial. O escritor Ramón Caride, prolífico autor, estivo con eles no noso marabilloso patio. Xuntos estiveron falando do seu libro "As músicas viaxeiras", un libro que nenas e nenos de 6º estivemos lendo e traballando de forma conxunta.

Excursión Cíes 2023

 Estimadas familias:

Como xa vos comunicaramos nun abalar, imos facer unha saída conxunta todo o colexio ás Illas Cíes o venres 19 de maio. Viaxaremos en bus e logo en barco dende Baiona para chegar as Illas Cíes.

Saída: Do Colexio ás 8:30 h. Temos que coller o barco ás 10:00 h en Baiona, para estar media hora antes para embarcar.

Chegada: Sobre as 18:00 h  a Baiona e sobre ás 18:30 h ao colexio.

Deberan Levar:

- Camiseta e gorra do Turonia de anos anteriores, todo co seu nome. (os de primeiro camiseta branca e gorra)

- Bañador e toalla, faremos xogos de auga, e logo volven a poñer a mesma roupa.

- Crema protectora infantil (Recomendamos que lle botedes protección alta de nenos/as antes de saír da casa, así como gorra e levar crema protectora para ir botando ao longo do día).

- Chandal e tenis cómodos (durante a excursión realizaremos algunha ruta camiñando e xogos na praia).

- Merenda e auga para media mañá e media tarde, recordade que todo o lixo o temos que traer de volta para casa.

- Mochila grande para que cada neno/a leve a súa comida con el/ela.

A comida a levamos do comedor para todo o centro, co seguinte menú:

          - Ensalada de pasta con atún.

          - Finger de polo con patacas chips.

          - 1 mazá.

          - 1 botella de auga.

O custo da excursión son 30 €, que inclúe o transporte en autobús, en barco, servizo de guía e de animación. O prazo máximo  para  traer autorización e aboar o importe da excursión é o venres 12 de maio.

Non se poderá levar cámaras fotográficas, nin teléfonos móbiles, nin calquera outro dispositivo electrónico: Os mestres quitarán fotos que estarán dispoñibles na páxina web do colexio.

Ese día non hai actividades extraescolares pola tarde. En caso de choiva, suspenderase a actividade e teremos clase normal.

Un saúdo.

 

 

Avaliación TIMSS

 O noso centro foi seleccionado aleatoriamente para participar nun estudo internacional de tendencias en matemáticas e ciencias (TIMSS), xunto con outros máis de 60 países de todo o mundo.

En Galicia seremos 50 centros, os que participaremos neste estudo.

Consistirá nunhas probas sobre coñecementos nestas áreas, nas que participará o alumnado de 4º dun dos dous cursos, escollido tamén aleatoriamente.

Esta proba non terá ningún carácter avaliativo para os participantes, xa que se trata de observación de tendencias a nivel global.

Respectaranse todos os protocolos de protección de datos, xa que non se facilitará en nigún caso, o nome do alumno/a que participe na proba (as probas serán anonimizadas).

Os resultados serán xerais, e non relativos a cada participante.

Semana de Educación Vial

Nos días 27 a 30 de marzo celebramos unha nova edición da SEMANA DE EDUCACIÓN VIAL no Caselles.

Unha vez máis tivemos unha ocasión fantástica para que os alumnos e as alumnas do cole collan conciencia da importancia do conxunto de medidas para acadar a mellor seguridade na convivencia na rúa, xa como peóns, como usuarios de bicis, patinetes ou no futuro, os coches. Esta é unha tarefa continuada, para acadar unhas xeracións máis responsables e cívicas no uso das vías públicas. Aquí unha mostra do que aprenderon e disfrutaron nestes días:

 

Visítanos Mónica Rodríguez

O alumnado de 6° recibimos hoxe a visita de Mónica Rodríguez, a escritora do libro que estivemos lendo este trimestre: Alma y la isla.

Con ela compartimos fermosas historias e gusto pola lectura.

Gústame o Meu Río: primeira saída ao Rio da Pedra

O 14 de marzo '23 o equipo de 6º realizou a primeira saída ao río, logo da charla que recibiran no colexio.

Durante toda a mañán traballaron en catro mesas técnicas: análise físico-química, análise dos macroinvertebrados presentes, exame da fauna e flora da ribeira do río, e experiencia de tratamento de augas residuais. Unha abordaxe completa para coñecer o río! E demostramos que ten unha saúde de ferro.

Distribuir contido