Hoxe recibimos no colexio por iniciativa da ANPA a Minerva, que será a encargada de impartir a actividade extraescolar de robótica no colexio. Aínda que os grupos de extraescolares son moito máis reducidos, hoxe colleu clases enteiras para facer demostracións nas clases de sexto e cuarto con diferentes tipos de dispositivos.

As demostracións continuarán o venres cos grupos de 5º, 3º e 2º.

Esta semana tivemos a oportunidade de contar no colexio con tres maletas que viaxan polos centros educativos falando de temas como a igualdade ou axudando a entender o proxecto de Biblioteca Creativa no que o centro participa desde hai varios anos. Toca devolvelas, pero agardamos telas pronto por aquí.

Na nosa teima por ter todas as imaxes e actividades en servidores propios da Consellería e non en servidores externos, abrimos este novo blog para todas as novas que teñan que ver coa biblioteca, que é case dicir novas que teñan que ver co noso centro xa que a biblioteca é a grande xeradora de actividades grupais do noso cole.

Agardamos que vos sintades coma na casa neste novo recuncho da biblioteca.