Skip to Content

A nosa biblioteca é así

 FAI CLIC NESTE TRÍPTICO E OBTERÁS INFORMACIÓN DE INTERESE SOBRE A BIBLIOTECA

 

UN PASEO POLO RECUNCHO DE PEITI E EIROS

A nosa biblioteca chámase Biblioteca "Anisia Miranda", a nosa "madriña", en honor á esta escritora, que era a muller de Xosé Neira Vilas, o noso "padriño".

Nun amplo e agradable espazo podemos gozar de diferentes xéneros literarios para todas as idades.

Como en calquera biblioteca atopamos unha caixa de suxestións, co fin de coñecer as diferentes propostas de todos e todas, que sen dúbida farana cada vez máis acolledora e próspera.


Os diferentes paneis e expositores amosan as novidades destacadas así como as distintas temáticas abordadas ao longo do curso escolar. 

Un apracible recuncho dedicado aos máis pequenos/as propicia unha marabillosa e pracenteira lectura.

As novas tecnoloxías facilitan o acceso aos libros ademais de ser unha ferramenta de consulta imprescindible.

A presenza de diversos personaxes de contos anima a ler a nenos e nenas desexando coñecer as súas historias.

As obras máis destacadas da literatura española e universal, así como outros moitos traballos feitos polo propio alumnado, aparecen reflectidos nos diferentes espazos. É un orgullo contar con estas producións na nosa biblioteca.

 

As normas e consellos repartidos por toda a sala a modo de carteis, moitos deles elaborados polo propio alumnado, axudan no coidado dos libros e no saber estar nun lugar de lecer e gusto por aprender lendo.

 

As múltiples coleccións e temáticas amósanse agrupadas para facilitar o seu uso e ambiéntanse cun decorado acorde aos contidos expostos.

 

Non hai recuncho na nosa biblioteca que non motive a calquera que a visite a gozar coa lectura.

Infinidade de libros amoréanse nos andeis agardando ser lidos e hai para todos os gustos. Esperamos a visita dos nosos lectores e lectoras que sabemos sodes moitos e moitas. Xamais perdades o bo costume de ler!!!.

 



page | by Dr. Radut